Jɛrimaya 19:13 - Krio Fɔs Oli Baybul

¹³ Di os dɛm na Jerusɛlɛm ɛn di kiŋ dɛm na Juda dɛn os dɛm –ɔl di os dɛn we dɛn bin dɔn bɔn insɛns na dɛn ruf, to di san, mun ɛn sta dɛm, ɛn dɔn tɔn drink ɔfrin dɛm to ɔda gɔd dɛm – da os de go dɔti na mi yay lɛk Tɔfɛt, lɛkɛ dis ples Tɔfɛt.’”

Jɛrimaya 19:13 Referans Kwoze

Jɛrimaya 32:29

Di Babilonian dɛm we de fɛt dis siti go kam sɛt faya pan am, ɛn bɔn am, wit di os dɛm we dɛn dɔn bɔn insɛns na dɛn ruf to Beal, ɛn dɛn dɔn mek drink ɔfrin to ɔda gɔd dɛm, fɔr provok mi mek a vɛks.

2 Kiŋ 23:12

Josaya pul di ɔlta dɛn we di kiŋ dɛn na Juda bin dɔn bil pantap di ruf na Kiŋ Eab in kwata ɛn brok brok dɛn, dɔn i pul di ɔda ɔlta dɛn we Kiŋ Manasɛ bil na PAPA GƆD in os; i smash dɛn ɔl pispis ɛn trowe dɛn na Kidrɔn Vali.

Zɛfinaya 1:5

Ɛn dɛn ɔl we de klem go pantap dɛn os dɛn ruf fɔ wɔship dɛn tin dɛn we de ɔp klawd ɛn dɛn wan dɛn ɔl we de prɔmis am se dɛn go du wetin i want bɔt dɔn dɛn de swɛ bak to da fɔls gɔd we nem Molɛk.

Jɛrimaya 7:18

Di pikin dɛm de gɛda wud, di papa dɛn de layt faya, ɛn di uman dɛn de miks flawa mek do, fɔ mek kek fɔ di kwin ɔf ɛvin, ɛn de tɔn drink na grɔn de mek sakrifays to ɔda gɔd dɛm, fɔ provok mi mek a a go vɛks.

Ditarɔnɔmi 4:19

A advays dɛn igen se lɛ dɛn tek tɛm lɛ dɛn nɔ kɔle pan di san mun ɛn sta dɛn ɛn ɔl di ɔda tin dɛn we de ɔp na di skay te dɛn at kɔmɔt pan PAPA GƆD ɛn bigin wɔship dɛn. I se PAPA GƆD we na dɛn PAPA GƆD put dɛn ɔlsay na di wɔl fɔ ɔda pipul dɛn fɔ wɔship bɔt nɔto fɔ Izrɛl.

Jɛrimaya 44:18

Bɔt frɔm we wi lɛf fɔ bɔn insɛns to di Kwin na ɛvin ɛn lɛf fɔ tamisilɛ to am, naim wi nɔ de gɛt natin igen, ɛn wi bigin day na wa ɛn wit bad bad aŋri.”

Di Sam Dɛm 79:1

PAPA GƆD, wi ɛnimi dɛn dat na di ithɛn dɛn, dɔn atak wi we na yu yon pipul; dɛn dɔn so pwɛl yu os we oli dat i nɔ fit fɔ pipul fɔ go wɔship igen, dɛn dɔn mek Jerusɛlɛm usay di os de, fiba we ston dɔti mek payl.

Di Sam Dɛm 74:7

Dɛn bɔn yu os kam rayt dɔŋ dɛn mek di ples lɛ i nɔ fit fɔ mek yu pipul go wɔship yu igen

2 Kiŋ 23:10

Josaya pwɛl pwɛl Tɔfɛt we na de dɛn bin de wɔship lay lay gɔd na Inɔm Vali fɔ lɛ nɔbɔdi nɔ go de sakrifays in pikin de igen na faya to Molɛk.

Apɔsul Dɛn Wok 7:42

Dɛn, Gɔd tɔn in bak pan di Izrɛl pipul dɛn; i lɛf dɛn mek dɛn de pre to dɛn tin we de na ɛvin, lɛkɛ sta ɛn mun so, lɛkɛ aw dɛn rayt na da buk we dɛn prɔfɛt rayt, se ‘Una, dɛn Izrɛl pipul ya, di fɔti ia we una bin de na di dɛzat nɔto fɔ mi una kil dɛn bif ɛn sakrifays dɛn.

Izikɛl 20:28

Bikɔs we a bin dɔn briŋ dɛm kam na di land we a bin dɔn swɛ se a go gi dɛm, ɛnisay we dɛn si ay il ɔ tik we gɛt bɔku lif, na de dɛn kin go mek dɛn sakrifays dɛn, ɛn kin gi wetin go mek mi at wam. Na de dɛn swit sɛnt kin kɔmɔt kam ɔp, ɛn na de dɛn kin tɔn dɛn drink ɔfrin dɛm.

Jɛrimaya 52:13

I bɔn PAPA GƆD in os, i bɔn di kiŋ in os ɛn ɔl di os dɛm na Jerusɛlɛm; i bɔn ɔl dɛn big big os dɛm.

2 Kiŋ 23:14

I brok brok ɔl dɛn ston pila ɛn dɛn imej we dɛn bil fɔ Ashɛra. I kɔba ɔl dɛn tin we i dɔn pwɛl wit mɔtalman bonbon.

Apɔsul Dɛn Wok 10:9

Di ɔda de wɛn dɛn pipul ya bin de na rod de go ɛn dɛn bin dɔn rich klos Jɔpa, Saymɔn Pita go pantap di os we flat fɔ pre lɛkɛ aw dɛn Ju pipul kin du. Na bin santɛm.

2 Kiŋ 17:16

Dɛn lɛf fɔ du wetin PAPA GƆD tɛl dɛn fɔ du, bifo dat dɛn mek tu kaw lay lay gɔd ɛn wan ɔda wan lay lay gɔd we nem Ashɛra. Dɛn bigin fɔ wɔship ɔl dɛn lay lay gɔd ya ɛn dɛn sta wit Beal insɛf, dɛn se na dɛn gɔd dat.

Jɛrimaya 8:2

ɛn dɛn go prɛd dɛm bifo di san ɛn di mun, ɛn ɔl wetin de ɔp di klawd, we dɛn bin lɛk ɛn bin de sav, di tin dɛn we dɛn bin de rɔn afta, tin dɛn we dɛn bin de fɛn ɛn wɔship; dɛn nɔ go gɛda dɛm bɛr dɛm; dɛn go tan lɛk kaw tɔylɛt na grɔn.

Jɛrimaya 19:12

PAPA GƆD se, na so a go du na dis ples, ɛn to di pipul dɛm we tap de fɔ mek dis siti tan lɛkɛ Tɔfɛt.

Ayzaya 22:1

Wetin PAPA GƆD se bɔt di Vali ɔf Vishɔn. Wetin una min we una se una dɔn go ɔp, una ɔl dɔn go ɔp pantap di os dɛn,