Jɛrimaya 2:15 - Krio Fɔs Oli Baybul

¹⁵ Dɛn layɔn dɛm dɔn ala pan am, dɛn dɔn ala lawd lawd wan. Dɛn dɔn mek in land yuslɛs; in siti dɛm dɔn broko broko, ɛn nɔbɔdi nɔ tap de.

Jɛrimaya 2:15 Referans Kwoze

Jɛrimaya 4:7

Wan layɔn dɔn kɔmɔt na di tay tay bush we i bin fasin, pɔsin we de nyakanyaka neshɔn dɛn de na rod; i dɔn kɔmɔt nain ples fɔ go mek yu land ples we natin nɔ de bi; una siti dɛn go tɔn pwɛl pwɛl ples usay pipul dɛn nɔ tap.

Jɛrimaya 50:17

“Izrɛl na ship we layɔn dɛm de fɛn fɔ kech ɛn it we mek i de rɔnawe. Fɔs, di kiŋ na Asiria atak am, ɛn naw, Nɛbyukadnɛza we na kiŋ na Babilɔn de klin in bon bon.

Jɛrimaya 9:11

A go mek Jerusɛlɛm broko broko ples we ɔltin pak pantap in kɔmpin, ples we na so so Jakal tap; di siti dɛn na Juda go tɔn ɛmti ples we pɔsin nɔ go ebul tap, ples we anch sɛf nɔ de.”

Ayzaya 5:29

Dɛn de ala lɛk layɔn, lɛk we yɔŋ layɔn de ala; dɛn pul big vɔys ɛn kech dɛn it fɔ it, dɛn bɔn am go ɛn nɔbɔdi nɔ ebul pul am na dɛn an.

Ayzaya 1:7

Una kɔntri lɛf ɛmti wan, faya dɔn bɔn di siti dɛm; bifo una yon yay, fɔrina dɛn pwɛl una land; i ɛmti lɛk aw di fɔrina dɛn bin lɛf am.

Zɛfinaya 3:6

PAPA GƆD se pan ɔl we i dɔn dɔnawe wit dɛn neshɔn dɛn, ɛn nyamanyama dɛn siti, dɛn traŋa os ɛn wɔl dɛn. I dɔn mek dɛn trit dɛn fiba ples we nɔ fɔ pas, i dɔn mek di siti dɛn nɔ fit fɔ natin ɛn nɔ ivin lɛf wan pɔsin insay de.

Zɛfinaya 2:5

Dɛn wan we tap nia watasay, alaki - dat na dɛn Filistin dɛn. PAPA GƆD dɔn tɔk se i go nyamanyama una ɛn nɔbɔdi nɔ go lɛf.

Zɛfinaya 1:18

We PAPA GƆD dɔn rɛdi fɔ du wetin i want, nɔn mɔni, i lɛk aw i bɔku nɔ go tap am. We PAPA GƆD dɔn jɛlɔs gud, i go jɛs mek faya bɔn ɛn dɔnawe wit ɔlman we tap na wɔl.

Neum 2:11

Usay Layɔn dɛn os de, di kev we yɔŋ layɔn dɛn de usay di layɔn kin kɛr bif we i dɔn kil, usay in pikin dɛn de ɛn nɔ gɛt nɔbɔdi fɔ ambɔg am?

Emɔs 3:12

PAPA GƆD tɔk igen se: “Lɛkɛ aw man we de mɛn ship kin de fɛt fɔ pul di ship kɔmɔt na layɔn in mɔt we na tu fut ɔ waŋren yes nɔmɔ i kin jɔg kɔmɔt na di layɔn in mɔt, ɔ lɛkɛ aw pɔsin de pul bed ed ɔ fut kɔmɔt sɔnsay bɔt lɛf di ɔda pat pan di bed, na so na tu-tri nɔmɔ go lɛf pan di Izrɛlayt dɛn we de na Sameria.”

