Jɛrimaya 2:25 - Krio Fɔs Oli Baybul

²⁵ Una nɔ de mas grɔn wit una ɛmti fut ɛn una nɔ de gri mek tɔsti mek yu trot dray. Bɔt una se; ‘Na fɔ natin, bikɔs a dɔn lɛk trenja dɛn, ɛn na dɛn a de wit.

Jɛrimaya 2:25 Referans Kwoze

Ditarɔnɔmi 32:16

Izrɛl mek PAPA GƆD jɛlɔs fɔ dɛn fɔrena dɛn gɔd dɛn, di bad bad tin dɛn we dɛn bin de du, mek i vɛks bad bad wan.

Jɛrimaya 18:12

“Bɔt dɛn se, ‘Dat na fɔ natin! Wi go du wetin wi dɔn plan ɛn ɔlman go du wetin in traŋayes ɛn ivul at se.

Jɛrimaya 3:13

Una jɛs gri nɔmɔ se una gilti, se una dɔn tɔn una bak pan PAPA GƆD we na una Gɔd ɛn skata una lɔv to trenja dɛn ɔnda ɔl dɛn grin tik dɛm ɛn una nɔ obe mi kɔmandmɛnt dɛm.

Lɛta Fɔ Rom 8:24

Bikɔs wi bin abop pan Gɔd, na dat mek i sev wi. Bɔt if wi dɔn si wetin wi de abop fɔ, wi nɔ go kɔl dat abop. Udat go abop fɔ tin we i dɔn si?

Lamɛnteshɔn 4:4

Dɛn yɔŋ bebi dɛn tɔŋ kin fasin ɔp di pikin dɛn mɔt bikɔs dɛn tɔsti; di pikin dɛn de beg it fɔ it, bɔt nɔbɔdi nɔ de gi dɛm.

Jɛrimaya 14:10

Na dis PAPA GƆD se kɔnsanin dɛn pipul ya: “Na so dɛn dɔn lɛk fɔ de rɔnawe pan mi, dɛn nɔ de kɔntrol dɛn fut; fɔseka dat, PAPA GƆD nɔ go aksɛpt dɛm, naw, i go mɛmba dɛn sin dɛm ɛn pɔnish dɛm fɔseka dɛn sin dɛm.”

Jɛrimaya 13:22

Ɛn if una tɔk na una at se, ‘Wetindu dɛn tin dɛn ya dɔn apin to wi?’ Na bikɔs una sin dɛm dɔn bɔku nain mek dɛn dɔn es una skat dɛn ɔp, ɛn rep una.

Ayzaya 57:10

Yu bin taya wit di laŋa we di rod lɔŋa bɔt yu nɔ bin se, “Dis oplɛs”; yu bin fɛn nyu layf fɔ yu trɛnk ɛn so yu nɔ bin taya.

Ayzaya 2:6

Bikɔs yu dɔn pul an pan yu pipul, we na Jekɔb in os, bikɔs pan dɛn na mɛrɛsinman dɛm we kɔmɔt na di ist ɛn luk grɔn man dɛn, jɛs lɛk di Filistin dɛm, ɛn dɛn de mek padi wit fɔrina dɛm.

2 Kronikuls 28:22

Wɛn i de pan in trɔbul, na da tɛm de i kɔmɔt biɛn PAPA GƆD bɛtɛ bɛtɛ wan – dis sem kiŋ Eaz.

Ditarɔnɔmi 28:48

dɛn go wok fɔ dɛn ɛnimi dɛn, we PAPA GƆD go mek fɛt dɛn, ɛn dɛn go so trit dɛn bad, dat dɛn nɔ go gɛt bɛtɛ it fɔ it, dɛn nɔ go gɛt tin fɔ drink ɛn klos fɔ wɛr.

Lyuk 16:24

Di jɛntri man ala se, ‘Papa Ebraam, sɔri fɔ mi! Sɛn Lazarɔs fɔ put in fiŋa na wata ɛn kam tɔch mi tɔŋ so dat i go kol, bikɔs a de sɔfa bad insay dis faya ya!’

