Jɛrimaya 2:11 - Krio Fɔs Oli Baybul

¹¹ Neshɔn de we dɔn chenj in gɔd dɛm, ɔl we dɛn nɔto tru tru gɔd dɛm? Bɔt mi pipul dɛn dɔn chenj dɛn glori, fɔ tin we nɔ de bɛnifit nɔbɔdi.

Jɛrimaya 2:11 Referans Kwoze

Lɛta Fɔ Rom 1:23

Bifo dɛn pre to Gɔd, dɛn de pre to dɛn tin we dɛnsɛf mek we fiba mɔtalman, bɔd, bif na bush, ɔ snek. Gɔd gɛt layf, bɔt dɛn tin ya nɔ gɛt layf.

Ayzaya 37:19

dɛn dɔn trowe dɛn gɔd dɛn na faya ɛn bɔn dɛn, bɔt sɛf, nɔto gɔd dɛn, na ɛmti tik ɛn ston we na mɔtalman an dɛn tek mek dɛn.

Jɛrimaya 16:20

Mɔtalman go ebul mek gɔd fɔ insɛf? Dɛn wan dɛn de nɔto gɔd dɛm!”

Di Sam Dɛm 106:20

Dɛn lɛf fɔ wɔship dis wɔndaful PAPA GƆD ɛn bigin wɔship di tin we dɛn mek lɛkɛ man kaw we na gras i de it.

Mayka 4:5

Ɔl di neshɔn dɛn go de wɔship dɛn yon gɔd dɛn bɔt di wan dɛn we na PAPA GƆD in yon pipul go wɔship ɛn obe am sote go.

1 Kɔrint 8:4

So, lɛkɛ aw a bin se, lɛ a kam tɔk bɔt dɛn it we dɛn kin sakrifays to dɛn tin we mɔtalman mek fɔ pre to: una no se dɛn tin we mɔtalman mek fɔ pre to nɔto Gɔd; wi no se na wangren Gɔd nɔmɔ de.

Jɛrimaya 2:8

Di man dɛm we de mek sakrifays fɔ pipul sin nɔ bin aks se, ‘We PAPA GƆD?’ Dɛn wan dɛn we de andul di lɔ nɔ bin no mi; di rula dɛn sin agens mi; di prɔfɛt dɛn bin de prɔfisay se na Beal tɛl dɛn so, ɛn dɛn bin put at pan tin dɛn we nɔ go mek dɛn bɛtɛ.

Jɛrimaya 2:5

Na dis PAPA GƆD se: “Us rɔŋ tin una papa dɛm bin fɛnɔt se a du, we mek dɛn bin go fa kɔmɔt nia mi, ɛn go fala wɔtlɛs layf ɛn tɔn wɔtlɛs pipul?

Di Sam Dɛm 115:4

Bɔt na silva ɛn gold dɛn tek mek gɔd fɔ wɔship, na ɔdinari mɔtalman dɛn mek dɛn.

Di Sam Dɛm 3:3

Bɔt na yu PAPA GƆD na di wan we de kɔba mi lɛkɛ we fɔl de kɔba in pikin; na yu nɔmɔ de pul mi pan shem we go mek a waka de es mi ed ɔp.

Ditarɔnɔmi 33:29

Di pipul dɛn na Izrɛl na pipul dɛn we gɛt lɔk! Nɔn ɔda neshɔn nɔ tan lɛkɛ dɛn. Na PAPA GƆD insɛf de fɛt fɔ dɛn, I de kɔba dɛn ɛn mek dɛn win dɛn fɛt dɛn! Dɛn ɛnimi dɛn go beg dɛn lɛ dɛn nɔ kil dɛn, bɔt dɛn go kapchɔ dɛn ɛnimi dɛn land ɛn waka fri wande.

Pita In Fɔs Lɛta 1:18

Unasɛf no se nɔto tin lɛkɛ silva ɛn gold we de pwɛl, dɛn tek pe fɔ pul una kɔmɔt pan di yuslɛs layf we una grampapa papa dɛn bin liv ɛn we unasɛf bin liv;

Lɛta Fɔ Galeshya 4:8

Fɔs tɛm, una nɔ bin no Gɔd, so una na bin slev to dɛn spirit we nɔ gɛt pawa lɛkɛ Gɔd.

