Jɛrimaya 2:13 - Krio Fɔs Oli Baybul

¹³ bikɔs mi pipul dɛn dɔn du tu bad bad tin; dɛn dɔn fɔsek mi, we na di say we wata we de gi layf de kɔmɔt, ɛn dɛn dɔn dig wɛl dɛm fɔ dɛnsɛf, wɛl dɛn we broko broko we nɔ de ol wata.

Jɛrimaya 2:13 Referans Kwoze

Jɔn 4:14

bɔt ɛnibɔdi we drink di wata we a go gi am nɔ go tɔsti igen. Di wata we a go gi di pɔsin go tan lɛkɛ wata we bɔs na grɔn, i go gi am layf we go de sote go.”

Jɔn 7:37

Di las de pan di ɔlide we impɔtant pas ɔl di ɔda de dɛn, Jizɔs tinap ɛn tɔk lawd wan se, “If ɛnibɔdi tɔsti mek i kam to mi, kam drink.

Jɛrimaya 17:13

E PAPA GƆD we Izrɛl abop pan, ɔl udat fɔsek yu go shem; dɛn wan dɛm we tɔn bak pan yu, dɛn go rayt bɔt dɛm na wɔl, bikɔs dɛn fɔsek PAPA GƆD we na di fawnten we de gi wata we de gi layf.

Rɛvɛleshɔn 21:6

I tɔk igen se, “Ɔl dɛn tin ya dɔn bi. Mi na Alfa, dat na di wan we bigin ɔltin, ɛn Omɛga, dat na di wan we go dɔn ɔltin. If ɛnibɔdi tɔsti, mek i kam to mi, a go gi am pan di wata we de bɔs plɛnti plɛnti we de gi layf; ɛn we fri.

Di Sam Dɛm 36:9

Na yu de gi layf ɛn nainsay yu wi de si wi we klia na layf.

Rɛvɛleshɔn 22:1

Di enjɛl tek mi igen go sho mi di riva we di wata we de gi layf bin de rɔn, i bin de shayn lɛkɛ glas. I bɔs kɔmɔt na di chia we Gɔd ɛn di Ship we de rul, kin sidɔm.

Ayzaya 55:2

Wetin du una de spɛnd una kɔpɔ pan tin we nɔto tin fɔ it, ɛn put yu lebɔ pan tin we nɔ de mek yu satisfay? Lisin mi gud gud wan, ɛn it wetin gud, ɛn gladi fɔ dɛn rich it dɛn.

Rɛvɛleshɔn 22:17

Gɔd in Spirit ɛn di Ship in yawo se, “Kam!” Mek ɛnibɔdi we yɛri dɛn wɔd ya, insɛf se, “Kam!” Mek ɛnibɔdi we tɔsti, we want drink da wata we de gi layf, kam ɛn drink fri.

Jɛrimaya 4:22

“Bikɔs mi pipul dɛn fulish, dɛn nɔ no mi; dɛn na styupid pikin dɛm, dɛn nɔ de ɔndastand natin. Dɛn gɛt skil fɔ du ivul tin dɛm, bɔt dɛn nɔ no aw fɔ du gud.”

Jɛrimaya 2:11

Neshɔn de we dɔn chenj in gɔd dɛm, ɔl we dɛn nɔto tru tru gɔd dɛm? Bɔt mi pipul dɛn dɔn chenj dɛn glori, fɔ tin we nɔ de bɛnifit nɔbɔdi.

Pita In Sɛkɛn Lɛta 2:17

Dɛn kayn pipul ya jɛs tan lɛkɛ wɛl we nɔ gɛt wata ɛn lɛkɛ dak klawd we de sho se ren want kam wɛn di ples dray, bɔt big briz blo am go. Gɔd dɔn kip dak dak dak ples fɔ put dɛn.

Jɛrimaya 2:17

Nɔto unasɛf dɔn mek dis apin to una, we una fɔsek PAPA GƆD, we na una Gɔd, we i de bifo una na rod?

Jɛrimaya 1:16

Ɛn a go pas mi jɔjmɛnt agens dɛm, fɔ ɔl dɛn wikɛdnɛs we dɛn fɔseka mi; dɛn dɔn bɔn insɛns to dɛn ɔda gɔd dɛm, ɛn wɔship di tin dɛn we dɛn mek wit dɛn yon an.