Lyuk 15:22

Bɔt di papa tɛl in bɔy dɛn se, ‘Una rɔn go briŋ da klos we fayn pas ɔl dɛn ɔda klos kam wɛr am pan dis mi pikin ya, una put riŋ nain fiŋa ɛn wɛr sus nain fut.

Ozie 2:3

Ɔ nɔ so a go trip am nekɛd lɛ ɔlman si am aw in mami bɔn am, so dat nɔn man nɔ go want am we i si am, ɛn a go mek i tan lɛk land we wata nɔ de, ɛn day wit tɔsti.

Jɛrimaya 44:17

Bɔt wi go du ɔl wetin wi dɔn swɛ se wi go du, dat na fɔ bɔn insɛns to di Kwin na ɛvin ɛn fɔ tamisilɛ to am, lɛkɛ aw wi bin dɔn de du, wi ɛn wi fɔstɛmpapa dɛm, wi kiŋ dɛm ɛn wi bigman dɛm, na di siti dɛn na Juda ɛn na di trit dɛm na Jerusɛlɛm; bikɔs dɛn tɛm dɛn de, wi bin gɛt plɛnti it, ɛn bɛtɛ bin de fala wi ɛn nɔn bad tin nɔ bin de apin to wi.

Jɛrimaya 2:31

So una, dis jɛnareshɔn, du wetin PAPA GƆD se, A dɔn tan lɛk dray ɛn ɛmti ples to Izrɛl, ɔ land we dak bad bad wan? Wɛl wetindu mi pipul dɛn de se, ‘wi dɔn fri, wi nɔ go kam to yu igen?

Jɛrimaya 13:21

Wetin una go se, wɛn dɛn put dɛn wan dɛn we na una sɛf tich fɔ bi una padi dɛn, oba una? Pen nɔ go ol una lɛk uman we de lebɔ?

Jɛrimaya 22:20

“Go na Libanɔn, ɛn ala tɛl dɛn, ɛn es yu vɔys na Beshan; tinap na Abarim ala, bikɔs dɛn dɔn kil ɔl yu lɔva dɛm.

Lamɛnteshɔn 1:2

Ebri nɛt, i kin de kray bita bita wan, wata de rɔn dɔŋ in fes. Pan ɔl in lɔva dɛm, nɔn nɔ lɛf fɔ koks am. Ɔl in padi dɛn dɔn ple am wayo, dɛn dɔn tɔn in ɛnimi.

Izikɛl 20:32

“Wetin de na una maynd nɔ go ɛva bi - dat na we una kin tink se, “lɛ wi tan lɛk di neshɔn dɛm. Lɛ wi tan lɛk di fambul dɛn we de na dɛn ɔda kɔntri dɛn, ɛn wɔship bod ɛn ston!

Ozie 2:5

Dɛn mama na bin rare gyal ɛn na wit da kayn shem de i bɔn dɛn. I se in go fala di man dɛn na we de gi mi it, klos, linin, pafyum ɛn rɔm.

Malakay 3:14

PAPA GƆD sɛf mɛmba dɛn se, dɛn dɛn tɔk se dɛn de westɛm fɔ du wetin PAPA GƆD want. Dɛn nɔ gɛt natin fɔ bɛnifit if dɛn de sho PAPA GƆD Ɔlmayti se dɛn sɔri.

2 Kronikuls 28:23

Bikɔs i mek sakrifays to di gɔd dɛm na Damaskɔs we bin bit am na wa, ɛn de se “Bikɔs di kiŋ dɛn na Siria dɛn gɔd dɛm bin ɛp dɛm, so go mek sakrifays to dɛm mek dɛn go ɛp misɛf.” Bɔt na dɛn nain dawnfɔl, in ɛn di wanol Izrɛl.

Jɛrimaya 22:21

A bin tɔk to yu wɛn yu bin jɛntri, bɔt yu bin se, ‘A nɔ go lisin.’ Na so yu tan frɔm we yu yɔŋ, yu nɔ du wetin a se.