Jɛrimaya 19:15 - Krio Fɔs Oli Baybul

¹⁵ “Na dis PAPA GƆD Ɔlmayti we na Izrɛl dɛn Gɔd se, A de briŋ ɔl di bad bad tin dɛn we a bin dɔn se go apin, pan dis siti ɛn ɔl in tɔŋ dɛm, bikɔs dɛn dɔn traŋayes bad bad wan ɛn nɔ gri yɛri mi wɔd.”

Jɛrimaya 19:15 Referans Kwoze

Jɛrimaya 7:26

pan ɔl dat, dɛn nɔ yɛri mi wɔd ɔ pe atɛnshɔn to mi, bɔt dɛn kɔk dɛn yes. Dɛn du wɔs tin pas dɛn fɔstɛmpapa dɛm.

Jɛrimaya 17:23

Pan ɔl dat, dɛn nɔ lisin ɔ pe atɛnshɔn to mi, bɔt dɛn mekɔp dɛn maynd so dat dɛn no go yɛri fɔ tek wetin a se dɛn fɔ du.

Nɛimaya 9:29

Yu wɔn dɛn mek dɛn go bak ɛn du wetin de na di lɔ we yu gi dɛn, bɔt usay, dɛn traŋayes ɛn nɔ gri fɔ du wetin yu se. Dɛn sin ɛn nɔ gri biev lɛkɛ aw yu se. Yu se if mɔtalman biev lɛkɛ aw yu want, i go gɛt lɔŋ layf. Dɛn bin de mek traŋa at pan yu so dɛn nɔ ivin lisin we yu de tɔk to dɛn.

Nɛimaya 9:17

Dɛn nɔ gri fɔ yɛri wɔd, dɛn fɔgɛt bɔt di mirekul dɛn we yu ple fɔ dɛn. Dɛn bin so traŋayes dat dɛn fɛn rebɛl lida fɔ kɛr dɛn go bak go bi slev usay dɛn kɔmɔt. Bɔt yu na PAPA GƆD we gɛt sɔri at; Yu gud ɛn rɛdi fɔ fɔgiv. Yu nɔ gɛt shɔtat ɛn di lɛk we yu kin lɛk pɔsin kin tumɔs. Dat mek yu nɔ jɛs lɛf dɛn to dɛnsɛf.

Jɛrimaya 5:3

E PAPA GƆD, nɔto di tru yu de luk fɔ? Yu dɔn bit dɛm, bɔt dɛn nɔ fil pen; yu dɔn kil sɔm pan dɛm bɔt dɛn nɔ gri tek kɔrɛkshɔn. Dɛn dɔn mek dɛn fes dɛn traŋa pas rɔk; dɛn nɔ gri fɔ chenj.

Jɛrimaya 6:19

Yɛri o, yu ath, a de briŋ dizasta kam pan dɛn pipul ya, we na di pe we dɛn fɔ gɛt fɔ di wok we dɛn du, bikɔs dɛn nɔ yɛri mi wɔd; as fɔ mi lɔ dɛm, dɛn nɔ de obe dɛm sɛf.

Jɛrimaya 11:17

PAPA GƆD Ɔlmayti, we bin plant una, dɔn swɛ una, fɔseka di ivul tin we Izrɛl ɛn Juda dɔn du, we dɛn provok mi te a vɛks, we dɛn de bɔn insɛns to Beal.”

Jɛrimaya 19:3

Yu fɔ se, ‘Yɛri wetin PAPA GƆD se, una di kiŋ dɛn na Juda ɛn dɛn wan dɛm we tap na Jerusɛlɛm. Na dis PAPA GƆD Ɔlmayti, we na di Gɔd na Izrɛl se, Biliv mi, a go so mek bad bad tin mit una dat ɛnibɔdi we yɛri bɔt dat, in yes go trimbul.

Jɛrimaya 22:21

A bin tɔk to yu wɛn yu bin jɛntri, bɔt yu bin se, ‘A nɔ go lisin.’ Na so yu tan frɔm we yu yɔŋ, yu nɔ du wetin a se.

Jɛrimaya 36:31

A go pɔnish im ɛn in pikin dɛm ɛn in wokman dɛm fɔ dɛn sin; A go mek ɔl di bad bad tin dɛm we a bin dɔn se go mit dɛm we dɛn nɔ biliv, mit di wan dɛm we tap na Jerusɛlɛm, ɛn di man dɛn na Juda.’”

Jɛrimaya 11:11

Fɔseka dat, na dis PAPA GƆD se, A de briŋ ivul tin pan dɛm we dɛn nɔ go ebul pul dɛn ed kɔmɔt; ɔl we dɛn go kray to mi, A nɔ go lisin dɛm.

Jɛrimaya 13:11

Bikɔs, lɛk aw skintayt kin grip pɔsin wes, na semweso a bin mek di wanol Izrɛl ɛn di wanol Juda ol mi tayt, so dat dɛn go bi mi yon pipul dɛm, pipul dɛn we go mek nem fɔ mi, we go mek dɛn prez mi, we go mek a femɔs; bɔt usay, dɛn nɔ gri lisin to mi. Na so PAPA GƆD se.

Jɛrimaya 18:11

Fɔseka dat, tɛl di man dɛm na Juda ɛn dɛn wan dɛm we tap na Jerusɛlɛm se: “Na dis PAPA GƆD se, a de rɛdi fɔ du ivul tin agens una ɛn a de mek plan fɔ una. Lɛ ɔlman chenj kɔmɔt pan in ivul we, ɛn chenj aw una liv ɛn wetin una de du.

Jɛrimaya 25:3

I se, “Fɔ twɛnti tri ia, frɔm di ia we mek Josaya we na Amɔn in bɔypikin, tɔtin ia as kiŋ na Juda’ te to dis de, PAPA GƆD in wɔd dɔn kam to mi ɛn a dɔn kɔntinyu fɔ tɔk to una, bɔt una nɔ lisin.

Jɛrimaya 25:4

Una nɔ lisin ɛn una nɔ opin una yes fɔ yɛri, ɔlwe PAPA GƆD de sɛn ɔl in wokman dɛm, we na di prɔfɛt dɛm, to una ɔltɛm

Jɛrimaya 25:7

PAPA GƆD se, pan ɔl dat, una nɔ lisin to mi, so dat una go provok mi mek a vɛks wit wetin una an de du to una yon dɛtrimɛnt.

Jɛrimaya 25:8

“Fɔseka dat na dis PAPA GƆD Ɔlmayti se: Bikɔs una nɔ obe mi wɔd,

Lamɛnteshɔn 2:2

PAPA GƆD nɔ luk biɛn sɛf; i nyakanyaka ɔl di pipul dɛn we bin de na Juda; we i vɛks, i brok brok ɔl di barik dɛn na Juda; i dɔn disgres di kindɔm ɛn di wan dɛn we de rul.