Ɛkliziastis 2:26

Udat de wok fɔ pliz PAPA GƆD, PAPA GƆD de gi am mɔ sɛns ɛn mek i gladi; bɔt fɔ sina, PAPA GƆD de mek i wok ɛn kip bɔku tinks ɛn mɔni so dat i go ɛp di wan we de pliz PAPA GƆD. Dis insɛf na fɔ natin, ɛn i tan lɛk we pɔsin de tray fɔ kech briz.

Jɛrimaya 15:6

PAPA GƆD se, yu bin dɔn tɔn yu bak pan mi, ɛn yu bin jɛs de go biɛn; so a tek akshɔn agens yu ɛn nyakanyaka yu; – A nɔ go ebul sɔri fɔ una igen

Ayzaya 63:8

Bɔkɔs I se, Fɔ tru tru, dɛn na mi pipul dɛn, bɔy pik dɛn we nɔ go ple yuki yuki; ɛn I kam bi dɛn seviɔ.

Ayzaya 5:13

So mi pipul dɛn go ɛgzayl, bikɔs dɛn ful; di man dɛn we dɛn rɛspɛkt de day wit aŋri ɛn tɔsti de kil dɛn bɔku bɔku pipul dɛn.

Ayzaya 1:3

Man kaw no udat i blant, ɛn dɔŋki no di say we in masta put in it, bɔt Izrɛl nɔ no, mi pipul dɛn nɔ ɔndastand.”

Ɛkliziastis 2:11

Dɔn a bigin tink bɔt ɔl wetin a bin dɔn du ɛn aw a wok traŋa wan fɔ du dɛn, bɔt oya, ɔl na fɔ natin. I tan lɛk we pɔsin de rɔnata briz; i nɔ de prɔfit pɔsin natin na dis wɔl.

Ɛkliziastis 1:2

Di Pricha se di natin we pas ɔl natin na wɔl! Di natin we pas ɔl natin na wɔl! Ɔl na fufafu.

1 Samiɛl 12:10

Dɛn kray to PAPA GƆD ɛn tɛl am se dɛn dɔn sin we dɛn lɛf am go wɔship Beal ɛn dɛn Ashtarɔt dɛn. Dɛn beg am mek i nɔ lɛf dɛn gi dɛn ɛnimi dɛn ɛn tɛl am se if i pul dɛn ɛnimi kɔmɔt biɛn dɛn, dɛn go wɔship am.

Jɛrimaya 5:31

di Prɔfɛt dɛm de gi laylay prɔfisi, ɛn dɛn man dɛm we de mek sakrifays fɔ pipul sin, de du wetin dɛn fil; na dat mi pipul dɛn lɛk lɛ de bi, bɔt wetin una go du we di ɛnd go kam?

Ɛkliziastis 4:4

A si se ɔl di wok ɛn sɛns we mɔtalman de sho pan in wok na bikɔs i wan tan lɛk ɔda pɔsin. Bɔt ɔl dat na fɔ natin. I tan lɛk we yu de tray fɔ kech briz.

Jɛrimaya 2:26

“Lɛkɛ we dɛn kin jankonico tifman wɛn dɛn kech, na so dɛn go jankonoco Izrɛl: dɛm, dɛn kiŋ dɛm, dɛn bigman dɛm, dɛn man dɛm we de mek sakrifays fɔ pipul sin ɛn dɛn prɔfɛt dɛm,

Ɛkliziastis 2:21

bikɔs sɔntɛm kin de we pɔsin we kin dɔn yuz in sɛns ɛn lebɔ dɔn na wɔl, kin gɛt fɔ lɛf ɔltin fɔ ɔda pɔsin we nɔ wok fɔ am, fɔ ɛnjɔy am. Dat sɛf na fɔ natin ɛn dat na bad bad tin.

Ɛkliziastis 1:14

A dɔn si ɔl wetin de bi na wɔl, bɔt usay, ɔltin na fɔ natin ɛn na lɛk fɔ rɔnata briz.

Di Jɔj Dɛm 10:13

I se pan ɔl dat dɛn kɔmɔt biɛn am, so in nɔ de fɛt fɔ dɛn igen

Mayka 6:3

Na PAPA GƆD de tɔk so naw. I se, “Izrɛl, mi pikin dɛn, wetin a du una we una de trit mi so? Una ansa mi nɔ!

