Jɛrimaya 19:11 - Krio Fɔs Oli Baybul

¹¹ ɛn yu go tɛl dɛm se, ‘Na dis PAPA GƆD Ɔlmayti se: Na so a go brok dɛn pipul ya ɛn dis siti, lɛkɛ we pɔsin de brok di tin we pɔta mek wit kle, so dat dɛn nɔ go ebul pach am igen. Pipul dɛn go de bɛr na Tɔfɛt, bikɔs nɔn ɔda say nɔ go de fɔ bɛr.’

Jɛrimaya 19:11 Referans Kwoze

Di Sam Dɛm 2:9

PAPA GƆD tɛl am se, i go mek i ol dɛn wit traŋa an ɛn nyamanyama dɛn lɛkɛ we kle pɔt skata.

Ayzaya 30:14

ɛn go brok go lɛk kle pɔt, we kin fɔdɔm brok pis pis somɔch dat, wan big pis sɛf nɔ de pan di broko wan dɛm, we yu go tek pul faya kɔmɔt na faya ples, ɔ tek wata na wata pɔt”

Lamɛnteshɔn 4:2

Zayɔn in yɔŋman dɛn we na dɛn bɔlyay, tan lɛk fayn gold to dɛn, na so dɛn si dɛn lɛk kɔntri pɔt we na dɛn man dɛn we de mek kle tin dɛn, mek dɛn!

Rɛvɛleshɔn 2:27

jɛs lɛkɛ we mi Papa dɔn gi misɛf pawa oba dɛn. Dɛn go tek lɔŋ ayɛn lɛkɛ di wan we chif de ol, rul oba dɛn neshɔn ya ɛn dɛn go skata dɛn pispis lɛkɛ kɔntri pɔt we pɔsin ib dɔŋ.

Jɛrimaya 13:14

PAPA GƆD se, “A go kech tu pɔsin baŋ dɛn pan dɛnsɛf; a go baŋ papa ɛn pikin. A nɔ go fil am fɔ nɔbɔdi, ɔ nɔ go lɛf nɔbɔdi ɔ a sɔri fɔ ɛnibɔdi, we go mek a nɔ dɔnawe wit am.”

Jɛrimaya 19:6

PAPA GƆD se, fɔseka dat, tɛm de kam we dɛn nɔ go kɔl dis ples Tɔfɛt, ɔ Inɔn in bɔypikin in vali Igen, bɔt dɛn go kɔl am di vali ɔf slɔta.

Apɔsul Dɛn Wok 21:11

I kam to wi, i tek Pɔl in bɛlt ɛn tay in yon tu an ɛn tu fut. I se, “Gɔd in Spirit se, ‘Na so dɛn Ju pipul na Jerusɛlɛm go tay di pɔsin we gɛt dis bɛlt ɛn dɛn go an am oba gi dɛn pipul we nɔto Ju.’”

Prɔvabs 6:15

Bɔt na big, big dombolo gɛt fɔ fɔdɔm pan dɛn we dɛn nɔ go mekɔp, ɛn dɛn go wund bad, bad wan.

Jɛrimaya 19:12

PAPA GƆD se, na so a go du na dis ples, ɛn to di pipul dɛm we tap de fɔ mek dis siti tan lɛkɛ Tɔfɛt.

Jɛrimaya 48:38

Natin nɔ de apin pantap ɔl di os dɛn na Moab ɛn na ɔl di opin ples dɛm pas sɔri sɔri siŋ; bikɔs a dɔn mek Moab tɔn lɛk tin we nɔbɔdi nɔ bisin bɔt. Na so PAPA GƆD se.

Jɛrimaya 51:63

Wɛn yu dɔn rid dis buk dɔn, tay wan ston pan am ɛn trowe am midul Riva Yufretis,

Jɛrimaya 25:34

“Una ala ɛn kray, una dɛn shɛpad dɛm, ɛn una rolpan asis una we gɛt di ship dɛm, bikɔs di de fɔ kil una ɛn skata una dɔn kam, ɛn yu go day lɛkɛ man ship we dɛn pik bikɔs i fat.