Jɛrimaya 21:4 - Krio Fɔs Oli Baybul

⁴ “Go tɛl Zɛdikaya se, ‘Na dis PAPA GƆD we na Izrɛl dɛn Gɔd se: A go gɛda ɔl di wɛpɔn dɛm fɔ fɛt wa, we de na una an, we una de yuz fɔ fɛt di kiŋ na Babilɔn, ɛn di Babilonian dɛm we sɔrawnd una na do na una wɔl dɛm; ɛn a go briŋ dɛm ɔl kam put na di siti sɛnta.

Jɛrimaya 21:4 Referans Kwoze

Jɛrimaya 33:5

Di Babilonian dɛm de kam fɛt dɛm, ɛn dɛn go fulɔp dɛn os dɛn wit dedebɔdi we a go kil we a vɛks ɛn mi at wam, bikɔs a nɔ de luk na dis siti fɔseka ɔl dɛm wikɛdnɛs.

Jɛrimaya 32:5

ɛn i go tek Zɛdikaya go Babilɔn, ɛn na de i go de sote a go waka to am. Ɔlwe una go fɛt di Babilonian dɛm, una nɔ go ebul dɛm’?”

Ayzaya 13:4

Lisin, kɔnfyushɔn de na di mawnten dɛn we tan lɛk bɔku bɔku pipul vɔys! Lisin, kata kata de na di kindɔm dɛn, lɛk we difrɛn kɔntri dɛn gɛda wan say! PAPA GƆD Ɔlmayti de gɛda sojaman dɛn fɔ go fɛt.

Ayzaya 5:5

Ɛn naw a go tɛl una wetin a go du to mi greps fam. A go pul di fɛnch we de rawnd am, datɛnde, dɛn go pwɛl pwɛl am; A go brok in wɔl dɛn kam dɔŋ ɛn dɛn go mas mas am.

Zɛkaraya 14:2

PAPA GƆD go lɛ ɔl di neshɔn dɛn we nɔ wan si Jerusɛlɛm go fɔ fɛt am. Dɛn go kapchɔ di siti, lut na dɛn os dɛn, ɛn rep dɛn uman dɛn we go mek af ɔf di wan dɛn we tap na di siti go go ɛgzayl dɔn di balans nɔ go kɔmɔt na di siti.

Lamɛnteshɔn 2:7

PAPA GƆD dɔn pul rɛspɛkt kɔmɔt pan di ɔlta, i dɔn pul at kɔmɔt pan di ples we dɛn de pre; i dɔn put ɔl di wɔl dɛn ɛn kiŋ os dɛn na di ɛnimi dɛn an; dɛn gladi de ala na PAPA GƆD in os lɛk we dɛn kin du di tɛm dɛn we dɛn kin ol dɛn fist.

Lamɛnteshɔn 2:5

PAPA GƆD dɔn kan tan lɛk ɛnimi, i dɔn nyakanyaka Izrɛl; i dɔn nyakanyaka ɔl in kiŋ os dɛn, pwɛl di barik dɛn; ɛn i dɔn mek munin ɛn wɔndrin dɔn bɔku na Juda.

Jɛrimaya 39:3

Wɛn dɛn kapchɔ Jerusɛlɛm, ɔl di bigman dɛn na Babilɔn bin kam sidɔm na di midul get: sɔm pan dɛn na Nagal Sarɛza, Samga Nɛbɔ, Sasɛchim we na Rabsaris, wan ɔda Nagal Sarɛza we kɔmɔt Rabmag, wit ɔl di kiŋ na Babilɔn in ɔda ofishal dɛm.

Matyu 22:7

Di kiŋ vɛks bad wan, so i sɛn in soja man dɛn fɔ go kil di pipul dɛn we kil in bɔy dɛn ɛn bɔn dɛn tɔŋ.

Ozie 9:12

PAPA GƆD se ivin di pikin dɛn we dɛn gɛt go day. Nɔn nɔ go lɛf. I se dɛn go did alaki we i lɛf dɛn to dɛnsɛf.

Jɛrimaya 52:18

Dɛn tek di pɔt dɛn, shɔbul, sizɔs fɔ trim wik, di dish dɛn fɔ bɔn insɛns, ɛn ɔl di bras tin dɛn we dɛn de yuz na di tɛmpul;

Ayzaya 10:4

Natin nɔ lɛf, pas fɔ butu wit dɛn prizina ɔ day wit di wan dɛn we dɛn go kil. Na fɔseka ɔl dɛn tin ya mek in at nɔ stil kol, ɛn i stil de pɔnish una.

Jɛrimaya 20:4

Bikɔs na dis PAPA GƆD se: Lisin, a go mek yu tɛrɔ to yusɛf ɛn to ɔl yu padi dɛm. Yu go de luk so dɛn de kil dɛn na wa. Ɛn a go mek di kiŋ na Babilɔn kapchɔ Juda; i go kɛr dɛn go Babilɔn go mek dɛn slev, ɛn go kil dɛm wit sɔd.

Jɛrimaya 21:3

Nain Jɛrimaya tɛl dɛn se:

Jɛrimaya 32:3

Bikɔs Zɛdikaya we na kiŋ na Juda bin dɔn lɔk am ɔp, de se, “Wetin du yu fɔ prɔfisay se, ‘Na dis PAPA GƆD se: A de tɛl una, a de gi dis siti to di kiŋ na Babilɔn, ɛn i go kapchɔ am;

Jɛrimaya 32:24

Di dɔti we dɛn pak rawnd fɔ klem ɛn atak, dɔn bil kam ɔp di siti fɔ kapchɔ am, ɛn fɔseka wa ɛn bad bad aŋri ɛn siknɛs, dɛn go gi di siti to di Babilonian dɛm we de fɛt dɛm. Wetin yu bin se dɔn bi, ɛn yu si am wit yu yay.

Jɛrimaya 35:17

Fɔseka dat na dis PAPA GƆD Ɔlmayti we na Izrɛl dɛn Gɔd se: Biliv mi, a de briŋ ɔl di bad bad tin dɛm pan Juda ɛn Jerusɛlɛm, we a bin dɔn tɔk se go bi to dɛm; bikɔs a tɔk to dɛm bɔt dɛn nɔ lisin, a dɔn kɔl dɛm bɔt dɛn nɔ ansa.

Lamɛnteshɔn 2:3

I vɛks bad bad wan pul ɔl di pawa we Izrɛl bin gɛt; i dɔn tap fɔ ɛp dɛn ɔl we dɛn ɛnimi dɛn de biɛn dɛn; i de wayl pan dɛn na Juda lɛk we faya de bɔn ɔltin we de rawnd am.

Izikɛl 39:3

Dɛn a go nak yu bo kɔmɔt na yu lɛf an, ɛn a go mek yu aro dɛn fɔdɔm kɔmɔt na yu raytan.