Jɛrimaya 2:18 - Krio Fɔs Oli Baybul

¹⁸ Luk naw, wetin una gen we una go Ijipt, na fɔ drink wata na Riva Nayl? Ɔ wetin una gen we una go Asiria, na fɔ go drink wata na Riva Yufretis?

Jɛrimaya 2:18 Referans Kwoze

Jɔshwa 13:3

ɛn di Gɛshurayt dɛn land we de na di ist pat na Ijipt ɛn di Avim dɛn yon na di sawt. Di ɔda say we PAPA GƆD bin tɛl Jɔshwa fɔ kapchɔ na di land we bigin na Shiɔ watasay na di Ijipshian bɔda te rich Ɛkrɔn siti na di Nɔth.

Ozie 7:11

Di pipul na Izrɛl de biev lɛk bɔd we nɔ gɛt sɛns. Dɛn go fɔs na Ijipt fɔ mek dɛn ɛp dɛn dɔn dɛn flay go Asiria.

Jɛrimaya 2:36

Luk we una de pas pas pan pipul, we nɔto so una bin tan! Ijipt go mek una shem, lɛkɛ aw Asiria bin mek una shem.

Ayzaya 31:1

Swɛ go fɔdɔm pan dɛn wan we de go na Ijipt fɔ mek dɛn ɛp dɛm ɛn abop pan ɔs, we abop pan chariɔt bikɔs dɛn plɛnti ɛn pan di man dɛm we de rayd ɔs bikɔs dɛn gɛt trɛnk bad, bɔt dɛn nɔ de luk to Izrɛl in Oli Wan ɔ fɛnɔt to PAPA GƆD!

Ozie 5:13

Wɛn Ifrem si se i sik dɔn Juda si di wund we i gɛt, Ifrem go to di kiŋ na Asiria, we i tink se na wɔndaful kiŋ, bɔt i nɔ ebul fɔ mɛn dɛn.

Izikɛl 17:15

Bɔt i tɔn agens am we i sɛn pɔsin dɛn fɔ go tinap fɔ am na Ijipt, so dat dɛn go gi am ɔs dɛn ɛn wan big ami. I go sɔksid? Ɛnibɔdi we du dɛn kayn tin ya go ebul go fri? I go ebul brok di Kɔvinant ɛn stil go fri?

Lamɛnteshɔn 4:17

Wi taya fɔ de luk ɔltɛm fɔ natin se pipul dɛn go kam ɛp wi; we wi bin de wet de abop pan kɔntri we nɔ ebul ɛp wi.

Ayzaya 7:20

Da de de PAPA GƆD go shev wit reza we i aya kɔmɔt oba di Riva – we de wit di kiŋ na Asiria– di ed ɛn di ia nain prayvet, ɛn i go krep di bia bia sɛf kɔmɔt.

Ayzaya 23:3

ɛn dɔn pas na difrɛn difrɛn si; una bin gɛt kɔpɔ we una bin de bay ɛn sɛl kɔn we kɔmɔt Ijipt, we na Riva Nayl in bɛnifit; una bin de tredin wit ɔl dɛn kɔntri dɛn.

Izikɛl 16:28

Una bin rare to dɛn Asirian dɛnsɛf, bikɔs una nɔ bin de satisfay. Yɛs, una bin rare to dɛn, ɛn stil nɔ bin satisfay.

2 Kronikuls 28:16

Na da sem tɛm de kiŋ Eaz sɛn to di kiŋ na Asiria fɔ ɛp am.

Jɛrimaya 31:22

Aw lɔŋ yu go de dawt, Yu gyal pikin we nɔ gɛt feth? Bikɔs PAPA GƆD dɔn mek nyu tin na di wɔl: uman de gyad man.”

Lamɛnteshɔn 5:6

Na bega bega wi de bega bega to Ijipit ɛn Asiria mek wi go it bɛlful.

Izikɛl 23:30

dɔn briŋ dis kam pan yu, bikɔs yu bin de rare to di neshɔn dɛm, ɛn dɔti yusɛf na mi yay wit dɛn lay lay gɔd dɛm.