Jɛrimaya 2:9 - Krio Fɔs Oli Baybul

⁹ PAPA GƆD se, “Fɔseka dat, a go stil fɛt una, ɛn a go mek kes agens una pikin dɛn pikin dɛm.

Jɛrimaya 2:9 Referans Kwoze

Jɛrimaya 2:35

una se, ‘A inosɛnt; fɔ tru, in nɔ vɛks pan mi igen.’ A de tɛl una, a go jɔj una fɔ we una de tɔk se, ‘A nɔ kɔmit sin.’

Mayka 6:2

Na di mawnten dɛn bin dɔn de frɔm di tɛm we i mek di wɔl, so dɛn fɔ lisin gud to wetin i wan se, as i dɔn rɛdi fɔ tɔk ɔl wetin Izrɛl dɔn du we mek i vɛks pan dɛn.

Ɛksodɔs 20:5

Una nɔ fɔ butu to ɛni lay lay gɔd fɔ wɔship am bikɔs mi GƆD we na una PAPA GƆD, a nɔ want wan rayval. A kin mek pikin, grampikin, gret ɛn gret gret grampikin dɛn sɔfa fɔ dɛn papa dɛn sin fɔ we dɛn et mi;

Ozie 2:2

“Beg una mama fɔ mi duya bikɔs in nɔto mi wɛf, ɛn mi nɔto in man– mek i lɛf fɔ rare, ɛn fɔgɛt bɔt di man dɛn we i dɔn kip.

Jɛrimaya 2:29

“Wetin du una de kɔmplen bɔt mi? Una ɔl dɔn kɔmɔt biɛn mi. Na so PAPA GƆD se.

Ayzaya 43:26

Una mɛmba mi, lɛ wi agyu; mek una kes, so dat dɛn go pruv se una gɛt rayt.

Ayzaya 3:13

PAPA GƆD dɔn rɛdi fɔ di kes, I dɔn tinap fɔ jɔj in pipul dɛm.

Lɛvitikɔs 20:5

dɛn nɔto di man nɔmɔ PAPA GƆD go dison, i go dison in famili ɛn ɔl udat de fala am pan wetin i de du we i de biev lɛk rare gyal to Molɛk we na ɔda gɔd.

Di Sam Dɛm 50:4

I de kɔl ɔl man na ɛvin ɛn ath fɔ kam si we i de jɔj in pipul.

Ozie 4:1

Izrɛlayt dɛn, opin una yes ɛn yɛri wetin PAPA GƆD se, bikɔs PAPA GƆD gɛt siriɔs kɔmplen bɔt wetin di Izrɛlayt dɛn de du we i nɔ lɛk. Pipul jɛs de biev adɔnkiadam. Dɛn de wɔship ɔda gɔd dɛn ɛn nɔ bisin fɔ no am na di land;

Ozie 12:3

Wɛn Jekɔb bin de nain mama in bɛlɛ, nain brɔda i bin de fɛt, dɔn we i big, i fɛt wit PAPA GƆD.