Mayka 2:8

Insɛf tɛl dɛn se, dɛn nɔ bɛtɛ pas di wan dɛn we kech dɛn; dɛn de biev lɛk di ɛnimi to di ɔda wan dɛn bikɔs dɛn de trit dɛn lɛk aw tifman de trit pɔsin, dat na we dɛn de tek dɛn klos dɛn na dɛn an.

Jɛrimaya 18:14

Di sno na Libanɔn, de lɛf di stip rɔf rɔk dɛm we de na Siriɔn? Di watasay dɛn na dɛn mawnten dɛn de dray dɛn kol watasay dɛm we de rɔn?

Jɛrimaya 5:26

Bikɔs, wikɛd pipul dɛn de amɔŋ mi pipul; dɛn de ayd dɛnsɛf lɛkɛ flawa de wet fɔ du bad, Dɛn kin sɛt trap; dɛn kin kech mɔtalman.

Ɛkliziastis 12:8

Di pricha se, di natin we pas ɔl natin na wɔl, ɔl na fufafu.

Jɔn 4:10

Jizɔs se, “If yu bin no wetin Gɔd de gi pipul, ɛn if yu no udat de aks yu fɔ gi am wata fɔ drink, yu bin fɔ aks am ɛn i bin fɔ gi yu da wata we de mek pipul gɛt layf.”

Jɔn 4:11

Di uman se, “Yu nɔ gɛt kitul ɛn di wɛl dip; usay yu go gɛt di wata we go mek pipul gɛt layf?

Ditarɔnɔmi 31:16

Nain PAPA GƆD tɛl Mozis se di tɛm dɔn de rich fɔ lɛ i day go mit in fɔstɛm-papa dɛn; I se, datɛnde, di Izrɛlayt dɛn go kɔmɔt biɛn am ɛn go bigin wɔship di trenja gɔd dɛn we de na di land we dɛn de kam go, ɛn bay dat, dɛn go pwɛl di Kɔvinant we de bitwin dɛn ɛn PAPA GƆD.

Ayzaya 12:3

Na wit gladi yu go ɛnjɔy yu nyu layf.

Jɛrimaya 14:3

Di bigman dɛm we de de, sɛn dɛn wokman dɛm fɔ go gɛt wata; dɛn kam na di wɛl dɛm, dɛn nɔ si wata, dɛn go bak wit ɛmti kitul dɛm; dɛn shem ɛn kɔnfyus, ɛn dɛn kɔba dɛn ed.

Jɛrimaya 19:4

Bikɔs di pipul dɛn dɔn fɔsek mi ɛn bamfa dis ples we dɛn de bɔn insɛns de to ɔda gɔd dɛm we dɛm ɛn dɛn fɔstɛmpapa dɛm, ɛn dɛn kiŋ dɛn na Juda nɔ no wande; ɛn bikɔs dɛn dɔn ful dis ples wit inosɛnt pipul dɛn blɔd,

Izikɛl 47:1

Dɛn i bin briŋ mi kam bak to di tɛmpul in do, ɛn wata bin de kɔmɔt frɔm ɔnda di tɛmpul in ɛntrans, de go to di ist (fɔ di tɛmpul bin fesin ist), ɛn di wata bin de flo go dɔŋ, frɔm ɔnda di sawt pat pan di tɛmpul in ɛntrans, sawt pan di ɔlta.

Zɛkaraya 13:1

Da de de, wan fawnten go de we di pipul na Devid in os ɛn di pipul dɛn we tap na Jerusɛlɛm go go so dat dɛn go mek dɛnsɛf klin na PAPA GƆD yay ɛn dɛn sin go kɔmɔt.

2 Kiŋ 22:17

I se PAPA GƆD se bikɔs dɛn dɔn tɔn dɛn bak pan am ɛn bɔn insɛns to ɔda gɔd dɛn we na mɔtalman mek dɛn, in go vɛks pan dɛn ɛn da vɛks de nɔ go dɔn.

Ayzaya 1:4

E, neshɔn we gɛt sin, pipul we de du so so bad, pikin we bad pipul bɔn, bɔypikin dɛn we kɔrɔpt! Dɛn dɔn kɔmɔt biɛn PAPA GƆD, dɛn nɔ rɛspɛkt di Oli Wan na Izrɛl dɛn dɔn kɔmɔt biɛn am kpatakpata.

Izikɛl 14:5

so a go ebul fɔ gɛt Izrɛl dɛn at, ɔl dɛn wan we dɔn tɔn dɛn bak pan mi fɔseka dɛn lay lay gɔd dɛn we dɛn de wɔship.