1 Samiɛl 4:21

I gi di pikin nem Ikabɔd bikɔs i se Izrɛl nɔ gɛt rɛspɛkt igen PAPA GƆD dɔn lɛf Izrɛl to insɛf we mek dɛn siz di ak ɔf di Kɔvinant, in fadɛnlɔ day ɛn in man sɛf day.

2 Kronikuls 13:9

Una nɔ dɔn drɛb PAPA GƆD in man dɛn we de mek sakrifays fɔ pipul sin we na Erɔn in pikin dɛn ɛn di Livayt dɛn, ɛn mek man dɛn we de mek sakrifays fɔ pɔpul sin fɔ una sɛf lɛk di pipul dɛm na ɔda kɔntri dɛn? Ɛnibɔdi we kam kɔnsikret insɛf wit wan yɔŋ man kaw or sɛvin man ship, yu de mek am man we de mek sakrifays fɔ pipul sin fɔ tin dɛn we nɔto gɔd.

Jɛrimaya 5:7

“Aw a go sɔri fɔ yu? Yu pikin dɛm dɔn fɔsek mi, ɛn dɛn dɔn tek dɛn wan dɛn we nɔto gɔd, dɛn nem swɛ. We a bin fid dɛm te dɛn bɛlful, dɛn bin kɔmit adɔltri ɛn gɛda go na dɛn rare gyal dɛn os.

Jɛrimaya 18:13

“Fɔseka dat, na dis PAPA GƆD se: Aks na di difrɛn neshɔn dɛm se, udat dɔn yɛri dis kayn tin? Da vajin we na Izrɛl, dɔn du bad bad tin.

Izikɛl 5:7

So, PAPA GƆD we na Gɔd se; bikɔs una ambɔg pas di neshɔn dɛm we de rawnd una ɛn una nɔ obe mi lɔ dɛm, una nɔ du wetin a se, bɔt una de du wetin di ɔda neshɔn dɛn we de rawnd una dɛn lɔ dɛn se;

Izikɛl 14:5

so a go ebul fɔ gɛt Izrɛl dɛn at, ɔl dɛn wan we dɔn tɔn dɛn bak pan mi fɔseka dɛn lay lay gɔd dɛn we dɛn de wɔship.

Ditarɔnɔmi 32:16

Izrɛl mek PAPA GƆD jɛlɔs fɔ dɛn fɔrena dɛn gɔd dɛn, di bad bad tin dɛn we dɛn bin de du, mek i vɛks bad bad wan.

Ditarɔnɔmi 32:21

Dɛn mek PAPA GƆD vɛks bikɔs dɛn de wɔship lay lay gɔd, dɛn mek i jɛlɔs bikɔs dɛn gɔd dɛn nɔto gɔd dɛn. So i go drɔ ɔda pipul dɛn we nɔ bɛtɛ kam nia am so dat Izrɛl go vɛks, dɛn go jɛlɔs.

1 Kiŋ 11:33

I se wetin mek in de du dat na bikɔs dɛn dɔn kɔmɔt to am ɛn go wɔship Ashtorɛt, dɛn Sidonian dɛn gɔd wit Kɛmɔsh, dɛn Moabayt yon gɔd, ɛn Molɛk, dɛn Amonayt dɛnsɛf yon gɔd. I se dɛn nɔ du wetin i tɛl dɛn, ɛn sɛf nɔ obe in lɔ we Sɔlɔmɔn in papa Devid bin de obe.

2 Kiŋ 1:3

PAPA GƆD in enjɛl tɔk to Ilayja da Tishbayt. I se, “Grap go mit di kiŋ na Sameria in mɛsenja dɛn na rod ɛn aks dɛn se if PAPA GƆD nɔ de na Izrɛl we mek i de sɛn fɔ go fɛnɔt to Bealzibɔb da gɔd na Ɛkrɔn.