Jɛrimaya 2:35 - Krio Fɔs Oli Baybul

³⁵ una se, ‘A inosɛnt; fɔ tru, in nɔ vɛks pan mi igen.’ A de tɛl una, a go jɔj una fɔ we una de tɔk se, ‘A nɔ kɔmit sin.’

Jɛrimaya 2:35 Referans Kwoze

Prɔvabs 28:13

Udat ayd in sin nɔ de mek am na layf; bɔt udat kɔnfɛs in sin ɛn lɛf fɔ du bad, PAPA GƆD go sho am masi.

Lɛta Fɔ Rom 7:9

Misɛf bin fil se mi layf gud bifo di Lɔ kam ɛn sho mi wetin fɔ du ɛn wetin nɔ fɔ du, bɔt wɛn di lɔ we tɔk bɔt tifyay, kam, dat mek a want fɔ sin bad.

Jɛrimaya 25:31

Di lawd sawnd go ɛko usay di wɔl tap, bikɔs PAPA GƆD gɛt kes agens di neshɔn dɛm; i de bigin kes wit ɔlman na wɔl, ɛn as fɔ di wikɛd pipul dɛm, i go kil dɛm. Na so PAPA GƆD se.’

Jɛrimaya 2:29

“Wetin du una de kɔmplen bɔt mi? Una ɔl dɔn kɔmɔt biɛn mi. Na so PAPA GƆD se.

Jɛrimaya 2:23

Aw una go se, “A nɔ dɔti na PAPA GƆD in yay, a nɔ de wɔship dɛn lay lay gɔd’? Luk di kayn sin we una de kɔmit na di vali; luk wetin una dɔn du – una tan lɛkɛ yɔŋ kamɛl we nɔ ebul stɛdi, bɔt de waka ɔp ɛn dɔŋ na di sem ples,

Jɛrimaya 2:9

PAPA GƆD se, “Fɔseka dat, a go stil fɛt una, ɛn a go mek kes agens una pikin dɛn pikin dɛm.

Ayzaya 58:3

“Wetin mek wi dɔn fast, ɛn yu mek lɛk yu nɔ no? Wetin mek wi dɔn ɔmbul wisɛf ɛn yu mek lɛk yu nɔ no bɔt dat?” Luk, di tɛm we una kin de fast una kin de fala una yon ɛnjɔymɛnt; ɛn aras ɔl una wokman dɛn.

Job 33:9

Yu se ‘a klin, a nɔ de du natin we PAPA GƆD go vɛks pan mi; a nɔ gɛt wan sin ɛn mi at klin.

Izikɛl 17:20

A go prɛd mi nɛt oba am ɛn mi trap go kech am; ɛn a go briŋ am kam Babilɔn, ɛn jɔj am de, fɔseka di trizin we i dɔn kɔmit agens mi.

Jɛrimaya 16:10

“Ɛn wɛn yu tɛl dɛn pipul dɛn ya, ɔl dɛn wɔd ya, dɛn go aks yu se, ‘wetin mek PAPA GƆD dɔn se ɔl dɛn bad bad tin ya fɔ apin to wi? Wetin na wi sin? Us sin i dɔn kɔmit agens PAPA GƆD we na wi Gɔd?