Jɛrimaya 2:26 - Krio Fɔs Oli Baybul

²⁶ “Lɛkɛ we dɛn kin jankonico tifman wɛn dɛn kech, na so dɛn go jankonoco Izrɛl: dɛm, dɛn kiŋ dɛm, dɛn bigman dɛm, dɛn man dɛm we de mek sakrifays fɔ pipul sin ɛn dɛn prɔfɛt dɛm,

Jɛrimaya 2:26 Referans Kwoze

Jɛrimaya 32:32

fɔseka ɔl di bad we Izrɛl in bɔypikin dɛm ɛn Juda in bɔypikin dɛm du fɔ provok mi mek a vɛks– dɛn kiŋ dɛn, dɛn man dɛn we de mek sakrifays fɔ pipul sin, dɛn prɔfɛt dɛm, di man dɛn na Juda ɛn di pipul dɛn we tap na Jerusɛlɛm.

Ɛzra 9:7

Frɔm di tɛm we wi grampa dɛn de na wɔl te tide, wi we se wi na yu pipul dɛn jɛs de du bad nɔmɔ. Ɛn bikɔs ɔf wi sin, wi o, wi kiŋ dɛn o, ɛn wi man dɛn we de mek sakrifays fɔ pipul sin dɛn fɔdɔm na dɛn pegan kiŋ dɛn trap. Dɛn kil wi, dɛn tif wi, dɛn kapchɔ wi, ɛn kɛr wi go trit wi lɛkɛ jelman. Dɛn disgres wi ɛn na da disgres de de pan wi te tide.

Lɛta Fɔ Rom 6:21

Wetin una bin gen wɛn una bin de du dɛn tin we una de shem fɔ du naw? Na day dɛn kayn tin de, de briŋ.

Jɛrimaya 48:27

Izrɛl nɔto bin ridikul to yu? Dɛn bin kech am wit tifman dɛm we mek ɛnitɛm una de tɔk bɔt am, una de shek una ed?

Jɛrimaya 2:36

Luk we una de pas pas pan pipul, we nɔto so una bin tan! Ijipt go mek una shem, lɛkɛ aw Asiria bin mek una shem.

Ayzaya 1:29

Una go shem bikɔs una bin de gladi fɔ go na dɛn kɔtintri de; dɛn gadin we una bin pik go mek una ayd una fes.

Izikɛl 16:54

bikɔs una go tot una disgres ɛn fil shem fɔ ɔl wetin una dɔn du, una go mek dɛn fil bɛtɛ.

Izikɛl 22:26

Di man dɛn we de mek sakrifays fɔ pipul sin dɔn trit mi lɔ dɛn wit fityay, ɛn nɔ gɛt rɛspɛkt fɔ mi oli tin dɛm. Dɛn nɔ gɛt nɔn difrɛn bitwin wetin oli ɛn wetin na ɔl man yon, ɛn na so dɛn nɔ tich pipul wetin difrɛn pan wetin klin ɛn wetin nɔ klin, dɔn, dɛn nɔ de tek mi de fɔ blo ɛn rɛst mek natin, we min se dɛn nɔ rɛspɛkt mi.

Zɛkaraya 5:4

PAPA GƆD se aw i de flay so, na so in de sɛn am fɔ go insay di tifman in os ɛn insay pɔsin we de lay ɛn swɛ in os; i go de insay di os dɔn nain go pwɛl di os kpatakpata wɛda na stonos ɔ na simɛnt os.

Di Sam Dɛm 97:7

Ɔl udat de wɔship dɛn ɔda gɔd dɛn, go shem dɛn we de kak, bikɔs dɛn min se dɛn na sɔntin go shem as di ɔda gɔd dɛn go butu ɛn wɔship PAPA GƆD.

Ayzaya 44:9

Ɔl di wan dɛn we de mek dɛn laylay gɔd, na natin, ɛn di tin dɛm we dɛn de gladi fɔ, nɔ de prɔfit; dɛn witnɛs dɛn nɔ de si se ɛn nɔ no se, dɛn go mek dɛn shem.

Ayzaya 44:11

A de tɛl yu, dɛn go mek ɔl in kɔmpin dɛn shem, ɛn di man dɛn we de wok wit dɛn an, nɔto natin, pas mɔtalman; lɛ dɛn ɔl gɛda, lɛ dɛn tinap, dɛn go fred bad bad wan, ɛn dɛn go mek dɛn ɔl shem togɛda.

Jɛrimaya 4:9

PAPA GƆD se, “Da de de, kiŋ ɛn di bigman dɛn go fred; di man we de mek sakrifays fɔ pipul sin go sɔprayz ɛn di prɔfɛt dɛn go wɔnda.”

Jɛrimaya 22:22

Na briz go bi yu shɛpad, dɛn yon shɛpad dɛm, ɛn dɛn go kapchɔ yu lɔva dɛn go tɔn dɛm slev; dɛn yu go shem ɛn kɔnfyus bikɔs ɔf ɔl yu wikɛdnɛs.