Jɛrimaya 21:2 - Krio Fɔs Oli Baybul

² “Fɛnɔt to PAPA GƆD fɔ wi, bikɔs Nɛbyukadnɛza we na kiŋ na Babilɔn de mek wa pan wi; sɔntɛnde, PAPA GƆD go yuz ɔl in wɔndaful tin dɛn we i kin du, fɔ ɛp wi, ɛn i go mek i fred fɔ fɛt wi.”

Jɛrimaya 21:2 Referans Kwoze

Jɛrimaya 37:3

Kiŋ Zɛdikaya sɛn Jɛukal we na Shelɛmaya in bɔypikin, ɛn Zɛfinaya we na di man we de mek sakrifays fɔ pipul sin ɛn na Maasɛia in bɔypikin, to Jɛrimaya we na prɔfɛt se, “Pre fɔ wi to PAPA GƆD we na wi Gɔd.”

Jɛrimaya 37:7

“Na dis PAPA GƆD we na Izrɛl dɛn Gɔd se: Na dis yu go tɛl di kiŋ na Juda we sɛn yu fɔ kam fɛnɔt to mi, ‘A de tɛl yu. Fero in ami we kam ɛp una, de rɛdi fɔ go na Ijipt we na dɛn yon land.

1 Samiɛl 28:15

Samiɛl aks Sɔl wetindu i gɛt fɔ ambɔg am ɛn mek dɛn wek in gost. Sɔl tɛl am se in at nɔ swit ɛn dat di Filistin dɛn de fɛt am dɔn PAPA GƆD dɔn lɛf am to insɛf ɛn nɔ de ansa am bay drim ɔ bay wɔd frɔm dɛn prɔfɛt dɛn. I se na dat mek i lɛ dɛn wek am mek i go tɛl am wetin fɔ du.

1 Samiɛl 28:6

I aks PAPA GƆD wetin go bi bɔt PAPA GƆD nɔ ansa am. I nɔ yɛri PAPA GƆD in ansa na drim, we i yuz di Yurim ɛn Thumim ɛn di prɔfɛt dɛnsɛf nɔ se natin to am.

Jɛrimaya 32:24

Di dɔti we dɛn pak rawnd fɔ klem ɛn atak, dɔn bil kam ɔp di siti fɔ kapchɔ am, ɛn fɔseka wa ɛn bad bad aŋri ɛn siknɛs, dɛn go gi di siti to di Babilonian dɛm we de fɛt dɛm. Wetin yu bin se dɔn bi, ɛn yu si am wit yu yay.

Jɛrimaya 32:17

‘E PAPA GƆD we na mi Gɔd! Na yu mek ɔp di klawd ɛn di wɔl wit yu big big pawa ɛn wit yu an we yu opin wayd! Natin nɔ traŋa fɔ yu fɔ du,

2 Kronikuls 32:21

Ɛn PAPA GƆD sɛn wan enjɛl we kil ɔl di pawaful sojaman, kɔmanda ɛn ɔfisa dɛm na Sɛnakarib di Asiria kiŋ in kamp so i tɔk bak go wit Shem fes nain yon kɔntri. Ɛn wɛn i kam nain gɔd in os. Sɔm pan in yon in yon bɔypikin dɛm atak am wit sɔd ɛn kil am de.

2 Kiŋ 1:3

PAPA GƆD in enjɛl tɔk to Ilayja da Tishbayt. I se, “Grap go mit di kiŋ na Sameria in mɛsenja dɛn na rod ɛn aks dɛn se if PAPA GƆD nɔ de na Izrɛl we mek i de sɛn fɔ go fɛnɔt to Bealzibɔb da gɔd na Ɛkrɔn.

1 Samiɛl 10:22

So dɛn aks PAPA GƆD if i nɔ go de yet. PAPA GƆD tɛl dɛn se i de de bɔt i ayd usay sɔm lod dɛn de.

Di Jɔj Dɛm 20:27

Dɔn di Izrɛlayt dɛn aks PAPA GƆD (da tɛm de, di Ak ɔf di Kɔvinant bin de Bɛtɛl

Jɛnɛsis 10:10

In yon say we i bigin rul na Babilɔn, Irɛk, Akad ɛn Kalnɛ; dɛn ɔl bin de insay Shina.

Ɛksodɔs 9:28

I beg dɛn fɔ pre to PAPA GƆD fɔ mek dis ren go tap. I se di ren dɔn pasmak ɛn prɔmis se in go lɛf dɛn fɔ go, ɛn dɛn nɔ go tap de igen

2 Kiŋ 17:24

Di kiŋ na Asiria pul pipul dɛn kɔmɔt na Babilɔn, Kutha, Ava, Amath ɛn Sɛfavaim ɛn kɛr dɛn go na di difrɛn siti dɛn na Sameria fɔ go tek di Izrɛlayt dɛn ples de. Na dɛn bin tap na ɔl di siti dɛn na Sameria.

Ayzaya 48:2

Bikɔs dɛn kɔl dɛnsɛf di oli siti in nem, ɛn abop pan Izrɛl dɛn Gɔd; na PAPA GƆD Ɔlmayti nain nem.

Jɛrimaya 15:11

Lɛ i bi so, E PAPA GƆD if a nɔ dɔn tɔk to yu fɔ dɛn yon gud, ɛn if a nɔ dɔn beg yu fɔ mi ɛnimi dɛm we dɛn gɛt trɔbul we waala mit dɛm!

Jɛrimaya 21:3

Nain Jɛrimaya tɛl dɛn se:

Jɛrimaya 37:17

nain kiŋ Zɛdikaya sɛn se mek dɛn kɛr am go to am, ɛn i tɛl am kabɔ. Nain di kiŋ aks am sikrit wan nain os se, “Yu nɔ gɛt nɔn wɔd frɔm PAPA GƆD?” Jɛrimaya se, “A gɛt.” Nain i se, “Di kiŋ na Babilɔn go kapchɔ yu.”

Izikɛl 7:26

Bad bad trɔbul ɛn sɔfrin pan bad bad trɔbul ɛn sɔfrin, dɛn se, go fala dɛn se; dɛn de aks di prɔfɛt fɔ vishɔn, bɔt di lɔ day bikɔs di man we de mek sakrifays fɔ pipul sin, nɔ de tich di pipul dɛn, ɛn di bigman dɛn nɔ de advays.

Jɛrimaya 34:1

Dis na PAPA GƆD in wɔd we rich Jɛrimaya, di tɛm we Nɛbyukadnɛza we na kiŋ na Babilɔn ɛn ɔl in ami, ɔl di kindɔm dɛm na di wɔl we de ɔnda in pawa, ɛn ɔl di pipul dɛn na wɔl, bin de fɛt Jerusɛlɛm ɛn ɔl in siti dɛm: