Jɛrimaya 2:19 - Krio Fɔs Oli Baybul

¹⁹ PAPA GƆD Ɔlmayti se, una wikɛdnɛs go pɔnish una, ɛn di fɔsek we una fɔsek mi go jɔj una. Una no ɛn si se na bad bad ɛn bita tin fɔ una fɔ fɔsek PAPA GƆD we na una Gɔd; una nɔ rɛspɛkt mi wan.

Jɛrimaya 2:19 Referans Kwoze

Ayzaya 3:9

Di pashal we dɛn pashal go pul dɛn sikrit na do, dɛn de anawns dɛn sin lɛk Sɔdɔm, dɛn nɔ de ayd am sɛf. Swɛ go fɔdɔm pan dɛm! Bikɔs dɛn dɔn bay denja pak am pan dɛnsɛf.

Jɛrimaya 4:18

Na di we we una de biev ɛn di tin dɛn we una de du, dɔn mek tin lɛk dis mit una. Na una yon dɔn dɔn so, ɛn i bita; una dɔn fil am na una at.

Jɛrimaya 2:17

Nɔto unasɛf dɔn mek dis apin to una, we una fɔsek PAPA GƆD, we na una Gɔd, we i de bifo una na rod?

Di Sam Dɛm 36:1

Na sin de mek di bad man yɛri ɔlkayn bad tin insay in at. I nɔ de tink sɛf se i fɔ fred PAPA GƆD.

Ozie 5:5

Na di mek we Izrɛl de mek lɛ dɛn tan so; na so Ifrem go bɔk in fut ɛn Juda insɛf go jɔyn dɛn.

Emɔs 8:10

A go tɔn ɔl una gladi-gladi to bɛrin ɛn chenj una gladi siŋ to bɛrin siŋ. A go mek una krep una ed ɛn wɛr saklɔth, una go tan lɛk we man ɛn uman de kray fɔ dɛn waŋren pikin. Da de de go bita fɔ una sote go.”

Ozie 11:7

I se sins di pipul dɔn mekɔp fɔ lɛf am to insɛf, na dɛnsɛf dɔn pik se tin fɔ traŋa fɔ dɛn ɛn nɔbɔdi nɔ go ebul ɛp dɛm.

Jɛrimaya 5:6

Fɔseka dat, na layɔn we go kɔmɔt na fɔrɛst go kil dɛm, na wulf we kɔmɔt na di ɛmti ples we pɔsin nɔ go ebul tap, go nyakanyaka dɛm. Wan lɛpɛt de waka nia dɛn siti dɛm fɔ du bad, i go chɛr chɛr ɛnibɔdi we kɔmɔt insay di siti go na do, pis pis; bikɔs dɛn sin dɔn bɔku, ɛn di dinay we dɛn de dinay PAPA GƆD dɔn tumɔs.

Lɛta Fɔ Rom 3:18

dɛn nɔ de fred Gɔd sɛf.”

Zɛkaraya 7:11

Bɔt usay! Dɛn nɔ lisin to wetin i se. Bifo dat, dɛn mek traŋayes ɛn kɔk dɛn yes so dat dɛn nɔ go yɛri.

Ozie 14:1

Izrɛl, una kam bak to PAPA GƆD una Gɔd bikɔs una dɔn fɔm we una sin.

Jɛrimaya 8:5

Wetindu dɛn pipul ya dɔn tɔn dɛn bak pan mi ɛn nɔ gri tɔn bak? Dɛn biliv pan lay lay tin dɛn gud gud wan, ɛn nɔ gri tɔn bak kam to mi.

Ozie 4:16

I se lɛk aw yɔŋ uman kaw kin traŋayes na so Izrɛl traŋayes; na so PAPA GƆD nɔ go ebul fɔ gi dɛn wetin dɛn want ivin if dɛn de usay gras bɔku.

Jɛrimaya 5:22

PAPA GƆD se, una nɔ de fred mi? Una nɔ de trimbul bifo mi? A put sansan as bawndri fɔ di si, baria we de de ɔltɛm we i nɔ de pas; i lɛk aw di swɛlin dɛn tɔnɔbɔ, dɛn nɔ de pas da bawndri de, i lɛk aw dɛn ala, dɛn nɔ go ebul jomp am.

Jɛrimaya 3:22

“Una kam bak to mi, una dɛn bɔypikin dɛn we nɔ gɛt feth, a go mɛn una mek una go gɛt feth.” “Luk, we dɔn kam to yu; bikɔs yu na PAPA GƆD we na wi Gɔd.

Ayzaya 50:1

Na dis PAPA GƆD se; “We yu mama in dayvɔs pepa, we a tek dayvɔs am? Ɔ uswan pan di wan dɛn we a o, we a sɛl una gi? No se, na fɔ yu sin dɛn mek dɛn sɛl yu ɛn na fɔ di bad bad tin dɛn we yu de du, mek a drɛb yu mami.

Ayzaya 5:5

Ɛn naw a go tɛl una wetin a go du to mi greps fam. A go pul di fɛnch we de rawnd am, datɛnde, dɛn go pwɛl pwɛl am; A go brok in wɔl dɛn kam dɔŋ ɛn dɛn go mas mas am.

Prɔvabs 5:22

Di bad tin we pɔsin de du na trap, ɛn na da vɛri trap de de kech am.

Prɔvabs 1:31

wɛl aw una mek una bed, na so una go lidɔm de. Una go kɔlik wit una yon we.

Prɔvabs 1:32

Fulish pɔsin de day bikɔs ɔf in dɛf yes; fulman de day bikɔs i nɔ bisin bɔt insɛf,

Jɛrimaya 5:24

Dɛn nɔ de tɔk na dɛn at se, ‘Lɛ wi fred PAPA GƆD we na wi Gɔd, we de gi wi ren, ren sizin, di amatan ren, ɛn di draysizin ren, ɛn de kip, di wik dɛm fɔ di avɛst, fɔ wi.’

Izikɛl 39:24

A bin dil wit dɛm bay aw dɛn bin de du dɔti tin dɛm ɛn dɛn wikɛdnɛs dɛm, ɛn a bin ayd mi fes pan dɛm.

Ozie 7:2

Dɛn nɔ bin fil se i de mɛmba ɔl di bad we dɛn dɔn du. Naw na soso dɛn bad i de si.

Ozie 13:9

I se in go dɔnawe wit Izrɛl ɛn nɔbɔdi nɔ go ebul ɛp dɛn.

Mayka 1:5

Ɔl dis go bi bikɔs Jekɔb in jɛnareshɔn dɛn dɔn sin bad bad wan ɛn na Sameria ɛn Jerusɛlɛm fɔ blem.

Ɛksodɔs 33:6

Frɔm da say de na Mawnt Ɔrɛb te dɛn de go naw, di pipul dɛn nɔ wɛr gold igen, ɔlman bin pul in yon.

Di Jɔj Dɛm 10:13

I se pan ɔl dat dɛn kɔmɔt biɛn am, so in nɔ de fɛt fɔ dɛn igen

1 Kiŋ 18:18

Ilayja ansa am se nɔto in de ambɔgin Izrɛl, bɔt nain di vɛri Eab ɛn in papa in ɔda pikin dɛn. I se dɛn lɛf fɔ wɔship PAPA GƆD ɛn du wetin i se, bifo dat na Beal dɛn de wɔship.

2 Kronikuls 12:5

Nain Shɛmaya we na di prɔfɛt go mit Rɛoboam ɛn di bigman dɛn na Juda we bin gɛda na Jerusɛlɛm fɔseka we Shishak atak dɛn ɛn tɛl se, “Na dis PAPA GƆD se: Una tɔn una bak pan mi so misɛf dɔn tɔn bak ban una ɛn lɛf una gi Shishak an.”

2 Kronikuls 21:10

So, Idɔm bin dɔn baranta kɔmɔt ɔn Juda, te tide. Na da tɛm de Libna sɛf bin baranta kɔmɔt ɔnda Juda, Jɛroam bin dɔn kɔmɔt biɛn PAPA GƆD we nain papa dɛn Gɔd.

2 Kronikuls 25:16

As i bin de tɔk, nain di kiŋ aks am se, “Udat mek yu advaysa fɔ di kiŋ? Tap an de! Wetin mek yu fɔ fɛn day?” So di prɔfɛt tap, bɔt tɔk se, “A no se PAPA GƆD dɔn mek ɔp fɔ nyakanyaka yu traŋa wan bikɔs yu dɔn biev bad, ɛn nɔ lisin to mi advays.”

Jɛrimaya 1:16

Ɛn a go pas mi jɔjmɛnt agens dɛm, fɔ ɔl dɛn wikɛdnɛs we dɛn fɔseka mi; dɛn dɔn bɔn insɛns to dɛn ɔda gɔd dɛm, ɛn wɔship di tin dɛn we dɛn mek wit dɛn yon an.

Jɛrimaya 7:19

PAPA GƆD se, “Na mi dɛn de provok? Nɔto dɛnsɛf, fɔ kɔnfyus dɛnsɛf?

Jɛrimaya 13:22

Ɛn if una tɔk na una at se, ‘Wetindu dɛn tin dɛn ya dɔn apin to wi?’ Na bikɔs una sin dɛm dɔn bɔku nain mek dɛn dɔn es una skat dɛn ɔp, ɛn rep una.

Izikɛl 23:30

dɔn briŋ dis kam pan yu, bikɔs yu bin de rare to di neshɔn dɛm, ɛn dɔti yusɛf na mi yay wit dɛn lay lay gɔd dɛm.

Ozie 9:1

Ozie tɛl di Izrɛlayt dɛn se dɛn nɔ fɔ gladi lɛk di ɔda pipul; i se dɛn dɔn mek dɛnsɛf lɛk rare gyal we dɛn lɛf dɛn yon PAPA GƆD go fala ɔda gɔd dɛn. I se dɛn ivin dɔn biev lɛk aw rare gyal kin biev we dɛn aya am ɛn gladi fɔ de pas ɔlɔbɔt na di os we dɛn de mil fɔ gɛt wetin dɛn go it.