Jɛrimaya 2:23 - Krio Fɔs Oli Baybul

²³ Aw una go se, “A nɔ dɔti na PAPA GƆD in yay, a nɔ de wɔship dɛn lay lay gɔd’? Luk di kayn sin we una de kɔmit na di vali; luk wetin una dɔn du – una tan lɛkɛ yɔŋ kamɛl we nɔ ebul stɛdi, bɔt de waka ɔp ɛn dɔŋ na di sem ples,

Jɛrimaya 2:23 Referans Kwoze

Jɛrimaya 7:31

Ɛn dɛn dɔn bil wan ɔlta we nem Tɔfɛt, we de na Inɔm in bɔypikin in vali, fɔ bɔn dɛn bɔy ɛn gyal pikin dɛm na faya; tin we a nɔ tɛl dɛn fɔ du, ɛn dat nɔ bin kam na mi maynd sɛf.

Prɔvabs 30:12

Pipul de we de mek lɛk fɔ se dɛn klin we dɛn nɔ klin.

Lɛta Fɔ Rom 3:19

Wi dɔn no naw se ɔltin we de na di Ju Lɔ na fɔ dɛn pipul we fil se dɛn mɔs kip am. Di Lɔ de so dat nɔbɔdi nɔ go se in nɔ no wetin rayt fɔ du, ɛn, pantap dat i go mek Gɔd jɔj ɔlman na wɔl.

Lyuk 10:29

Di Ju Lɔ ticha bin want fɔ sho Jizɔs se in rayt fɔ tɔk wetin i tɔk, so i aks Jizɔs se, “Udat na mi neba?”

Jɛrimaya 31:22

Aw lɔŋ yu go de dawt, Yu gyal pikin we nɔ gɛt feth? Bikɔs PAPA GƆD dɔn mek nyu tin na di wɔl: uman de gyad man.”

Jɛrimaya 9:14

bɔt dɔn tek traŋayes du wetin dɛn yon at se, ɛn go wɔship dɛn Beal, jɛs lɛk aw dɛn fɔstɛmapa dɛn lan dɛm.

Jɛrimaya 3:2

Es yu yay luk di ɛmti mawnten dɛm ɛn si! Usay de we yu nɔ dɔn rare? Yu dɔn sidɔm nia di rɔd de wet fɔ yu lɔva dɛm, lɛkɛ dɛn Arab na di dray ɛn ɛmti ples. Yu dɔn mek di land dɔti na PAPA GƆD yay wit yu rare gyal biznɛs.

Prɔvabs 30:20

Lɛ a tɛl una aw bambot wɛf kin biev: i de go it na kɔna saful, dɔn i wep in mɔt fayn, dɔn i kam naw ɛn se, “mi, mi an klin.”

Prɔvabs 28:13

Udat ayd in sin nɔ de mek am na layf; bɔt udat kɔnfɛs in sin ɛn lɛf fɔ du bad, PAPA GƆD go sho am masi.

Di Sam Dɛm 50:21

We una de du ɔl dɛn tin ya, dɔn a de mek nɔ si dat mek una fil se, wi ɔl na wan. So naw a de tɔk pan una korokoro wan.

Di Sam Dɛm 36:2

I tink se in na ɔl di go ɛn nɔ no sɛf se i de du rɔŋ

Ɛsta 8:16

Ɔl di Ju dɛn bɔdi bin layt. Dɛn bin gladi. Ɔlman fred ɛn rɛspɛkt dɛn.

Jɛrimaya 2:36

Luk we una de pas pas pan pipul, we nɔto so una bin tan! Ijipt go mek una shem, lɛkɛ aw Asiria bin mek una shem.

Jɛrimaya 14:10

Na dis PAPA GƆD se kɔnsanin dɛn pipul ya: “Na so dɛn dɔn lɛk fɔ de rɔnawe pan mi, dɛn nɔ de kɔntrol dɛn fut; fɔseka dat, PAPA GƆD nɔ go aksɛpt dɛm, naw, i go mɛmba dɛn sin dɛm ɛn pɔnish dɛm fɔseka dɛn sin dɛm.”

Jɛrimaya 16:10

“Ɛn wɛn yu tɛl dɛn pipul dɛn ya, ɔl dɛn wɔd ya, dɛn go aks yu se, ‘wetin mek PAPA GƆD dɔn se ɔl dɛn bad bad tin ya fɔ apin to wi? Wetin na wi sin? Us sin i dɔn kɔmit agens PAPA GƆD we na wi Gɔd?

Ozie 1:2

Wɛn PAPA GƆD bin tɔk to Ozie di fɔs tɛm, PAPA GƆD tɛl am se mek i go fɛn wan rare gyal, mared am ɛn bɔn pikin wit am bikɔs na so Izrɛl de biev we dɛn lɛf PAPA GƆD ɛn nɔ bisin bɔt am.