Jɛrimaya 20:10 - Krio Fɔs Oli Baybul

¹⁰ Bikɔs a de yɛri bɔku bɔku sumu sumu. Fred fred de ɔlɔbɔt! “Pul am kɔmɔt na yu at! Lɛ wi pul am kɔmɔt na yu at! Na so ɔl mi tayt padi dɛn de se, de wach fɔ mi dawnfɔl. ‘Sɔntɛnde, wi go ebul disiv am, datɛnde, wi go gɛt am to wetin wi want, ɛn rivɛnj pan am.”

Jɛrimaya 20:10 Referans Kwoze

Di Sam Dɛm 41:9

Di wan sɛf we a bin se na mi bɛst frɛn we a trɔs we wi tu kin it togɛda, insɛf dɔn tɔn pan mi.

Di Sam Dɛm 31:13

A de yɛri dɛn lay ɛn koŋosa; a de fred fɔ kɔmɔt. Dɛn dɔn sɛt trap fɔ mi ɔlsay dɛn wan fɔ kil mi.

Ayzaya 29:21

we na wan wɔd i go tɔk, i go put pɔsin pan trɔbul, ɛn sɛt trap fɔ di wan we de tɔk di rayt wɔd na kɔt, ɛn wit kes we i nɔ gɛt rayt, kin win di wan we gɛt rayt.

Jɛrimaya 18:18

Nain dɛn se, “Una kam le wi mek plan agens Jɛrimaya, bikɔs wi nɔ go shɔt ɔf man we de mek sakrifays fɔ pipul sin fɔ tich wi di lɔ, ɛn sɛnsman dɛn fɔ gi wi sɛns, ɛn prɔfɛt dɛn fɔ tɛl wi PAPA GƆD in wɔd. Dɛn se, una kam lɛ wi tek wi mɔt bit am, ɛn lɛ wi nɔ tek natin we i de se siriɔs.

Apɔsul Dɛn Wok 24:13

Dɛn nɔ go ebul pruv se wetin dɛn de tɔk bɔt mi na tru.

Izikɛl 22:9

Sɔm man dɛn de de we de tɔk bad tin dɛm bɔt pɔsin dɛm, ɛn pwɛl dɛm so dat dɛn go kil dɛm; ɔda man dɛn de we de mek sakrifays na dɛn mawnten; sɔm man dɛn de rud midul una.

Jɛrimaya 6:25

Una nɔ go na fam, ɛn una nɔ waka na forod; bikɔs di ɛnimi gɛt sɔd, fred fred de ɔlɔbɔt.

Prɔvabs 10:18

Udat de ayd in bad at na layman, ɛn yu de koŋosa na fulman.

Lyuk 20:20

So dɛn bigin wach Jizɔs, ɛn dɛn sɛn ɔda pipul fɔ wach am. Dɛn tɛl di pipul dɛn we dɛn sɛn, fɔ mek lɛkɛ se dɛn na gud pipul, so dat dɛn go tek di wɔd dɛn we Jizɔs de tɔk kech am ɛn dɛn go kɛr am go bifo di bigman we de rul fɔ mek i go jɔj am.

Job 19:19

Mi tayt padi dɛn nɔ want natin fɔ du wit mi, di wan dɛn we a bin lɛk dɔn tɔn pan mi.

1 Kiŋ 21:20

Wɛn Eab si Ilayja, i tɛl am se “E bo mi ɛnimi! Yu kam fɛn mi na yaso bak!?” Ilayja ansa am se yɛs, in go fɛn am bikɔs i jɛs mekɔp in maynd fɔ de du bad bifo PAPA GƆD in yay.

1 Kiŋ 19:2

Jɛzibɛl sɛn mɛsej to Ilayja se in swɛ to in gɔd dɛn lɛ in alaki if in nɔ dil wit am ɛn mek in layf tan lɛkɛ dɛn prɔfɛt dɛn we i kil, di nɛks de.

Apɔsul Dɛn Wok 7:54

Wɛn dɛn bigman na di Ju gran kot yɛri wetin Stivin tɔk, dɛn vɛks bad.

Apɔsul Dɛn Wok 5:33

Wɛn di bigman dɛn na di Ju gran kot yɛri wetin di apɔsul dɛn tɔk, dɛn vɛks sote dɛn bin want mek dɛn kil di apɔsul dɛn.

Di Sam Dɛm 57:4

A de midul dɛn layɔn ya; a lidɔm usay dɛn rɛdi fɔ chɛr chɛr mi. Dɛn tit dɛn fiba spia ɛn aro fɔ tek fɛt, ɛn dɛn siti dɛn shap lɛk nɛf ɔ sɔd.

1 Kiŋ 22:27

di kiŋ se dɛn fɔ put am na jel ɛn fid am wit ɛmti bred ɛn wata te i kam bak.

1 Kiŋ 22:8

Di kiŋ fɔ Izrɛl ansa Jɛoshafat se wan mɔ prɔfɛt stil de we kin aks PAPA GƆD, we nem Maykaya we na Imla in bɔypikin; i se bɔt in et Maykaya bikɔs wande i nɔ de tɛl am gud tin, pas bad tin. Jɛoshafat tɛl di kiŋ se lɛ i nɔ tɔk so.

Jɛrimaya 11:19

Bɔt mi na bin lɛk nays ship pikin we dɛn kɛr go fɔ go kil. A nɔ bin no se na bin agens mi dɛn bin dɔn mek plɔt, we dɛn de se, “Lɛ wit pwɛl pwɛl di tik wit in frut dɛm, lɛ wi kil am, so dat dɛn nɔ go mɛmba in nem igen.”

Jɛrimaya 11:21

Na dis PAPA GƆD se bɔt di man dɛn na Anatɔt we wan kil yu ɛn de tɔk se, “We yu de prɔfisay, yu nɔ fɔ tɔk se na PAPA GƆD se, ɔ nɔso, wi go kil yu”–

Jɛrimaya 20:3

Di nɛks de, we Pashɔ fri Jɛrimaya kɔmɔt na di chen, Jɛrimaya tɛl am se, PAPA GƆD nɔ de kɔl yu Pashɔ, i de kɔl yu Tɛrɔ ɔlɔbɔt.

Jɛrimaya 37:13

Wɛn i rich na Bɛnjamin Get, di bigman pan di sikyɔriti we nam Irija we na Shɛlɛmaya in bɔypikin ɛn Ananaya in grampikin, arɛst Jɛrimaya we na prɔfɛt, se, “Yu de rɔnawe fɔ go oba to di Babilonian dɛm,”

Daniɛl 6:4

So ɔl di ɔda prɛsidɛnt ɛn Rɛsidɛnt Minista dɛn bigin fɔ fɛn we fɔ kɔmplen bɔt Daniɛl pan di wok we i de du na di kindɔm; bɔt dɛn nɔ bin ebul fɔ fɛn natin fɔ kɔmplen bɔt ɔ fɔ tek fɛn fɔlt pan am, bikɔs i bin tret, ɛn nɔn mistek ɔ fɔlt nɔ bin de pan am.

Di Sam Dɛm 31:14

Bɔt mi de trɔs yu, PAPA GƆD a se, “Yu na mi PAPA GƆD.”

Di Sam Dɛm 41:10

PAPA GƆD, duya av masi; mek a grap na mi sik bed fɔ fɛt mi ɛnimi dɛn.

Jɛrimaya 1:19

PAPA GƆD se, dɛn go fɛt yu; bɔt dɛn nɔ go ebul yu, bikɔs a de wit yu fɔ fɛt fɔ yu.