Jɛrimaya 2:33 - Krio Fɔs Oli Baybul

³³ Una sabi waka fɔ go fɛn una lɔva dɛm! Somɔch dat una dɔn tich dɛn wikɛd uman dɛm, fɔ du wetin una de du.

Jɛrimaya 2:33 Referans Kwoze

Izikɛl 16:47

Pan ɔl dat, una nɔ bin satisfay fɔ du lɛk aw dɛn bin de du, ɔ du di kayn bad tin dɛn we dɛn bin de du we PAPA GƆD nɔ lɛk; bɔt insay smɔl tɛm nɔmɔ, una dɔn kɔrɔpt pas dɛn pan ɔl tin we dɛn de du.

Izikɛl 16:27

So, na dat mek a bin dil wit una, ɛn nɔ gi una di land we a bin gi una igen, ɛn gi una to una ɛnimi dɛn mek dɛn satisfay dɛnsɛf pan una, dat na dɛn filistin dɛn gyal pikin dɛn, we bin shem fɔ di rud we, we una bin de biev.

Jɛrimaya 2:36

Luk we una de pas pas pan pipul, we nɔto so una bin tan! Ijipt go mek una shem, lɛkɛ aw Asiria bin mek una shem.

Jɛrimaya 2:23

Aw una go se, “A nɔ dɔti na PAPA GƆD in yay, a nɔ de wɔship dɛn lay lay gɔd’? Luk di kayn sin we una de kɔmit na di vali; luk wetin una dɔn du – una tan lɛkɛ yɔŋ kamɛl we nɔ ebul stɛdi, bɔt de waka ɔp ɛn dɔŋ na di sem ples,

2 Kronikuls 33:9

Manasɛ tɔn bak to GƆD.

Ozie 2:13

A go mek i sɔfa fɔ dɛn tɛm we i de mek gladi-gladi fɔ Beal we kin mek i bɔn insɛns to am ɛn drɛs wit riŋ ɛn ɔda aŋins ɛn shekins, go mit in man dɛn ɛn fɔgɛt bɔt mi. Na so PAPA GƆD se.

Jɛrimaya 2:32

Uman we nɔ mared yet go fɔgɛt in riŋ chen ɛn baŋuls dɛn, ɔ yawo go fɔgɛt in mared klos? Bɔt mi pipul dɛn dɔn fɔgɛt bɔt mi lɔlɔntɛm.

Jɛrimaya 2:34

Igen, una klos dɛn sten wit po inosɛnt pipul dɛn blɔd; una nɔ kech dɛn de brok os go insay. Bɔt stil, wit ɔl dɛn tin ya so,