Jɛrimaya 2:32 - Krio Fɔs Oli Baybul

³² Uman we nɔ mared yet go fɔgɛt in riŋ chen ɛn baŋuls dɛn, ɔ yawo go fɔgɛt in mared klos? Bɔt mi pipul dɛn dɔn fɔgɛt bɔt mi lɔlɔntɛm.

Jɛrimaya 2:32 Referans Kwoze

Di Sam Dɛm 106:21

Dɛn fɔgɛt aw PAPA GƆD dɔn sev dɛn, dɛn fɔgɛt ɔl di wɔndaful tin dɛn we i du na Ijipt,

Jɛrimaya 13:25

PAPA GƆD se na so i fɔ bi to una, dis na una pɔshɔn we a dɔn mɛnshɔ fɔ una, bikɔs yu dɔn fɔgɛt bɔt mi, ɛn de biliv pan lay lay.

Jɛrimaya 3:21

Yu yɛri wan vɔys na ɛmti il, we Izrɛl in bɔypikin dɛn de kray ɛn beg, bikɔs dɛn kɔrɔpt, dɛn dɔn fɔgɛt PAPA GƆD we na dɛn Gɔd.

Jɛrimaya 2:11

Neshɔn de we dɔn chenj in gɔd dɛm, ɔl we dɛn nɔto tru tru gɔd dɛm? Bɔt mi pipul dɛn dɔn chenj dɛn glori, fɔ tin we nɔ de bɛnifit nɔbɔdi.

Ayzaya 17:10

Bikɔs una dɔn fɔgɛt di Gɔd we sev una, ɛn una nɔ de mɛmba di Big Ston we protɛkt una; so, i lɛk we una plant fayn fayn plant dɛn ɛn put put af af tik dɛn fɔ sho wan fɔrin laylay gɔd,

Ozie 8:14

I se Izrɛl dɔn fɔgɛt PAPA GƆD we mek dɛn bɔt dɛn bil dɛn fayn os fɔ dɛn kiŋ dɛn; dɛn dɔn bil mɔ ɛn mɔ ples wit traŋa wɔl dɛn na Juda; bɔt in go mek faya kech ɛn bɔn di ples dɛn we dɛn bil ɛn pwɛl pwɛl ɔl wetin dɛn abop pan.

Ayzaya 61:10

A go gladi ebi ebi wan fɔ PAPA GƆD, mi sol go es mi Gɔd ɔp; bikɔs i dɔn wɛr salveshɔn klos pan mi, I dɔn kɔba mi wit raychɔsnɛs gawn, lɛk aw dɛn ɔkɔ kin put plɛnti plɛnti galans pan insɛf, ɛn lɛk we yawo kin drɛs insɛf wit in riŋ ɛn chen dɛm.

Di Sam Dɛm 9:17

Di bad man go day ɛn ɔl di neshɔn dɛn wan we nɔ tek PAPA GƆD mek natin, dɛnsɛf go day.

Jɛrimaya 18:15

Bɔt mi pipul dɛm dɔn fɔgɛt bɔt mi, dɛn de bɔn insɛns fɔ dɛn lay lay gɔd; dɛn dɔn bɔk fut na di rod dɛn we dɛn de fala we na di ol rod dɛm, ɛn dɛn dɔn lɛf di men rod, go waka na dɛn yad rod,

Jɛrimaya 13:10

Dɛn ivul pipul dɛn ya, we nɔ gri yɛri mi wɔd, we de fala dɛn yon stɔbɔn at de go wɔship ɛn sav ɔda gɔd dɛm, go tan lɛk dis skintayt we nɔ gud igen fɔ natin.

Rɛvɛleshɔn 21:2

Dɛn a si Gɔd in tɔŋ, we dɛn kɔl, nyu Jerusɛlɛm, i bin de kɔmɔt to Gɔd na ɛvin kam dɔŋ, dɛn bin dɔn mek am fayn fayn rɛdi, lɛkɛ uman we jɛs mared we dɔn drɛs de wet fɔ go to in man.

Izikɛl 22:12

Sɔm man de we de tek brayb fɔ kil; una de tek intrɛs ɛn ad mɔ pan di mɔni ɛn mek prɔfit na una neba dɛn ed bay pawa; ɛn una dɔn fɔgɛt bɔt mi, Na so Papa Gɔd we na Gɔd se.

Jɛnɛsis 24:22

Wɛn di kamɛl dɛn dɔn drink dɔn, Ɛliaza tek wan gold riŋ ɛn put am na Ribɛka in nos, ɛn put tu gold baŋuls we dɛn wet na lɛkɛ tɛn kɔpɔ.

2 Samiɛl 1:24

Uman dɛn na Izrɛl, una kray fɔ Sɔl. Una mɛmba aw i kin mek una chen chen chɛ wit ɔl di aŋins an shekins, ɛn wit fayn klos we gɛt gold pan am.

Jɛnɛsis 24:53

Dɔn i gi Ribɛka klos, silva ɛn gold. Dɛn i gi in mama ɛn in brɔda ɔda valyuebul tin dɛn.

Jɛnɛsis 24:30

I go mit Ebraam nain an i rɔn kɔmɔt na di os go na di wɛl usay Ebraam in wokman dɛn bin de.

Ayzaya 57:11

Udat yu de fred bad bad wan so, we yu bin lay, ɛn nɔ bin mɛmba mi, we mek yu nɔ tink bɔt mi? A nɔ dɔn sɛt mi mɔt, fɔ lɔŋ tɛm naw, ɛn so yu nɔ de fred mi?

Jɛrimaya 2:33

Una sabi waka fɔ go fɛn una lɔva dɛm! Somɔch dat una dɔn tich dɛn wikɛd uman dɛm, fɔ du wetin una de du.

Ditarɔnɔmi 32:15

Izrɛl, bin jɛs de jɛntri bɔt dɛn bin traŋayes; Izrɛl bin gɛt plɛnti fɔ it so i bin jɔs de rɔju. Dɔn i dɔn dray bak, dɔn i kɔmɔt biɛn PAPA GƆD we mek am, ɛn nɔ mɛmba di wan we sev am.

Di Jɔj Dɛm 8:34

Di Izrɛlayt dɛn fɔgɛt bɔt PAPA GƆD we na dɛn Gɔd we de sev dɛn ɔltɛm pan ɛnitin ɛn pul dɛn kɔmɔt na dɛn ɛnimi dɛn an.

Jɛrimaya 23:27

we de tink fɔ mek mi pipul dɛm fɔgɛt mi nem bay di drim we dɛn de tɛl dɛn kɔmpin, jɛs lɛk aw dɛn fɔstɛmpapa dɛm fɔgɛt mi nem fɔseka Beal?