Jɛrimaya 19:7 - Krio Fɔs Oli Baybul

⁷ Ɛn na dis ples a go pwɛl Juda ɛn Jerusɛlɛm dɛn plan, ɛn a go mek dɛn pipul dɛn day na wa bifo dɛn ɛnimi dɛm, ɛn na di wan dɛm we de afta dɛn layf, dɛn an. A go gi dɛn dedebɔdi to dɛn bɔd we de flay na di skay ɛn dɛn wayl animal dɛn na wɔl.

Jɛrimaya 19:7 Referans Kwoze

Lɛvitikɔs 26:17

I go dison dɛn ɛn mek dɛn ɛnimi dɛn win dɛn; di wan dɛn we et dɛn, go rul dɛn ɛn dɛn go de rɔn ivin we nɔbɔdi nɔ de rɔnata dɛn.

Jɛrimaya 16:4

Na bad bad siknɛs dɛm go kil dɛm. Nɔbɔdi nɔ go kray fɔ dɛm ɛn dɛn nɔ go bɛr dɛm; dɛn go tan lɛk manyɔ pantap di grɔn. Dɛn go day na wa ɛn wit bad bad aŋri, ɛn dɛn dedebɔdi dɛm go bi it fɔ di bɔd dɛm na di skay, ɛn fɔ dɛn wayl animal dɛm na di wɔl.

Jɛrimaya 34:20

ɛn a go mek dɛn ɛnimi dɛm ɛn dɛn wan dɛm we wan kil dɛm, kapchɔ dɛm. Na dɛn bɔd we de flay ɔp klawd ɛn dɛn animal dɛn go it dɛn dedebɔdi.

Jɛrimaya 15:9

Di uman we bɔn sɛvin pikin, dɔn lɛf to insɛf; I dɔn fent;; In san go dɔŋ sansantɛm; dɛn dɔn disgres am ɛn i dɔn shem. A go kil di balans wan dɛm na wa bifo dɛn ɛnimi dɛm. Na so PAPA GƆD se.

Jɛrimaya 15:2

Ɛn wɛn dɛn aks yu se, ‘usay wi fɔ go?’ Yu fɔ tɛl dɛm se, ‘Na dis PAPA GƆD se: Dɛn wan dɛn we fɔ day bay siknɛs, go day bay siknɛs, ɛn dɛn wan dɛn we fɔ day na wa, go day na wa; dɛn wan dɛn fɔ day we bay bad bad aŋri, go day bay bad bad aŋri, ɛn di wan dɛn we na fɔ kech kɛr go mek slev, go go as slev.”

Jɛrimaya 7:33

Ɛn dɛn pipul ya dɛn dedebɔdi dɛm, go bi it fɔ dɛn bɔd dɛn we de flay ɔp di klawd, ɛn fɔ dɛn wayl animal dɛn na wɔl; ɛn nɔbɔdi nɔ go skyad dɛm.

Lɛta Fɔ Rom 4:14

Bɔt if dɛn tin we Gɔd prɔmis na fɔ dɛn wan we de du wetin rayt na di Lɔ nɔmɔ, di biliv we mɔtalman biliv pan Gɔd ɛn di prɔmis we Gɔd bin mek nɔ min natin.

Lɛta Fɔ Rom 3:31

Dat min se, bikɔs wi biliv pan Jizɔs Krays, di Lɔ nɔ min natin fɔ wi igen? Wi nɔ go put di Lɔ wansay. Di biliv we wi biliv pan Jizɔs Krays sho se di Lɔ min sɔntin.

Lamɛnteshɔn 3:37

Udat dɔn tɔk se na so i fɔ bi ɛn i bi, nɔbɔdi pas PAPA GƆD we dɔn se na so i fɔ bi.

Jɛrimaya 46:26

A go gi dɛm to di wan dɛn we wan kil dɛm, dat na to Nɛbyukadnɛza we na kiŋ na Babilɔn ɛn in ɔfisa dɛm. Afta dat, pipul dɛn go tap na Ijipt, lɛkɛ lɔntɛm.

Jɛrimaya 22:25

ɛn gi una to dɛn wan we wan kil una, dɛn wan we una de fred, dat na Nɛbyukadnɛza we na kiŋ na Babilɔn ɛn dɛn Babilonian dɛm.

