Jɛrimaya 2:20 - Krio Fɔs Oli Baybul

²⁰ “Bikɔs una dɔn lɛf fɔ wok fɔ mi lɔlɔntɛm ɛn nɔ de du wetin a se una fɔ de du igen, ɛn una se, “A nɔ go sav yu igen” Yɛs, na pantap ɔl dɛn ay il ɛn ɔnda ɔl dɛn grin tik una de butu to dɛn lay lay gɔd dɛn lɛk rare gyal.

Jɛrimaya 2:20 Referans Kwoze

Ditarɔnɔmi 12:2

I tɛl di Izrɛlayt dɛn se we dɛn go na di land, dɛn fɔ brok brok ɔl usay di pipul dɛn we bin de de bin de wɔship dɛn gɔd dɛn; i lɛk na ɔp mawnten, dɔŋ vali ɔ ɔnda tik dɛn de,

Lɛvitikɔs 26:13

I se PAPA GƆD se nain na PAPA GƆD we na dɛn GƆD we pul dɛn kɔmɔt pan slev layf na Ijipt, so dat dɛn nɔ go bi di Ijipshian dɛn slev; i dɔn pul da lod de kɔmɔt na dɛn ed ɛn naw dɛn kin waka friwan wit dɛn ed ɔp.

Jɛrimaya 17:2

wɛn dɛn pikin dɛn de mɛmba dɛn ɔlta dɛm ɛn dɛn Asherim, we liŋ pan ɔl dɛn grin tik, ɛn de pantap di ay il dɛm,

Ozie 3:3

A tɛl am se i fɔ tap wit mi naw ɛn lɛf fɔ bi rare gyal. A se nɔto ɛni ɔda man gɛt am ɛn na so insɛf go de wit am.

Jɛrimaya 30:8

PAPA GƆD Ɔlmayti se, “I go apin da de de se, a go brok di chen kɔmɔt na dɛn nɛk, ɛn a go fri dɛm, ɛn trenja dɛn nɔ go tek dɛn mek bɔy igen

Ayzaya 1:21

Da siti we bin de rɛspɛkt mi dɔn tɔn rare gyal, in we bin sabi trit ɔlman di sem! Nainsay am, fɔ waka tret na PAPA GƆD in yay, bin tap, bɔt naw, na mɔdra dɛn tap de.

Neum 1:13

I se in go pul dɛn kɔmɔt biɛn una ɛn dɛn nɔ go ebul una igen

Ozie 2:5

Dɛn mama na bin rare gyal ɛn na wit da kayn shem de i bɔn dɛn. I se in go fala di man dɛn na we de gi mi it, klos, linin, pafyum ɛn rɔm.

Izikɛl 23:5

“Oola bin de rare we i blant mi; ɛn i bin de sho bɔku lɔv to in switat dɛn we na di Asirian dɛm,

Izikɛl 20:28

Bikɔs we a bin dɔn briŋ dɛm kam na di land we a bin dɔn swɛ se a go gi dɛm, ɛnisay we dɛn si ay il ɔ tik we gɛt bɔku lif, na de dɛn kin go mek dɛn sakrifays dɛn, ɛn kin gi wetin go mek mi at wam. Na de dɛn swit sɛnt kin kɔmɔt kam ɔp, ɛn na de dɛn kin tɔn dɛn drink ɔfrin dɛm.

Izikɛl 16:41

Ɛn dɛn go bɔn una os dɛn ɛn kɛriawt jɔjmɛnt pan una bifo bɔku uman dɛn yay. A go mek una tap fɔ wok lɛk rare gyal ɛn una nɔ go sɛl unasɛf igen igen

Izikɛl 16:31

una de bil una rum we nɔ gɛt winda ɔp ɔl dɛn trit, ɛn mek ay ay ples na ɔl dɛn skwaya. Bɔt una nɔ bin tan lɛk rare gyal bikɔs una nɔ bin de aks fɔ mɔni.

Izikɛl 16:28

Una bin rare to dɛn Asirian dɛnsɛf, bikɔs una nɔ bin de satisfay. Yɛs, una bin rare to dɛn, ɛn stil nɔ bin satisfay.

Ayzaya 14:25

so go distrɔy di Asinan na mi land ɛn mas mas am na mi mawnten dɛn; ɛn di slev wok we i bin de gi dɛn, go tap, ɛn in lod go kɔmɔt na dɛn sholda.”

Ayzaya 10:27

Na da de de in lod go kɔmɔt na una ed ɛn dɛn go pwɛl di tin dɛn we ɛŋ na una nɛk.” I dɔn kɔmɔt Rimɔn,

Ayzaya 9:4

Bikɔs yu dɔn brok di tin we de gi am prɔblɛm, ɛn di ratlan kɔmɔt nain Sholda, di tik we dɛn de tek aras am, yu dɔn brok am lɛk aw yu du am di tɛm fɔ Midian.

