Jɛrimaya 19:12 - Krio Fɔs Oli Baybul

¹² PAPA GƆD se, na so a go du na dis ples, ɛn to di pipul dɛm we tap de fɔ mek dis siti tan lɛkɛ Tɔfɛt.

Jɛrimaya 19:12 Referans Kwoze

Jɛrimaya 11:5

so dat a go du wetin a bin dɔn swɛ to una fɔstɛmpapa dɛn se a go du fɔ dɛm, dat na fɔ gi dɛn wan land we gud fɔ plant ɛn fɔ mɛn animal we dɛn gɛt so.” Nain a ansa se, “PAPA GƆD, lɛ i bi so.”

Jɛrimaya 10:13

Wɛn i pas kɔmand, di wata dɛn we de ɔp di klawd kin slap slap dɛnsɛf; ɛn i kin mek smok grap kɔmɔt na di las las pat dɛn na di wɔl. I mek laytin fɔseka ren, ɛn i briŋ briz kɔmɔt nain sto.

Jɛrimaya 19:11

ɛn yu go tɛl dɛm se, ‘Na dis PAPA GƆD Ɔlmayti se: Na so a go brok dɛn pipul ya ɛn dis siti, lɛkɛ we pɔsin de brok di tin we pɔta mek wit kle, so dat dɛn nɔ go ebul pach am igen. Pipul dɛn go de bɛr na Tɔfɛt, bikɔs nɔn ɔda say nɔ go de fɔ bɛr.’

Jɛrimaya 19:13

Di os dɛm na Jerusɛlɛm ɛn di kiŋ dɛm na Juda dɛn os dɛm –ɔl di os dɛn we dɛn bin dɔn bɔn insɛns na dɛn ruf, to di san, mun ɛn sta dɛm, ɛn dɔn tɔn drink ɔfrin dɛm to ɔda gɔd dɛm – da os de go dɔti na mi yay lɛk Tɔfɛt, lɛkɛ dis ples Tɔfɛt.’”