Jɛrimaya 22:19

“Dɛn go bɛr am lɛkɛ aw dɛn kin bɛr dɔŋki, we dɛn kin drɛg go trowe na do fa frɔm di get dɛn na Jerusɛlɛm.’

Jɛrimaya 18:21

Fɔseka dat, gi yu pikin dɛm to bad bad aŋri; mek dɛn kil dɛm na wa, le dɛn wɛf dɛm tɔn uman dɛn we nɔ gɛt pikin, ɛn uman dɛn we dɛn man dɛn dɔn day, mek dɛn man dɛn mit day bay siknɛs, ɛn mek dɛn kil ɔl dɛn yɔŋ bɔbɔ dɛn na wa.

Jɛrimaya 8:2

ɛn dɛn go prɛd dɛm bifo di san ɛn di mun, ɛn ɔl wetin de ɔp di klawd, we dɛn bin lɛk ɛn bin de sav, di tin dɛn we dɛn bin de rɔn afta, tin dɛn we dɛn bin de fɛn ɛn wɔship; dɛn nɔ go gɛda dɛm bɛr dɛm; dɛn go tan lɛk kaw tɔylɛt na grɔn.

Ayzaya 8:10

Una ɛŋed o, bɔt i nɔ go min natin; una tɔk wetin una fil, na fɔ natin, bikɔs PAPA GƆD de wit wi.

Prɔvabs 21:30

Nɔn mɔtalman sɛns ɔ kɔni nɔ de mek PAPA GƆD nɔ du wetin i wan du.

Jɛrimaya 8:8

‘Aw una go se, ‘wi gɛt sɛns, ɛn PAPA GƆD in lɔ de to wi?’ A de tɛl una, dɛn sɛktri dɛn lay lay pɛn dɛn dɔn mek i dɔn tɔn to lay lay.

Jɛrimaya 8:9

Dɛn go mek di sɛnsman dɛn shem, dɛn go kɔnfyus ɛn dɛn go kech dɛm; wetindu? Dɛn dɔn put PAPA GƆD in wɔd wansay, uskayn sɛns dɛn gɛt naw?

Jɛrimaya 32:28

Fɔsɛka dat, na dis PAPA GƆD se: Biliv mi, a de gi dis siti to di Babilonian dɛm ɛn to Nɛbyukadnɛza we na kiŋ na Babilɔn, ɛn i go kapchɔ am.

Lɛvitikɔs 26:25

I go mek dɛn ɛnimi dɛn atak dɛn bikɔs dɛn dɔn brok in Kɔvinant; ɛn if dɛn ɔl go ayd na dɛn siti dɛn, i go ib sik pan dɛn we go prɛd ɛn kil bɔku pipul, ɛn dat go mek dɛn ɛnimi dɛn ebul dɛn.

1 Samiɛl 17:46

I tɛl di Filistin se da de de PAPA GƆD go mek i ib am dɔŋ ɛn kɔt in ed. Devid tɛl am se, da de de dɛn yuba dɛn go ɛnjɔy ɔlman na di Filistin ami dɛn dedebɔdi dɔn di wanol wɔl go no se di PAPA GƆD we Izrɛl de wɔship, pawaful.

2 Kiŋ 21:14

I se di wan dɛn we nɔ day in go mek dɛn ɛnimi dɛn kech dɛn ɛn tek ɔl wetin dɛn gɛt,

Ayzaya 29:14

fɔseka dat, a go du tin wit dɛn pipul ya we dɛn go kɔle pan, wɔndaful tin we dɛn go kɔle pan; ɛn di sɛns we dɛn sɛnsman dɛn gɛt go dɔn, ɛn di no we dɛn man dɛn we de no wetin gɛt fɔ apin, go ayd.

Jɛrimaya 21:7

PAPA GƆD se, afta dat, A go mek Nɛbyukadnɛza we na kiŋ na Babilɔn, we na Zɛdikaya dɛn ɛnimi dɛn we de tray fɔ kil dɛm, ebul kapchɔ Zɛdikaya we na kiŋ na Juda, ɛn in wokman dɛm, ɛn ɔl di pipul dɛn na dis siti we nɔ day di tɛm we siknɛs, wa ɛn bad bad aŋri bin mit dɛm; Nɛbyukadnɛza go kil dɛm wit sɔd; i nɔ go luk nɔbɔdi ɛn sɔri fɔ am, ɔ lɛf ɛnibɔdi ɔ fil nain at fɔ nɔbɔdi.