Di Sam Dɛm 78:58

Dɛn mek ples dɛn na il fɔ wɔship pegan gɔd, ɛn PAPA GƆD vɛks pan dat as na jɛlɔs PAPA GƆD.

1 Kiŋ 12:32

Jɛroboam mek dɛn bigin fɔ mek fɛstival di fiftin de insay di et mɔnt lɛkɛ di kayn we aw dɛn kin du na Juda, dɔn i mek dɛn de ɔfa sakrifays na di ɔlta. I mek sakrifays to di lay lay gɔd dɛn we dɛn mek na Bɛthɛl, dɔn i pik man dɛn fɔ de mek sakrifays fɔ pipul sin ɔp di il dɛn.

1 Samiɛl 12:10

Dɛn kray to PAPA GƆD ɛn tɛl am se dɛn dɔn sin we dɛn lɛf am go wɔship Beal ɛn dɛn Ashtarɔt dɛn. Dɛn beg am mek i nɔ lɛf dɛn gi dɛn ɛnimi dɛn ɛn tɛl am se if i pul dɛn ɛnimi kɔmɔt biɛn dɛn, dɛn go wɔship am.

Jɔshwa 24:26

Jɔshwa rayt ɔl di agrimɛnt na di buk we PAPA GƆD in lɔ dɛn rayt. Nain i mek dɛn put wan big big ston ɔnda wan kɔtin tri we de nia di tɛnt we di Ak ɔf di Kɔvinant de.

Jɔshwa 24:24

Nain di pipul dɛn tɛl an bak se na PAPA GƆD na dɛn PAPA GƆD. Nain nɔmɔ dɛn go wɔship ɛn dɛn go du ɔl wetin i se.

Jɔshwa 1:16

Nain di pipul dɛn ansa se dɛn go du ɔl wetin i bin tɛl dɛn fɔ de du ɛn ɛnisay i sɛn dɛn, dɛn rɛdi fɔ go.

Ditarɔnɔmi 26:17

I se da de de, dɛn di Izrɛlayt bin tɛl PAPA GƆD se, nain na dɛn GƆD, ɛn dat dɛn go du ɔl wetin i se dɛn fɔ de du.

Ditarɔnɔmi 15:15

Mozis tɛl dɛn se dɛnsɛf fɔ mɛmba wetin dɛn bin pas we dɛn na bin slev dɛn na Ijipt, bifo PAPA GƆD we na dɛn PAPA GƆD go pul dɛn de. I se na ɔl dat mek in tɛl dɛn se, dɛn fɔ fri dɛn slev dɛn afta siks ia ɛn gi dɛn sɔntin fɔ dɛnsɛf.

Ditarɔnɔmi 5:27

So di pipul dɛn tɛl Mozis se lɛ in waŋren go bak go lisin wetin PAPA GƆD we na dɛn PAPA GƆD gɛt fɔ se ɛn wɛn i kam bak kam tɛl dɛn, dɛn go lisin am ɛn du ɔl wetin PAPA GƆD we na dɛn PAPA GƆD se.

Ditarɔnɔmi 4:34

I tɛl dɛn se nɔn ɔda gɔd nɔ ɛva du wetin PAPA GƆD we na dɛn PAPA GƆD dɔn du, we i fɛt Ijipt fɔ dɛn sek ɛn fri dɛn kɔmɔt pan sɔfrin wit sayn ɛn bad bad tin dɛn we kin mek pipul dɛn fred ɛn wɔnda.

Ditarɔnɔmi 4:20

Mozis se PAPA GƆD bin dɔn mek Izrɛl in yon pipul dɛn nain mek i bin pul dɛn kɔmɔt pan di trɔbul we dɛn bin de pan na Ijipt da tɛm de.

Ɛksodɔs 24:3

Mozis go dɔŋ go tɛl di pipul dɛn ɔl wetin PAPA GƆD se ɛn ɔl di lɔ dɛn we i gi. Di pipul dɛn ɔl ansa wit wan vɔys se dɛn go du ɔl wetin PAPA GƆD se.

Ɛksodɔs 19:8

Di pipul dɛn ɔl ansa wit wan vɔys se dɛn go du ɔl wetin PAPA GƆD dɔn se fɔ du. So Mozis insɛf go tɛl PAPA GƆD wetin dɛn se.

Ɛksodɔs 3:8

So a dɔn disayd fɔ pul dɛn kɔmɔt na di Ijipshian dɛn an ɛn kɛr dɛn go na dɛn yon land we gud ɛn big. Dis na land we fayn fɔ plant ɛn fɔ mɛn animal dɛn. Na dis land dɛn Kenanayt, Itayt, Amɔrayt, Pɛrizayt, Ivayt ɛn Jɛbyusayt dɛn tap.

