Jɛrimaya 2:31 - Krio Fɔs Oli Baybul

³¹ So una, dis jɛnareshɔn, du wetin PAPA GƆD se, A dɔn tan lɛk dray ɛn ɛmti ples to Izrɛl, ɔ land we dak bad bad wan? Wɛl wetindu mi pipul dɛn de se, ‘wi dɔn fri, wi nɔ go kam to yu igen?

Jɛrimaya 2:31 Referans Kwoze

Ditarɔnɔmi 32:15

Izrɛl, bin jɛs de jɛntri bɔt dɛn bin traŋayes; Izrɛl bin gɛt plɛnti fɔ it so i bin jɔs de rɔju. Dɔn i dɔn dray bak, dɔn i kɔmɔt biɛn PAPA GƆD we mek am, ɛn nɔ mɛmba di wan we sev am.

1 Kɔrint 4:8

Una fil naw se una dɔn gɛt ɔl wetin una fɔ gɛt? Una dɔn jɛntri? Una bin liv lɛkɛ kiŋ, we wi nɔ bin de wit una, a wish una na bin kiŋ fɔ tru, so dat wisɛf bin go rul wit una.

Mayka 6:9

PAPA GƆD in vɔys de ɔlsay we i de tɛl una se udat fɔ gɛt fred ɛn rɛspɛkt fɔ am, gɛt sɛns. I se, “Na una we gɛda na di siti a de tɔk to.

Emɔs 1:1

Dis na wetin Emɔs we de mɛn ship we kɔmɔt Tɛkoa tɔk. PAPA GƆD sho ɔl dɛn tin ya to Emɔs bɔt Izrɛl tu ia bifo di athkwek bi, di tɛm we Uzaya na bin kiŋ na Juda, dɔn Jɛroboam we na Jɛoash in bɔypikin na bin kiŋ na Izrɛl.

Ozie 13:6

bɔt wɛn dɛn rich usay dɛn kin it ɛn drink ɛn bɛlful aw dɛn want, dɔn dɛn at layt, dɛn fɔgɛt bɔt PAPA GƆD.

Ayzaya 45:19

A nɔ tɔk sikrit, na land ɔf daknɛs; A nɔ tɛl Jekɔb in pikin dɛm se, luk fɔ mi wit kɔnfyushɔn.’ Mi PAPA GƆD de tɔk tru, A de anawns wetin rayt.

Prɔvabs 30:9

if a jɛntri tumɔs a go fɔgɛt bɔt yu ɛn bigin aks udat na PAPA GƆD if a po da bad po we go mek a tif a go gi yu bad nem.

Di Sam Dɛm 12:4

Ɔl dɛn wan we de blɔf se na dɛn sabi tɔk de mek dɛn gɛt wetin dɛn want; dɛn se nɔbɔdi nɔ fɔ tɛl dɛn wetin fɔ du.

Di Sam Dɛm 10:4

I fil se i gɛt ɔltin, i nɔ nid PAPA GƆD; i de biev lɛkɛ se PAPA GƆD nɔ de, as i nɔ gɛt natin fɔ du wit PAPA GƆD.

2 Kronikuls 31:10

Azaraya di men Man dɛn we de mek sakrifays fɔ pipul sin we kɔmɔt na Zedɔk in fmaili ansa am se, “Frɔm we dɛn begin fɔ briŋ kɔmtribyushɔn dɛm kam na PAPA GƆD in os wi dɔn it ɛn bɛlful ɛn plɛnti lɛf. Bikɔs PAPA GƆD blɛs in pipul dɛm so wi gɛt dɛn bɔku bɔku tin dɛn ya.

Ditarɔnɔmi 31:20

PAPA GƆD se, bikɔs we in go dɔn kɛr dɛn go na di land we gud fɔ plant ɛn fɔ mɛn animal, we in bin dɔn prɔmis dɛn fɔstɛm-papa dɛn se in go gi dɛn, ɛn dɛn bɔdi dɛn go dɔn fayn fayn, dɛn go pwɛl di Kɔvinant we de bitwin in ɛn dɛn, ɛn kɔmɔt biɛn am.

Jɛrimaya 2:20

“Bikɔs una dɔn lɛf fɔ wok fɔ mi lɔlɔntɛm ɛn nɔ de du wetin a se una fɔ de du igen, ɛn una se, “A nɔ go sav yu igen” Yɛs, na pantap ɔl dɛn ay il ɛn ɔnda ɔl dɛn grin tik una de butu to dɛn lay lay gɔd dɛn lɛk rare gyal.

Jɛrimaya 2:25

Una nɔ de mas grɔn wit una ɛmti fut ɛn una nɔ de gri mek tɔsti mek yu trot dray. Bɔt una se; ‘Na fɔ natin, bikɔs a dɔn lɛk trenja dɛn, ɛn na dɛn a de wit.

Ditarɔnɔmi 32:18

Dɛn fɔgɛt bɔt dɛn Gɔd we mek dɛn, di wan we gi dɛn layf.

1 Kiŋ 11:22

Di kiŋ aks am wetin i want so we i nɔ gɛt we mek i want fɔ go bak. Adad ansa am se natin ɛn beg am se lɛ i lɛf am fɔ go.

Job 21:14

Dɛn kin tɛl PAPA GƆD se lɛ i lɛf dɛn aw dɛn de so, dɛn nɔ wan no bɔt am.

Jɛrimaya 5:5

A go go to dɛn wan we big, ɛn a go tɔk to dɛm; bikɔs dɛn no PAPA GƆD in we di lɔ we dɛn Gɔd Ɔlmayti gɛt.” Bɔt dɛn nɔ de obe PAPA GƆD in lɔ igen, dɛn dɔn kɔt rop.

Jɛrimaya 5:6

Fɔseka dat, na layɔn we go kɔmɔt na fɔrɛst go kil dɛm, na wulf we kɔmɔt na di ɛmti ples we pɔsin nɔ go ebul tap, go nyakanyaka dɛm. Wan lɛpɛt de waka nia dɛn siti dɛm fɔ du bad, i go chɛr chɛr ɛnibɔdi we kɔmɔt insay di siti go na do, pis pis; bikɔs dɛn sin dɔn bɔku, ɛn di dinay we dɛn de dinay PAPA GƆD dɔn tumɔs.

Izikɛl 14:5

so a go ebul fɔ gɛt Izrɛl dɛn at, ɔl dɛn wan we dɔn tɔn dɛn bak pan mi fɔseka dɛn lay lay gɔd dɛn we dɛn de wɔship.