Jɛrimaya 19:4 - Krio Fɔs Oli Baybul

⁴ Bikɔs di pipul dɛn dɔn fɔsek mi ɛn bamfa dis ples we dɛn de bɔn insɛns de to ɔda gɔd dɛm we dɛm ɛn dɛn fɔstɛmpapa dɛm, ɛn dɛn kiŋ dɛn na Juda nɔ no wande; ɛn bikɔs dɛn dɔn ful dis ples wit inosɛnt pipul dɛn blɔd,

Jɛrimaya 19:4 Referans Kwoze

Jɛrimaya 2:34

Igen, una klos dɛn sten wit po inosɛnt pipul dɛn blɔd; una nɔ kech dɛn de brok os go insay. Bɔt stil, wit ɔl dɛn tin ya so,

Ayzaya 65:11

Bɔt una we dɔn fɔsek PAPA GƆD, we dɔn fɔgɛt mi oli mawten, we sɛt tebul fɔ Tumara Jɛntri ɛn ful kɔp dɛn wit dɛm miksɔp wayn fɔ Dɛstini;

2 Kiŋ 21:16

Fɔ ad pan di bad tin dɛn we Manasɛ bin de du, i shɛd inosɛnt blɔd ɛn de kil mɔtalman fitifata. I mek di wanol Jerusɛlɛm bin de smɛl blɔd, ɛn mek di kɔntri kɔmit sin to PAPA GƆD.

Ditarɔnɔmi 28:20

PAPA GƆD go put ɔlkayn swɛ pan dɛn; dɛn go de pan kɔnfyushɔn ɛn pwɛlat ɔltɛm. I go brok dɛn dɔŋ kpatakpata, ɛn dɛn layf dɛn nɔ go lɔŋ, fɔseka we dɔn kɔmɔt biɛn PAPA GƆD ɛn du bad bad tin dɛn.

Jɛrimaya 7:9

Una go tif, kil pɔsin, kɔmit adɔltri, swɛ fɔ natin, bɔn insɛns to Beal, ɛn wɔship ɔda gɔd dɛm we una nɔ bin no,

Jɛrimaya 17:13

E PAPA GƆD we Izrɛl abop pan, ɔl udat fɔsek yu go shem; dɛn wan dɛm we tɔn bak pan yu, dɛn go rayt bɔt dɛm na wɔl, bikɔs dɛn fɔsek PAPA GƆD we na di fawnten we de gi wata we de gi layf.

Jɛrimaya 11:13

Bikɔs una gɔd dɛm dɔn bɔku lɛkɛ aw una siti dɛm dɛn bɔku, Yu Juda; ɛn lɛkɛ aw di trit dɛm bɔku na Jerusɛlɛm, na semweso di ɔlta dɛm we una dɔn bil we shemful, dɛnsɛf bɔku; ɔlta dɛn fɔ bɔn insɛns to Beal.

Jɛrimaya 2:19

PAPA GƆD Ɔlmayti se, una wikɛdnɛs go pɔnish una, ɛn di fɔsek we una fɔsek mi go jɔj una. Una no ɛn si se na bad bad ɛn bita tin fɔ una fɔ fɔsek PAPA GƆD we na una Gɔd; una nɔ rɛspɛkt mi wan.

Jɛrimaya 2:17

Nɔto unasɛf dɔn mek dis apin to una, we una fɔsek PAPA GƆD, we na una Gɔd, we i de bifo una na rod?

Jɛrimaya 2:13

bikɔs mi pipul dɛn dɔn du tu bad bad tin; dɛn dɔn fɔsek mi, we na di say we wata we de gi layf de kɔmɔt, ɛn dɛn dɔn dig wɛl dɛm fɔ dɛnsɛf, wɛl dɛn we broko broko we nɔ de ol wata.

Ayzaya 59:7

Dɛn de rɔn fɔ go du bad, ɛn de mekes fɔ shɛd inosɛnt blɔd; na fɔ kɔmit sin nɔmɔ de na dɛn at, na ɛmtinɛs, ɛn fɔ distrɔy, de na dɛn ay we dɛn.

2 Kiŋ 24:4

mɔ lɛk we i bin de shɛd inosɛnt blɔd. Manasɛ bin jɛs de kil pipul dɛn fitifata ɛn mek di wanol Jerusɛlɛm ful-ɔp wit blɔd; dat mek PAPA GƆD nɔ gri fɔgiv am.

