Jɛrimaya 20:2 - Krio Fɔs Oli Baybul

² Pashɔ bit Jɛrimaya ɛn chen am na di ples we de fɔ chen pipul na di Bɛnjamin get we de ɔp say na PAPA GƆD in os.

Jɛrimaya 20:2 Referans Kwoze

Jɛrimaya 37:13

Wɛn i rich na Bɛnjamin Get, di bigman pan di sikyɔriti we nam Irija we na Shɛlɛmaya in bɔypikin ɛn Ananaya in grampikin, arɛst Jɛrimaya we na prɔfɛt, se, “Yu de rɔnawe fɔ go oba to di Babilonian dɛm,”

Zɛkaraya 14:10

Di wanol ples go tɔn to flat grɔn frɔm Giba te rich Rimɔn we de sawt insay Jerusɛlɛm. Bɔt Jerusɛlɛm in go lɛf ay wan usay i de frɔm di Bɛnjamin Get te rich di ples usay di fɔs get bin de, to di Kɔna Get ɛn frɔm di Ananɛl Tawa te rich di say we dɛn kin de mek wayn fɔ di kiŋ.

Jɛrimaya 1:19

PAPA GƆD se, dɛn go fɛt yu; bɔt dɛn nɔ go ebul yu, bikɔs a de wit yu fɔ fɛt fɔ yu.

2 Kronikuls 16:10

Nain Esa vɛks pan di prɔfɛt ɛn chen am put na jel, bikɔs i bin vɛks pan am bad bad wan fɔ seka dat. Da sem tɛm de, Esa bin du kruɛl kruɛl tin to di pipul dɛn.

Jɛrimaya 36:26

Bifo dat, di kiŋ ɔda Jɛrameɛl we nain di kiŋ in bɔypikin, ɛn Sɛraya we na Azriɛl in bɔypikin, ɛn Shɛlɛmaya we na Abdeɛl in bɔypikin, fɔ arɛst Baruch we na di sɛktri ɛn Jɛrimaya we na di prɔfɛt, bɔt PAPA GƆD bin ayd dɛm

Jɛrimaya 29:26

‘PAPA GƆD dɔn mek yu di man we de mek sakrifays fɔ pipul sin instɛd ɔf Jɛoayada we na man we de mek sakrifays fɔ pipul sin, fɔ de inchaj ɔf PAPA GƆD in os, oba ɔl dɛn krɛsman we de prɔfisay, fɔ put am na chen.

2 Kronikuls 24:21

Bɔt dɛn tay bagin fɔ am, ɛn di kiŋ gi kɔmand fɔ lɛ dɛn ston am insay di yad na PAPA GƆD in os.

1 Kiŋ 22:27

di kiŋ se dɛn fɔ put am na jel ɛn fid am wit ɛmti bred ɛn wata te i kam bak.

Rɛvɛleshɔn 17:6

A si se di uman bin drɔnk wit Gɔd in pipul dɛn blɔd ɛn di blɔd we kɔmɔt pan dɛn pipul we dɛn bin kil bikɔs dɛn tɔk opin wan se Jizɔs na dɛn Masta. Wɛn a si am a wɔnda te a nɔ no wetin fɔ tɔk.

Rɛvɛleshɔn 2:10

Una nɔ fred ɛnitin we una de kam sɔfa. Una lisin! Setan go tray una fɔ si if una biliv Gɔd fɔ tru, i go put una na jel. Na tɛn de nɔmɔ una go sɔfa da sɔfa de. Una nɔ lɛf fɔ biliv pan mi, if dat min sɛf se una go day fɔ mi sek, a go gi una layf we go de sote go, ɛn una go gɛt ɔna sote go na ɛvin.

Apɔsul Dɛn Wok 7:52

Ɛni prɔfɛt bin de we una grampapa papa dɛn nɔ mek sɔfa? Dɛn kil ɔl dɛn prɔfɛt we Gɔd sɛn to in pipul dɛn. Dɛn prɔfɛt ya bin de tɔk se Gɔd in Savant we de du wetin rayt ɔltɛm, go kam. Naw, una dɔn sɛl am ɛn una dɔn kil am.

Apɔsul Dɛn Wok 5:40

Ɔl di pipul dɛn we bin de jɔj na di Ju gran kot tek Gameliɛl in wɔd. Dɛn mek di gyad dɛn bit di apɔsul dɛn ɛn wɔn dɛn nɔ fɔ tɔk bɔt Jizɔs wɛn dɛn de tɔk to di pipul dɛn, dɔn dɛn lɛf dɛn, mek dɛn go.

Apɔsul Dɛn Wok 5:18

So dɛn ol di apɔsul dɛn ɛn put dɛn na jel.

Apɔsul Dɛn Wok 4:3

Dɛn ol Pita ɛn Jɔn, bɔt we ivintɛm bin dɔn kam, dɛn go kip dɛn na jel sote do klin.

Matyu 21:35

Di pipul dɛn we rɛnt di gadin ol di bɔy dɛn, dɛn kil wan, bit wan, ɛn ston wan.

Jɛrimaya 26:8

Ɛn wɛn Jɛrimaya dɔn tɔk ɔl wetin PAPA GƆD kɔmand am fɔ tɛl ɔl di pipul dɛm, nain di man dɛm we de mek sakrifays fɔ pipul sin ɛn di prɔfɛt dɛm, ɛn ɔl di pipul dɛm gɛda am, de tɔk se, “yu go day!

Job 13:27

Yu chen mi fut ɛn de wach ɔl usay a de go, ɛn ivin de wach wetin a de du ɛn aw a de du an.

2 Kronikuls 18:23

Na de Zɛdikaya, dat na Kenaanain bɔypikin go nia Maykaya ɛn slap am nain fes ɛn aks am se usay PAPA GƆD in spirit pas we i lɛf in go to am go tɔk to am.

Job 33:11

I put chen na mi fut ɛn de wach ɔl wetin a de du’.

1 Kiŋ 13:4

Wɛn kiŋ Jɛroboam yɛri di prɔfɛt de ala pan di ɔlta na Bɛthɛl, i pɔynt to am ɛn gi ɔda se lɛ dɛn kech am. As i du dat so nain in an day ɛn nɔ gri muf igen

Jɛrimaya 26:10

Wɛn di bigman dɛn na Juda yɛri bɔt dɛn tin ya, dɛm kɔmɔt na di kiŋ in os kam ɔp na PAPA GƆD in os sidɔm na dɛn ples insay di Nyu Get na PAPA GƆD in os.

Jɛrimaya 37:21

So kiŋ Zɛdikaya gi ɔda ɛn dɛn sɛn Jɛrimaya go na di pales yad; ɛn dɛn bin de gi am wan lof bred ɛvirde we de kɔmɔt na di bekri dɛm, sote di bred na di siti bin dɔn. So Jɛrimaya bin de na di pales yad.