Emɔs 3:8

Wɛn layɔn ala, udat nɔ go fred? We PAPA GƆD, we na GƆD, dɔn tɔk, us prɔfɛt go lɔk in mɔt?

Emɔs 3:4

Layɔn go de ala na bush we i nɔ kech nɔn bif? Bebi layɔn de kray insay in ol we i nɔ gɛt natin fɔ it?

Ozie 11:10

I se in pipul go fala am we in PAPA GƆD go biev lɛk layɔn. I go mek big nɔys, dɔn in pikin dɛn go trimbul kɔmɔt na di wɛst go mit am;

Ozie 5:14

A go tan lɛk layɔn we nyamanyama it we i kech na Ifrem bɔt biev lɛk yɔŋ layɔn to Juda ɛn nɔ pwɛl am bɛtɛ. A nɔ go pwɛl dɛn nɔmɔ, a go tek dɛn go usay a wan go; dɛn go de wit mi ɛn nɔbɔdi nɔ go ebul pul dɛn na mi an.

Izikɛl 5:14

Pantap dat, a go mek yu ɛmti, ɛn dɛn go laf ɛn sɔktit pan yu ɔlsay na di neshɔn dɛm we de rawnd yu, ɛn di wan dɛn we de si yu.

Jɛrimaya 44:22

PAPA GƆD nɔ bin ebul bia di bad bad tin dɛm ɛn di tin dɛm we i et bad bad wan we una dɔn du; na dat mek una land dɔn tɔn gud fɔ natin, i dɔn gɛt swɛ ɛn nɔbɔdi nɔ tap de, lɛk aw i de lɛkɛ tide.

Jɛrimaya 34:22

PAPA GƆD se, A go kɔmand dɛm ɛn briŋ dɛn kam bak na dis siti; ɛn dɛn go fɛt una ɛn kapchɔ am, ɛn bɔn am wit faya. A go mek di siti dɛm na Juda tɔn gud fɔ natin ples, ɛn nɔbɔdi nɔ go tap de.

Jɛrimaya 33:10

Na dis PAPA GƆD se: Na dis ples we yu tɔk bɔt se, ‘Na ɛmti ɛn yuslɛs ples we mɔtalman ɔ animal nɔ de de,’ dat na di siti dɛn na Juda ɛn di trit dɛn na Jerusɛlɛm we ɛmti ɛn yuslɛs we mɔtalman ɔ animal nɔ de de, dɛn go yɛri

Jɛrimaya 26:9

Wetin du yu dɔn prɔfisay wit PAPA GƆD in nem, se, “Dis Os go tan lɛkɛ Shilɔ, ɛn dis siti go bi gud fɔ natin, ɛn nɔbɔdi nɔ go tap de?” Ɛn ɔl di pipul dɛn gɛda rawnd Jɛrimaya insay PAPA GƆD in os.

Jɛrimaya 25:30

“Fɔseka dat, na ɔl dɛn wɔd dɛn ya yu go yuz fɔ prɔfisay agens dɛm, ɛn tɛl dɛm se “PAPA GƆD go ala lɛk Layɔn ɔp usay I de, ɛn na In oli ples we I tap, I go de, de tɔk; i go ala lɛk Layɔn ebi ebi wan pan in pipul dɛm we i de mɛn, ɛn ala, lɛkɛ dɛn wan dɛm we de mas mas greps, ɛn agens ɔl di wan dɛm we tap na wɔl.

Jɛrimaya 5:6

Fɔseka dat, na layɔn we go kɔmɔt na fɔrɛst go kil dɛm, na wulf we kɔmɔt na di ɛmti ples we pɔsin nɔ go ebul tap, go nyakanyaka dɛm. Wan lɛpɛt de waka nia dɛn siti dɛm fɔ du bad, i go chɛr chɛr ɛnibɔdi we kɔmɔt insay di siti go na do, pis pis; bikɔs dɛn sin dɔn bɔku, ɛn di dinay we dɛn de dinay PAPA GƆD dɔn tumɔs.

