Jɛrimaya 21:12 - Krio Fɔs Oli Baybul

¹² Yu Devid in os! Na dis PAPA GƆD se: “kɛri awt jɔstis na mɔnin, ɛn sev pipul dɛn kɔmɔt na di wan dɛn we de sɔprɛs dɛm, dɛn an, in we dɛn dɔn tif, if nɔ so, mi vɛksteshɔn go mit dɛm lɛk faya, ɛn bɔn, we nɔbɔdi nɔ go ebul ɔt am, fɔseka di ivul tin dɛm we una de du.’”

Jɛrimaya 21:12 Referans Kwoze

Ayzaya 1:17

una lan fɔ du gud; trit ɔlman di sem, nɔ gri lɛ dɛn trit pipul dɛn du bad; tinap fɔ di wan dɛn we dɛn papa dɔn day, tɔk fɔ uman we in man dɔn day.

Jɛrimaya 4:4

Una sakɔmsayz unasɛf to PAPA GƆD, una pul di fɔs kanda we de ɔntɔp una at, Una di man dɛn na Juda ɛn una we tap na Jerusɛlɛm; if nɔto so, mi vɛksteshɔn go kɔmɔt lɛkɛ faya ɛn bɔn, we nɔbɔdi nɔ go ebul ɔt am, bikɔs ɔf di ivul we de pan di tin dɛn we una de du.”

Ayzaya 1:31

Ɛn di wan we gɛt trɛnk go tɔn wud chips, we in wok na fɔ mek spak, ɛn dɛn ɔltu go bɔn togɛda ɛn nɔbɔdi nɔ go ebul ɔt dɛm.

Zɛfinaya 3:5

PAPA GƆD in de du tin tret wan ɔltɛm, i nɔ de du natin rɔŋ; ɛvride i nɔ de taya fɔ sho se i de du tin fia wan. Bɔt usay! Di pipul dɛn nɔ de chenj. Dɛn nɔ gɛt shem. Dɛn stil de du bad.

Neum 1:6

Udat ebul tinap bifo PAPA GƆD we i vɛks? Udat ebul am we i dɔn vɛks? We i vɛks i de blez lɛk faya, ivin dɛn big ston kin tɔn grabul-grabul usay i de.

Jɛrimaya 36:7

Sɔntɛm dɛn pre lɛ PAPA GƆD fɔgiv dɛm we go mek ɔlman lɛf fɔ du bad, bikɔs di tin we PAPA GƆD dɔn anawns se in go du, nɔ gud fɔ tɔk.”

Jɛrimaya 17:4

Una go pul an pan di land we a bin gi una, ɛn a go mek una sav una ɛnimi dɛm na land we una nɔ no, bikɔs we a vɛks, faya kin layt we go kech sote go.

Jɛrimaya 7:20

PAPA GƆD Ɔlmayti se, “A go put mi animal, a go put am pan tik dɛm na bush ɛn di frut dɛn we de gro kɔmɔt na grɔn; i go bɔn ɛn i nɔ go ɔt.”

Jɛrimaya 5:28

dɛn dɔn fat ɛn de shayn. Dɛn nɔ de fred fɔ du ɛnikayn wikɛd tin to nɔbɔdi; dɛn de gi bɛn bɛn jɔjmɛnt to dɛn wan dɛn we dɛn papa dɔn day, fɔ du mɔ wikɛdnɛs, ɛn dɛn nɔ de fɛt fɔ dɛn wan dɛm we nɔ gɛt.

Lɛta Fɔ Rom 13:4

Dɛn pipul we de rul, na Gɔd in wokman dɛn we de wok fɔ ɛp una. Bɔt if una du bad, una fɔ fred dɛn, bikɔs dɛn gɛt di pawa fɔ pɔnish una ɛn dɛn go pɔnish una. Dɛn tinap fɔ Gɔd we dɛn de jɔj ɛn pɔnish dɛn pipul we de du bad.

Lyuk 1:69

I dɔn sɛn pɔsin we gɛt pawa we go sev wi ɛn dis pɔsin ya kɔmɔt na Devid in fambul layn.

Izikɛl 22:31

Fɔseka dat, a dɔn put mi vɛksteshɔn pan dɛm; a dɔn kil dɛm wit mi wamat in faya; a dɔn pe dɛn bak bay aw dɛn biev. Na dis Papa Gɔd we na Gɔd tɔk se.”