Rɛvɛleshɔn 16:6

Dɛn pipul ya bin dɔn kil yu pipul dɛn ɛn dɛn wan we bin de tɔk di mɛsej we yu gi dɛn, dɛn bin mek dɛn blɔd rɔn so naw yu dɔn gi dɛn blɔd fɔ drink. Na wetin dɛn wok fɔ, nain dɛn gɛt!”

Lyuk 11:50

So una dɛn tide pipul ya go sɔfa fɔ ɔl dɛn prɔfɛt ya we dɛn dɔn kil frɔm we Gɔd mek di wɔl sote tide.

Lamɛnteshɔn 4:13

Dis na fɔseka di sin we in prɔfɛt dɛn kɔmit ɛn di bad bad tin dɛn we di man dɛn we de mek sakrifays fɔ pipul sin, we kil pipul dɛn we de waka tret wit PAPA GƆD, insay Jerusɛlɛm.

Jɛrimaya 26:23

go Ijipt, ɛn dɛm bin briŋ Yuraya kɔmɔt Ijipt kam to Kiŋ Jɛoiakim, we bin kil am wit sɔd, ɛn trowe in dedebɔdi usay dɛn kin bɛr dɛn ɔdinari pipul dɛn.

Jɛrimaya 26:15

Una jɛs no se, if una kil mi, una go put inosɛnt blɔd na una an ɛn na dis siti ɛn pan di wan dɛm we tap de, bikɔs na tru se, na PAPA GƆD sɛn mi to una, fɔ tɔk ɔl dɛn wɔd ya na una yes.”

Jɛrimaya 22:17

Bɔt yu gɛt yay ɛn at fɔ rog pipul dɛn nɔmɔ, fɔ shɛd inosɛnt blɔd, ɛn fɔ sɔprɛs ɛn fɛt pipul.”

Jɛrimaya 18:15

Bɔt mi pipul dɛm dɔn fɔgɛt bɔt mi, dɛn de bɔn insɛns fɔ dɛn lay lay gɔd; dɛn dɔn bɔk fut na di rod dɛn we dɛn de fala we na di ol rod dɛm, ɛn dɛn dɔn lɛf di men rod, go waka na dɛn yad rod,

Jɛrimaya 16:11

PAPA GƆD se, dɔn yu go tɛl dɛm se, ‘Na bikɔs una fɔstɛmpapa dɛm dɔn fɔsek mi, ɛn dɔn go de biɛn ɔda gɔd dɛm, ɛn de sav dɛm ɛn wɔship dɛm, ɛn fɔsek mi ɛn nɔ de kip mi lɔ,

Jɛrimaya 15:6

PAPA GƆD se, yu bin dɔn tɔn yu bak pan mi, ɛn yu bin jɛs de go biɛn; so a tek akshɔn agens yu ɛn nyakanyaka yu; – A nɔ go ebul sɔri fɔ una igen

Jɛrimaya 5:6

Fɔseka dat, na layɔn we go kɔmɔt na fɔrɛst go kil dɛm, na wulf we kɔmɔt na di ɛmti ples we pɔsin nɔ go ebul tap, go nyakanyaka dɛm. Wan lɛpɛt de waka nia dɛn siti dɛm fɔ du bad, i go chɛr chɛr ɛnibɔdi we kɔmɔt insay di siti go na do, pis pis; bikɔs dɛn sin dɔn bɔku, ɛn di dinay we dɛn de dinay PAPA GƆD dɔn tumɔs.

Jɛrimaya 2:30

PAPA GƆD se, A dɔn pɔnish una pikin dɛm te, dɛn nɔ gri chenj; na unasɛf tek una an kil una prɔfɛt dɛn lɛk layɔn we aŋri bad bad wan.

Ditarɔnɔmi 28:64

I tɛl dɛn se PAPA GƆD go skata dɛn ɔlsay na di wɔl, ɛn na de dɛn go wɔship dɛn tik ɛn ston gɔd dɛn, we dɛn ɛn dɛn fɔstɛm-papa dɛn nɔ ɛva no.

Ditarɔnɔmi 28:36

Mozis tɛl di Izrɛlayt dɛn se PAPA GƆD go mek dɛn kɛr dɛn ɛn dɛn kiŋ we dɛn go pik go na kɔntri we dɛn ɛn dɛn fɔstɛm-papa dɛn nɔ bin no wande, usay dɛn go go wɔship gɔd dɛn we dɛn mek wit tik ɛn ston.

