Jɛrimaya 21:5 - Krio Fɔs Oli Baybul

⁵ Na misɛf sɛf go fɛt una wit mi traŋa an we opin, wit vɛksteshɔn ɛn ɔt tɛmpa, ɛn wit bad bad wamat.

Jɛrimaya 21:5 Referans Kwoze

Ayzaya 63:10

Bɔt dɛn tɔn agens am ɛn mek di oli spirit vɛks; so, i kan tɔn fɔ bi dɛn ɛnimi, ɛn insɛf fɛt dɛm.

Ayzaya 5:25

Fɔseka dat PAPA GƆD in at bin wam pan in pipul dɛn, so i tɔn pan dɛn ɛn kil dɛn, ɛn di mawnten dɛn trimbul; ɛn dɛn dedebɔdi dɛn skata lɛk dɔti na di trit dɛn. Pan ɔl dat in at stil nɔ kol, ɛn i stil wan pɔnish dɛn.

Ɛksodɔs 6:6

So tɛl di Izrɛlayt pipul dɛn se, Mi na PAPA GƆD ɛn a go pul una kɔmɔt pan di waala we di Ijipshian dɛn put pan dɛn. A go pul dɛn kɔmɔt pan di slev layf we dɛn liv ɛn a go sho dɛn mi pawa.

Jɛrimaya 32:17

‘E PAPA GƆD we na mi Gɔd! Na yu mek ɔp di klawd ɛn di wɔl wit yu big big pawa ɛn wit yu an we yu opin wayd! Natin nɔ traŋa fɔ yu fɔ du,

Jɛrimaya 6:12

Dɛn go gi ɔda pipul dɛn, dɛn os dɛm, wit dɛn fam ɛn dɛn wɛf dɛm sɛf; bikɔs a go pɔnish di pipul dɛn na di land,” na so PAPA GƆD se.”

Ayzaya 9:21

Manasɛ Ifrem, ɛn Ifrem Manasɛ, ɛn dɛn ɔl de agens Juda. Pan ɔl dat, in at nɔ stil kol ɛn stil de pɔnish una dɛn.

Ayzaya 9:17

Na dat mek PAPA GƆD nɔ de gladi fɔ dɛn yɔŋ bɔy dɛn, ɛn i nɔ de sɔri fɔ di pikin dɛn we dɛn papa dɔn day ɛn di uman dɛn we dɛn man dɔn day; bikɔs dɛn ɔl nɔ sabi Gɔd ɛn na so so bad dɛn de du, ɛn na soso rɔbish dɛn de tɔk. Fɔseka ɔl dɛn tin ya, in at stil nɔ kol ɛn i stil de pɔnish dɛn.

Ɛksodɔs 9:15

Tɛl di kiŋ se, a bin fɔ dɔn put sik pan in ɛn in pipul dɛn we bin fɔ mek dɛn day kɔmɔt na di wɔl.

Jɛrimaya 32:37

Biliv mi, a go gɛda dɛm kɔmɔt na ɔl di kɔntri dɛm we a bin drɛb dɛn go we a bin vɛks ɛn mi at bin wam bad bad wan; a go briŋ dɛn kam bak na ya, ɛn a go mek dɛn sef.

Ayzaya 10:4

Natin nɔ lɛf, pas fɔ butu wit dɛn prizina ɔ day wit di wan dɛn we dɛn go kil. Na fɔseka ɔl dɛn tin ya mek in at nɔ stil kol, ɛn i stil de pɔnish una.

Ayzaya 9:12

Di Sirian dɛn na di ist ɛn di Filistin dɛn na di wɛst dɔn opin mɔt fɔ swɛla Izrɛl. Pan ɔl dat, in at stil nɔ kol ɛn i stil wan pɔnish dɛn.

Ditarɔnɔmi 4:34

I tɛl dɛn se nɔn ɔda gɔd nɔ ɛva du wetin PAPA GƆD we na dɛn PAPA GƆD dɔn du, we i fɛt Ijipt fɔ dɛn sek ɛn fri dɛn kɔmɔt pan sɔfrin wit sayn ɛn bad bad tin dɛn we kin mek pipul dɛn fred ɛn wɔnda.

Ditarɔnɔmi 4:23

so dɛn fɔ mek shɔ se dɛn nɔ fɔgɛt di Kɔvinant we dɛn bin dɔn mek wit PAPA GƆD we na dɛn PAPA GƆD ɛn go mek ɛnitin we fiba mɔtalman ɔ animal fɔ wɔship, bikɔs PAPA GƆD we na dɛn PAPA GƆD nɔ want dɛn fɔ du da kayn tin de.

Jɛrimaya 36:7

Sɔntɛm dɛn pre lɛ PAPA GƆD fɔgiv dɛm we go mek ɔlman lɛf fɔ du bad, bikɔs di tin we PAPA GƆD dɔn anawns se in go du, nɔ gud fɔ tɔk.”

Jɛrimaya 37:10

Ivin if una kil di wanol Babilonian ami we de fɛt una, ɛn na so so man dɛm we wund nɔmɔ lɛf, ɛn dɛn ɔl lidɔm insay dɛn tɛnt dɛm, dɛn go mɔs grap ɛn bɔn dis siti wit faya.’”

Lamɛnteshɔn 2:3

I vɛks bad bad wan pul ɔl di pawa we Izrɛl bin gɛt; i dɔn tap fɔ ɛp dɛn ɔl we dɛn ɛnimi dɛn de biɛn dɛn; i de wayl pan dɛn na Juda lɛk we faya de bɔn ɔltin we de rawnd am.

Izikɛl 5:8

so, PAPA GƆD se: Luk, mi, ivin misɛf sɛf, a de agens una; ɛn a go kɛri awt mi jɔjmɛnt midul una, frɔnt ɔl di neshɔn dɛn yay.

Izikɛl 39:3

Dɛn a go nak yu bo kɔmɔt na yu lɛf an, ɛn a go mek yu aro dɛn fɔdɔm kɔmɔt na yu raytan.