Ayzaya 24:1

PAPA GƆD go mek natin nɔ lɛf na dis wɔl ɛn nɔbɔdi nɔ go tap de, ɛn i go twis di grɔn ɛn skata di pipul dɛn we tap de.

Ayzaya 6:11

Nain a tɔk se, “E PAPA GƆD aw lɔŋ?” Nain I se, “sote di siti dɛn ɔl lɛf ɛmti ɛn pɔsin dɛn nɔ tap de, ɛn nɔbɔdi nɔ tap na di os dɛm, ɛn nɔbɔdi nɔ tap na di land,

Ayzaya 5:9

A yɛri PAPA GƆD Ɔlmayti dɔn swɛ se; “fɔ tru tru, bɔku os dɛm go ɛmti, big ɛn fayn os dɛn, nɔbɔdi no go lib de.

Di Sam Dɛm 57:4

A de midul dɛn layɔn ya; a lidɔm usay dɛn rɛdi fɔ chɛr chɛr mi. Dɛn tit dɛn fiba spia ɛn aro fɔ tek fɛt, ɛn dɛn siti dɛn shap lɛk nɛf ɔ sɔd.

Job 4:10

Dɛn kin tɔf lɛk we layɔn de mek nɔys bɔt PAPA GƆD de brok brok di yɔŋ wan dɛn tit.

Di Jɔj Dɛm 14:5

Wande, Samsin ɛn in mama ɛn papa go Timna. Samsin go usay dɛn de plant greps na Timna, usay wan yɔŋ layɔn go ala pan am.

Jɛrimaya 51:38

“Dɛn go ala togɛda lɛkɛ layɔn; dɛn go grɔmbul lɛkɛ layɔn pikin.

Izikɛl 36:3

fɔseka dis, prɔfisay ɛn se, na dis PAPA GƆD se: bikɔs, yɛs, bikɔs dɛn mek una ɛmti, natin ɛn nɔbɔdi nɔ de de, ɛn so kwis una ɔlsay dat una blant di balans neshɔn dɛm, ɛn una kam bi udat dɛn de tɔk bɔt ɛn di ivul kongosa we di pipul de kongosa;

Zɛkaraya 11:3

Lisin we dɛn kiŋ ɛn lida dɛn de kray, dɛn boŋo dɔn fɔdɔm! Lisin aw dɛn layɔn de grɔmbul di bush we dɛn tap na Jɔdan, ɔl dɔn pwɛl.

Jɛrimaya 6:8

A de wɔn una o, Jerusɛlɛm, if nɔ so, a go avɔyd una; if nɔ so a mek yu ɛmti ples, land we nɔbɔdi nɔ tap.”

Jɛrimaya 9:10

Una bigin kray ɛn ala fɔ dɛn mawnten dɛm, ɛn kray fɔ di say dɛn we plɛnti gras de gro fɔ fid animal na di dray ɛn ɛmti ples, bikɔs dɛn de yuslɛs wan, so dat nɔbɔdi nɔ de pas de, ɛn dɛn nɔ de yɛri di kaw dɛn de kray igen; di bɔd dɛm we de flay na di skay, ɛn di animal dɛn, dɔn rɔnawe.

Jɛrimaya 10:22

Una lisin, na rumɔ! Luk, i de kam! –- Big kɔnfyushɔn de na di nɔt kɔntri fɔ kam mek di siti dɛn na Juda ɛmti, ɛn ples we na so so Jakal tap.

Jɛrimaya 25:9

biliv mi, a go sɛn fɔ ɔl di trayb dɛn we de na di nɔt, ɛn fɔ mi wokman Nɛbyukadnɛza we na kiŋ na Babilɔn, ɛn a go mek dɛn atak dis land ɛn di pipul dɛm we tap de, ɛn ɔl di neshɔn dɛm we de rawnd am; a go nyakanyaka dɛm kpatakpata ɛn mek dɛn tɔn tin fɔ fred, fɔ sɔktit ɛn pipul go shem fɔ de wit dɛm, sote go.