Jɛrimaya 21:10 - Krio Fɔs Oli Baybul

¹⁰ PAPA GƆD se, bikɔs a dɔn tɔn mi fes to dis siti fɔ bad, ɛn nɔto fɔ gud; a go mek di kiŋ na Babilɔn kapchɔ am, ɛn i go bɔn am wit faya?

Jɛrimaya 21:10 Referans Kwoze

Jɛrimaya 44:11

“Fɔseka dat, na dis PAPA GƆD Ɔlmayti we na Izrɛl dɛn Gɔd se: A de tɛl una, a go tay mi at pan una ɛn du una bad ɛn nyakanyaka di wanol Juda.

Emɔs 9:4

If dɛn ɛnimi dɛn kech dɛn ɛn kɛr dɛn go as rɛfyuji, a go mek dɛn kil dɛn ɔl. A dɔn mekɔp mi maynd fɔ dɔnawe wit dɛn kpatakpata. A nɔ go sev dɛn.”

Jɛrimaya 44:27

Biliv mi, a de wach dɛm fɔ du dɛm bad ɛn nɔto fɔ du dɛm gud; ɔl di man dɛm we kɔmɔt Juda go tap na Ijipt go day na wa ɛn wit bad bad aŋri, te nɔn pan dɛn nɔ lɛf.

Izikɛl 15:7

Ɛn a go dil wit dɛn; i lɛk dɛn rɔnawe kɔmɔt na di faya, di faya go stil bɔn dɛn; ɛn una go no se na mi na PAPA GƆD we a go dɔn dil wit dɛn dɔn.

Jɛrimaya 52:13

I bɔn PAPA GƆD in os, i bɔn di kiŋ in os ɛn ɔl di os dɛm na Jerusɛlɛm; i bɔn ɔl dɛn big big os dɛm.

Jɛrimaya 39:8

Di Babilonian dɛm bin bɔn di kiŋ in os ɛn di pipul dɛn os dɛm, ɛn brok di wɔl na Jɛrusɛlɛm.

Jɛrimaya 38:18

Bɔt if yu nɔ sɔrɛnda to di kiŋ na Babilɔn in bigman dɛm, I go gi di siti to di Babilonian dɛn, ɛn dɛn go bɔn am wit faya, ɛn yu nɔ go ɛskep.

Jɛrimaya 38:3

Na dis PAPA GƆD se, Dis kiŋ na Babilɔn in ami go mɔs kapchɔ dis siti.”

Jɛrimaya 34:2

Na dis PAPA GƆD we na Izrɛl dɛn Gɔd se: Go tɔk to Zɛdikaya we na kiŋ na Juda, ɛn tɛl am se, ‘Na dis PAPA GƆD se: Biliv mi, a de gi dis siti to di kiŋ na Babilɔn, ɛn i go bɔn am wit faya.

2 Kronikuls 36:19

Ɛn dɛn dɔn PAPA GƆD in os brok Jerusɛlɛm in wɔl kam dɔŋ ɛn bɔn ɔl in kiŋ os dɛm wit faya ɛn distrɔy ɔl in prɛshɔs besin dɛm.

Jɛrimaya 38:23

Dɛn go kɛr ɔl yu wɛf dɛm ɛn yu bɔypikin dɛm go to di Babilonian dɛm, ɛn yusɛf nɔ go ɛskep; di kiŋ na Babilɔn go kapchɔ yu ɛn dɛn go bɔn dis siti wit faya.”

Di Sam Dɛm 34:16

PAPA GƆD et udat de du bad ɛn ivin we i dɔn day sɛf nɔbɔdi nɔ go mɛmba am.

Lɛvitikɔs 26:17

I go dison dɛn ɛn mek dɛn ɛnimi dɛn win dɛn; di wan dɛn we et dɛn, go rul dɛn ɛn dɛn go de rɔn ivin we nɔbɔdi nɔ de rɔnata dɛn.

Lɛvitikɔs 17:10

I se if ɛni Izrɛlayt ɔ fɔrina we tap wit dɛn it ɛnitin we gɛt blɔd, PAPA GƆD go dison da pɔsin de ɛn i nɔ go mek i miks wit in di Izrɛlayt dɛn igen

Zɛkaraya 1:6

I se bɔt di tɔk we i bin tɛl di prɔfɛt dɛn fɔ tɔk de te naw. Dat mek dɛn beg padin ɛn se aw PAPA GƆD plan fɔ dil wit wi fɔ wetin wi de du, na so i dɔn dil wit wi.

Jɛrimaya 34:22

PAPA GƆD se, A go kɔmand dɛm ɛn briŋ dɛn kam bak na dis siti; ɛn dɛn go fɛt una ɛn kapchɔ am, ɛn bɔn am wit faya. A go mek di siti dɛm na Juda tɔn gud fɔ natin ples, ɛn nɔbɔdi nɔ go tap de.

Jɛrimaya 26:6

A go mek dis Tɛmpul tan lɛk Shilo, ɛn a go mek ɔlman na wɔl yuz dis siti in nem fɔ de swɛ.’”

Jɛrimaya 17:27

Bɔt if una nɔ lisin to mi, fɔ kip di de fɔ blo ɛn rɛst oli, ɛn nɔ fɔ tot lod pas insay di get dɛm na Jerusɛlɛm de fɔ blo ɛn rɛst, a go layt faya nain get dɛm, ɛn i go bɔn di kiŋ os dɛm na Jerusɛlɛm, ɛn nɔbɔdi nɔ go ebul ɔt am.”

Jɛrimaya 33:5

Di Babilonian dɛm de kam fɛt dɛm, ɛn dɛn go fulɔp dɛn os dɛn wit dedebɔdi we a go kil we a vɛks ɛn mi at wam, bikɔs a nɔ de luk na dis siti fɔseka ɔl dɛm wikɛdnɛs.

Jɛrimaya 39:16

“Go tɛl Ɛbɛdmɛlɛk, da Itiopian we na okobo se, ‘Na dis PAPA GƆD Ɔlmayti we na Izrɛl dɛn Gɔd se: Biliv mi, a go du wetin a se na dis siti fɔ bad, ɛn nɔto fɔ gud, ɛn dɛn go opin bifo yu yay da de de.

Izikɛl 24:11

Dɔn put di ɛmti pɔt na di faya so dat di pɔt go wam, so dat in kɔpa we dɛn tek mek am go bɔn ɛn ɔl in dɔti go mɛlt insay am, ɛn di rɔsti we de pan am go dɔn kpatakpata.

Emɔs 2:5

A go sɛn faya na Juda ɛn nyakanyaka di wɔl we de rawnd Jerusɛlɛm.”

Jɛrimaya 38:17

Nain Jɛrimaya tɛl Zɛdikaya se, Na dis PAPA GƆD Ɔlmayti we na Izrɛl dɛn Gɔd se, If yu sɔrɛnda to di kiŋ na Babilɔn in bigman dɛm, dɛn go spia yu layf ɛn dɛn nɔ go bɔn dis siti wit faya, ɛn yu ɛn ɔlman na yu os nɔ go day.