Jɛrimaya 2:36 - Krio Fɔs Oli Baybul

³⁶ Luk we una de pas pas pan pipul, we nɔto so una bin tan! Ijipt go mek una shem, lɛkɛ aw Asiria bin mek una shem.

Jɛrimaya 2:36 Referans Kwoze

Jɛrimaya 31:22

Aw lɔŋ yu go de dawt, Yu gyal pikin we nɔ gɛt feth? Bikɔs PAPA GƆD dɔn mek nyu tin na di wɔl: uman de gyad man.”

Ozie 5:13

Wɛn Ifrem si se i sik dɔn Juda si di wund we i gɛt, Ifrem go to di kiŋ na Asiria, we i tink se na wɔndaful kiŋ, bɔt i nɔ ebul fɔ mɛn dɛn.

Ozie 12:1

Ifrem in jɛs de wes in tɛm ol de. Na soso lay ɛn fɔls layf i de pan. Dɛn dɔn mek bagin wit Asiria ɛn dɛn de tredin wit Ijipt.

Jɛrimaya 2:23

Aw una go se, “A nɔ dɔti na PAPA GƆD in yay, a nɔ de wɔship dɛn lay lay gɔd’? Luk di kayn sin we una de kɔmit na di vali; luk wetin una dɔn du – una tan lɛkɛ yɔŋ kamɛl we nɔ ebul stɛdi, bɔt de waka ɔp ɛn dɔŋ na di sem ples,

2 Kronikuls 28:16

Na da sem tɛm de kiŋ Eaz sɛn to di kiŋ na Asiria fɔ ɛp am.

Ozie 14:3

Tɛl am se Asiria nɔ ebul pul una pan trɔbul ɛn una nɔ go sidɔm pantap ɔs de blɔf igen Una nɔ go kɔl tin dɛn we una tek an mek, PAPA GƆD. Tɛl am se una no se nain de sɔri fɔ udat nɔ gɛt papa.

Ozie 10:6

Dɛn go tek di lay lay gɔd insɛf go Asiria as prɛzɛnt fɔ di kiŋ. Di pipul na Ifrem ɛn Izrɛl go shem so fɔ we dɛn de fala ɔda gɔd dɛn.

Ozie 7:11

Di pipul na Izrɛl de biev lɛk bɔd we nɔ gɛt sɛns. Dɛn go fɔs na Ijipt fɔ mek dɛn ɛp dɛn dɔn dɛn flay go Asiria.

Izikɛl 29:7

Fɔ wɛn dɛn bin ol yu traŋa wan wit dɛn an, yu bin brok ɛn chɛr ɔl dɛn sholda; ɛn wɛn dɛn bin liŋ pan yu, yu bin brok ɛn mek ɔl dɛn wes shek,

Lamɛnteshɔn 5:6

Na bega bega wi de bega bega to Ijipit ɛn Asiria mek wi go it bɛlful.

Lamɛnteshɔn 4:17

Wi taya fɔ de luk ɔltɛm fɔ natin se pipul dɛn go kam ɛp wi; we wi bin de wet de abop pan kɔntri we nɔ ebul ɛp wi.

Jɛrimaya 37:7

“Na dis PAPA GƆD we na Izrɛl dɛn Gɔd se: Na dis yu go tɛl di kiŋ na Juda we sɛn yu fɔ kam fɛnɔt to mi, ‘A de tɛl yu. Fero in ami we kam ɛp una, de rɛdi fɔ go na Ijipt we na dɛn yon land.

Jɛrimaya 2:33

Una sabi waka fɔ go fɛn una lɔva dɛm! Somɔch dat una dɔn tich dɛn wikɛd uman dɛm, fɔ du wetin una de du.

Jɛrimaya 2:18

Luk naw, wetin una gen we una go Ijipt, na fɔ drink wata na Riva Nayl? Ɔ wetin una gen we una go Asiria, na fɔ go drink wata na Riva Yufretis?

Ayzaya 20:5

Dat go mek dɛn at pwɛl nɔ go no wetin fɔ se, bikɔs ɔf wetin apin to Itiopia we dɛn abop pan ɛn Ijipt we dɛn de bost bɔt.

Jɛrimaya 46:12

Di neshɔn dɛm dɔn yɛri bɔt yu disgres, ɛn dɛn yɛri yu kɔmplen ɔlɔbɔt na wɔl; bikɔs sojaman de fɔdɔm pan sojaman; dɛn tu day togɛda.”

Izikɛl 16:28

Una bin rare to dɛn Asirian dɛnsɛf, bikɔs una nɔ bin de satisfay. Yɛs, una bin rare to dɛn, ɛn stil nɔ bin satisfay.

Jɛrimaya 22:20

“Go na Libanɔn, ɛn ala tɛl dɛn, ɛn es yu vɔys na Beshan; tinap na Abarim ala, bikɔs dɛn dɔn kil ɔl yu lɔva dɛm.

Jɛrimaya 22:22

Na briz go bi yu shɛpad, dɛn yon shɛpad dɛm, ɛn dɛn go kapchɔ yu lɔva dɛn go tɔn dɛm slev; dɛn yu go shem ɛn kɔnfyus bikɔs ɔf ɔl yu wikɛdnɛs.