Ditarɔnɔmi 13:13

sɔm fulish man dɛn dɔn mek di pipul dɛn gri fɔ fala dɛn fɔ de wɔship ɔda gɔd dɛn we dɛn nɔ bin no,

Ditarɔnɔmi 13:6

I se if dɛn brɔda, ɔ dɛn wan dadi brɔda, ɔ wan mami brɔda, ɔ dɛn bɔypikin ɔ gyal pikin, ɔ ivin dɛn wɛf we dɛn lɛk bad bad wan, ɔ dɛn bɛst padi, tray fɔ koks dɛn sikrit wan fɔ wɔship ɔda gɔd we dɛn ɛn dɛn fɔstɛmpapa dɛn nɔ bin no,

2 Kiŋ 23:10

Josaya pwɛl pwɛl Tɔfɛt we na de dɛn bin de wɔship lay lay gɔd na Inɔm Vali fɔ lɛ nɔbɔdi nɔ go de sakrifays in pikin de igen na faya to Molɛk.

Jɛrimaya 1:16

Ɛn a go pas mi jɔjmɛnt agens dɛm, fɔ ɔl dɛn wikɛdnɛs we dɛn fɔseka mi; dɛn dɔn bɔn insɛns to dɛn ɔda gɔd dɛm, ɛn wɔship di tin dɛn we dɛn mek wit dɛn yon an.

Jɛrimaya 7:6

if una nɔ sɔprɛs dɛn trenja, dɛn pikin dɛn we dɛn mami ɛn dadi dɔn day, ɔ uman we in man dɔn day, ɔ kil inosɛnt pɔsin na ya, ɛn if una nɔ de biɛn ɔda gɔd dɛm we dat go ambɔg una,

Jɛrimaya 17:20

ɛn tɔk se: Una lisin wetin PAPA GƆD se, una dɛn kiŋ dɛn na Juda ɛn ɔlman na Juda, ɛn ɔl udat tap na Jerusɛlɛm, we de pas na dis get go insay.

Jɛrimaya 22:3

Na dis PAPA GƆD se: Trit ɔlman ikwali ɛn waka tret na PAPA GƆD in yay, ɛn pul di pɔsin we dɛn dɔn tif kɔmɔt na di wan we de sɔprɛs am in an. Nɔ trit fɔrina, pikin we in papa dɔn day ɛn uman we in man dɔn day, bad ɔ wit Vayolɛns, ɛn nɔ kil pɔsin we inosɛnt.

Jɛrimaya 44:3

fɔseka di wikɛd tin dɛm we dɛn du, tin dɛn we mek a vɛks, dat na we dɛn bin de bɔn insɛns ɛn sav ɔda gɔd dɛm we dɛn, una ɛn ivin una fɔstɛmpapa dɛm nɔ no.

Izikɛl 7:22

A go tɔn mi bak pan dɛn so dat dɛn go mek mi prɛshɔs ples nɔ gɛt rɛspɛkt igen; tifman dɛn go go insay de ɛn mek i lɔs rɛspɛkt,

Izikɛl 20:26

ɛn a bin dɔti dɛm na mi yay wit dɛn yon yon prɛzɛnt dɛm, dat na we a mek dɛn sakrifays ɔl dɛn fɔs pikin dɛn na faya, so dat dɛn go fred bad bad wan; a du so, so dat dɛn go no se na mi na PAPA GƆD.

Daniɛl 11:31

In ami dɛn go kam dɛsikret di tɛmpul ɛn di barik, ɛn go tap di bɔn sakrifays we nɔ de tap ɛn du tin we PAPA GƆD nɔ lɛk we go briŋ trɔbul.

Di Jɔj Dɛm 5:8

We Izrɛl pik nyu gɔd dɛn, wa fɔdɔm na Izrɛl, pan di fɔti tawzin man dɛn, nɔn dɛn nɔ si ol tin fɔ fɛt.

Di Sam Dɛm 106:38

Dɛn shɛd dɛn bɔypikin ɛn gyal pikin dɛn blɔd fɔ natin, we dɛn tek dɛn pul sara to dɛn tin we dɛn mek fɔ pre to na Kenan; dɛn mek di ples nɔ fit fɔ mek pɔsin wɔship PAPA GƆD de bikɔs ɔf di blɔd dɛn we wes.

Izikɛl 8:11

Sɛvinti bigman na Izrɛl bin tinap bifo dɛn tin ya, ɛn Jeazanaya we na Shafan in bɔypikin, insɛf bin tinap de. Ɔlman bin ol wan smɔl pɔt nain an we i bin de bɔn insɛns, ɛn di insɛns in smok bin de go ɔp.