Jɛrimaya 20:9 - Krio Fɔs Oli Baybul

⁹ If a mekɔp se, “A nɔ go tɔk bɔt am, ɔ nɔ tɔk bɔt in nem igen,” sɔntin de insay mi at, we tan lɛk faya insay mi bon dɛm, ɛn a taya fɔ ol am insay, ɛn a nɔ ebul kip am igen

Jɛrimaya 20:9 Referans Kwoze

Di Sam Dɛm 39:3

Mi at nɔ rɛst, as a de tink, na so a de lɔs mi peshɛnt nain a tɔk wantɛm.

Apɔsul Dɛn Wok 4:20

Wi nɔ go ebul sɛt mɔt ɛn nɔ tɔk bɔt wetin wi dɔn si ɛn yɛri.”

Izikɛl 3:14

Di spirit es mi ɔp ɛn tek mi kɔmɔt de, ɛn a go wit bita spirit ɛn wamat, ɛn PAPA GƆD in an bin de pan mi traŋa wan;

Apɔsul Dɛn Wok 17:16

Wɛn Pɔl bin de wet fɔ Timoti ɛn Saylas, i bin vɛks we i si se di pipul dɛn bin gɛt plɛnti gɔd na di tɔŋ.

Jɛrimaya 6:11

Fɔseka dat, PAPA GƆD in sem vɛksteshɔn ful insay mi; A dɔn taya fɔ bia kip am insay mi. “Empti am pan dɛn pikin na trit, ɛn igen, pan dɛn yɔŋbɔy dɛm ɔl usay dɛn gɛda; dɛn go kɛr mared man ɛn in wɛf go, di ol grani ɛn grampa dɛm, ɛn di wan dɛnsɛf we dɔn olpasmak.

Lyuk 9:62

Jizɔs se, “Pɔsin we de dig ol fɔ plant sid ɛn de tɔn luk biɛn am, tan lɛkɛ pɔsin we de wok we lɛf am af we; i nɔ fit fɔ de ɔnda Gɔd in rul.”

Apɔsul Dɛn Wok 18:5

Wɛn Saylas ɛn Timoti rich Masidonia, Pɔl lɛf fɔ mek tɛnt, i tek ɔl in tɛm de tɛl pipul wetin Jizɔs se, ɛn ɛksplen gud se Jizɔs na di Mɛsaya.

Jɛrimaya 4:19

Di pen pasmak! Di pen pasmak! A nɔ go ebul bia igen! O mi at-kes! Mi at de bit fas fas; A nɔ go ebul bia; bikɔs a de yɛri di trɔmpɛt in sawnd, we na di alam fɔ wa.

Jɛrimaya 23:9

As fɔ di prɔfɛt dɛn yon: Mi at pwɛl, mi bɔdi de trimbul; mi na lɛkɛ drɔnkɔman, lɛkɛ man we rɔm dɔn chak, fɔseka PAPA GƆD ɛn fɔseka in oli wɔd.

Jɛrimaya 23:29

PAPA GƆD se, mi wɔd nɔto lɛkɛ faya, ɛn lɛkɛ ama we de brok rɔk pis pis?

Izikɛl 3:3

Nain i tɛl mi se, “Mɔtalman, it dis skrol we a de gi yu ɛn mek yu bɛlɛ ful wit am.” So a it am; ɛn i bin swit lɛk ɔni na mi mɔt.

Emɔs 3:8

Wɛn layɔn ala, udat nɔ go fred? We PAPA GƆD, we na GƆD, dɔn tɔk, us prɔfɛt go lɔk in mɔt?

Jona 1:2

“Grap go na da big siti we nem Ninivɛ, ɛn wɔn dɛn se a dɔn yɛri ɔltin bɔt di bad we dɛn de du.”

Jona 1:3

Bifo dat Jona grap ɛn rɔnawe go na Tashish lɛk fɔ se in go go usay PAPA GƆD nɔ de. I go na Jopa usay i mit wan ship we bin de rɛdi fɔ go Tashish. I bay tikit ɛn jomp insay di ship fɔ go Tashish usay i min to se PAPA GƆD nɔ go de.