Rɛvɛleshɔn 17:1

Wɛn ɔl dat dɔn, wan pan di sɛvin enjɛl dɛn we bin ol wan pan di sɛvin kɔp dɛn, kam tɔk to mi, i se, “Kam, mek a go sho yu aw dɛn go pɔnish da uman we liv fri layf we ɔlman no; di uman na da tɔŋ we dɛn bil klos dɛn plɛnti riva.

1 Kiŋ 14:23

Dɛn bil ples fɔ de wɔship lay lay gɔd, dɛn mek ɔlta fɔ de mek sakrifays to Ashɛra, dɔn dɛn mek ples fɔ de wɔship am pantap ɔl dɛn il dɛn ɔnda ɔl dɛn tik.

Di Sam Dɛm 107:14

I pul dɛn kɔmɔt pan di siriɔs trɔbul we dɛn bin de pan ɛn brok di chen we bin de pan dɛn lɛkɛ jelman.

Jɛrimaya 2:31

So una, dis jɛnareshɔn, du wetin PAPA GƆD se, A dɔn tan lɛk dray ɛn ɛmti ples to Izrɛl, ɔ land we dak bad bad wan? Wɛl wetindu mi pipul dɛn de se, ‘wi dɔn fri, wi nɔ go kam to yu igen?

Jɛrimaya 3:13

Una jɛs gri nɔmɔ se una gilti, se una dɔn tɔn una bak pan PAPA GƆD we na una Gɔd ɛn skata una lɔv to trenja dɛn ɔnda ɔl dɛn grin tik dɛm ɛn una nɔ obe mi kɔmandmɛnt dɛm.

Jɛrimaya 5:5

A go go to dɛn wan we big, ɛn a go tɔk to dɛm; bikɔs dɛn no PAPA GƆD in we di lɔ we dɛn Gɔd Ɔlmayti gɛt.” Bɔt dɛn nɔ de obe PAPA GƆD in lɔ igen, dɛn dɔn kɔt rop.

Jɛrimaya 13:27

A dɔn si di kayn ambishɔn we una gɛt, una adɔltri dɛm ɛn di mek we una de mek lɛk ɔs, ɛn una lo lo rare layf, na dɛn il dɛm ɛn dɛn fam. Swɛ go mit yu, Yu Jerusɛlɛm! Aw lɔŋ yu go de bifo yu go klin na Gɔd yay?

Ozie 4:13

Na ɔp di mawnten dɛn de go mek dɛn sakrifays ɛn na pantap di il, dɛn kin bɔn ɔlkayn insɛns. Dɛn go ivin du wetin dɛn wan du ɔnda di kɔtin tri ɛn ɔda big big tik dɛn, bikɔs dɛn de gi gud shed. I se na dat ɔl mek dɛn yɔŋ gyal dɛn de mek lɛk rare gyal ɛn dɛn mared uman dɛn de lɛf dɛn man dɛn na os, go kip ɔda man.

Di Jɔj Dɛm 2:11

Dat bin mek di Izrɛlayt dɛn du bad bad tin dɛn na PAPA GƆD in yay; dɛn wɔship di Kenanayt dɛn gɔd dɛn ɔl.

Di Jɔj Dɛm 2:13

Dɛn fɔsek PAPA GƆD ɛn bigin wɔship dɛn Baalath ɛn Ahstarɔt.

Di Jɔj Dɛm 10:6

Di Izrɛlayt dɛn du di bad bad tin dɛn bak we PAPA GƆD nɔ lɛk; dɛn butu to dɛn Baal dɛn ɛn Astasis, dɛn Sirian dɛn gɔd dɛn, di gɔd dɛn na Saydɔn ɛn Moab, ɛn di Amonayt ɛn di Filistin dɛn gɔd dɛn. Dɛn kɔmɔt biɛn PAPA GƆD ɛn lɛf fɔ wɔship am.

Di Sam Dɛm 2:3

Dɛn se dɛn fɔ fri dɛnsɛf so dat dɛn nɔ go de ɔnda PAPA GƆD ɛn in kiŋ dɛn kɔntrol.

Ozie 1:2

Wɛn PAPA GƆD bin tɔk to Ozie di fɔs tɛm, PAPA GƆD tɛl am se mek i go fɛn wan rare gyal, mared am ɛn bɔn pikin wit am bikɔs na so Izrɛl de biev we dɛn lɛf PAPA GƆD ɛn nɔ bisin bɔt am.

Ozie 9:1

Ozie tɛl di Izrɛlayt dɛn se dɛn nɔ fɔ gladi lɛk di ɔda pipul; i se dɛn dɔn mek dɛnsɛf lɛk rare gyal we dɛn lɛf dɛn yon PAPA GƆD go fala ɔda gɔd dɛn. I se dɛn ivin dɔn biev lɛk aw rare gyal kin biev we dɛn aya am ɛn gladi fɔ de pas ɔlɔbɔt na di os we dɛn de mil fɔ gɛt wetin dɛn go it.