Lamɛnteshɔn 4:11

PAPA GƆD pul ɔl in vɛksteshɔn pan Jerusɛlɛm, i pul ɔl in wamat pan am; i mek faya kech Jerusɛlɛm we bɔn am to asis.

Jɛrimaya 23:19

A de tɛl una, PAPA GƆD in tinada de blo! Bad bad veksteshɔn dɔn sho, ebi briz we de tɔn rawnd;; i go bɔs na dɛn wikɛd pipul dɛn ed.

Jɛrimaya 5:14

Bikɔs ɔf dat, na dis Papa Gɔd we na Gɔd Ɔlmayti se, “Bikɔs dɛn dɔn tɔk da wɔd de, a de mek mi wɔd na mɔt tan lɛkɛ faya ɛn dɛn pipul ya, di wud ɛn di faya go bɔn dɛm.

Ayzaya 7:13

Nain i se, “Una lisin o, una we de na Devid in os. Di ambɔg we una de ambɔg mɔtalman nɔ du, pas una go ambɔg mi Gɔd insɛf?

Ayzaya 7:2

Wɛn wɔd rich Devid in os se, “Siria dɔn mek wan wɔd wit Ifrem,” in ɛn in pipul dɛn ɔl at shek lɛk aw dɛn tik na bush kin shek we briz de blo.

Di Sam Dɛm 101:8

Ɛvride a go kil badman dɛn na di ples. Dɛn ɔl we de du bad nɔ go gɛt ples fɔ de na PAPA GƆD in siti.

Zɛfinaya 1:18

We PAPA GƆD dɔn rɛdi fɔ du wetin i want, nɔn mɔni, i lɛk aw i bɔku nɔ go tap am. We PAPA GƆD dɔn jɛlɔs gud, i go jɛs mek faya bɔn ɛn dɔnawe wit ɔlman we tap na wɔl.

Jɛrimaya 23:5

PAPA GƆD se, “A de tɛl una se, di tɛm de kam we a go es wan branch na Devid in layn, we de waka tret na mi yay, ɛn i go ren as kiŋ ɛn go wok wit sɛns, ɛn i go trit ɔlman ikwali ɛn waka tret wit ɔlman na di land.

Jɛrimaya 21:5

Na misɛf sɛf go fɛt una wit mi traŋa an we opin, wit vɛksteshɔn ɛn ɔt tɛmpa, ɛn wit bad bad wamat.

Job 29:17

A kin brok bad pipul dɛn tit, ɛn mek i pit di pɔsin we i kin grip wit in tit.

2 Samiɛl 8:15

Devid rul ɔl Izrɛl ɛn i bin de du wetin fia ɛn rayt fɔ ɔlman de.

Ditarɔnɔmi 32:22

Mi vɛksteshɔn kin mek big big faya kech ɛn bɔn ɔltin na dis wɔl. I go rich ɔnda ɔnda di grɔn ɛn go bɔn ɔnda dɛn mawnten dɛn.

Lɛvitikɔs 26:28

dɛn insɛf go mek traŋayes ɛn nɔ lisin to dɛn bikɔs i vɛks bad ɛn nainsɛf go pɔnish dɛn fɔ dɛn sin dɛn.

Ɛksodɔs 18:13

Di nɛks de, Mozis sidɔm fɔ de jɔj kes ol de. Di pipul dɛn tinap rawnd am ol de frɔm mɔnin te ivintɛm de wet fɔ am fɔ jɔj dɛn kes.

Jɛrimaya 7:5

“Bikɔs if una chenj una we ɛn fɔ tru tru lɛf dɛn tin dɛn we una de du, if una trit ɔlman di sem fɔ tru tru, ɛn gi udat gɛt rayt in rayt,

Jɛrimaya 23:2

Fɔseka dat, na dis PAPA GƆD we na Izrɛl dɛn Gɔd se bɔt dɛn shɛpad dɛm we de kia fɔ mi pipul dɛm: “Una dɔn skata mi ship dɛm, ɛn una dɔn drɛb dɛm go, ɛn una nɔ atɛnd to dɛm. A de tɛl una, a go atɛnd to una fɔ di ivul tin dɛn we una du, na so PAPA GƆD se.

Jɛrimaya 44:22

PAPA GƆD nɔ bin ebul bia di bad bad tin dɛm ɛn di tin dɛm we i et bad bad wan we una dɔn du; na dat mek una land dɔn tɔn gud fɔ natin, i dɔn gɛt swɛ ɛn nɔbɔdi nɔ tap de, lɛk aw i de lɛkɛ tide.