Jɛrimaya 18:8 - Krio Fɔs Oli Baybul

⁸ ɛn if da neshɔn de we a de tɔk bɔt chenj ɛn lɛf fɔ du bad, a go ripɛnt fɔseka di bad we a bin de plan fɔ du to dɛm.

Jɛrimaya 18:8 Referans Kwoze

Izikɛl 18:21

“Bɔt if wikɛd pɔsin chenj ɛn lɛf fɔ kɔmit sin, ɛn i kip ɔl mi lɔ dɛn, ɛn du wetin di lɔ se ɛn wetin rayt, fɔ tru tru i go liv; i nɔ go day.

Jɛrimaya 26:13

So fɔseka dat, una chenj una we ɛn di tin dɛn we una de du, ɛn du wetin PAPA GƆD we na una Gɔd se, dɔn PAPA GƆD nɔ go du di bad tin dɛn we i dɔn tɔk se i go du una.

Ozie 11:8

I tɔk se in nɔ go ebul fɔ givɔp pan Izrɛl ɛn in nɔ go lɛf Izrɛl to dɛnsɛf I se i nɔ go trit dɛn lɛk di pipul na Adma ɔ mek dɛn tan lɛk di wan dɛn na Zɛboim. In at nɔ go mek i du dat bikɔs i lɛk dɛn tumɔs.

Jɛrimaya 26:3

Sɔntɛm dɛn go lisin, ɛn ɔlman go lɛf dɛn ivul tin dɛn we dɛn de du, so dat a nɔ go du di bad bad tin we a bin dɔn plan fɔ du dɛm, fɔseka di ivul tin dɛn we dɛn de du.

Di Jɔj Dɛm 2:18

Ɛnitɛm we PAPA GƆD gi dɛn jɔj, PAPA GƆD kin de wit di jɔj; PAPA GƆD mek dɛn ɛnimi dɛn nɔ ebul dɛn ɔl di tɛn we jɔj dɛn bin de de, bikɔs i kin sɔri fɔ dɛn we dɛn kin de kray we dɛn ɛnimi dɛn kin de trit dɛn bad.

Di Sam Dɛm 106:45

bikɔs i wan ɛp dɛn, i mɛmba wetin i bin se nain Kɔvinant, ɛn bikɔs in lɔv nɔ de chenj, i chenj in maynd.

Di Sam Dɛm 135:14

PAPA GƆD go fɛt fɔ in pipul bikɔs i gɛt sɔri-at fɔ dɛn wan we de sav am.

Di Sam Dɛm 90:13

PAPA GƆD, aw lɔŋ yu go de vɛks pan wi nɔmɔ av masi pan wi naw.

2 Kronikuls 12:6

Nain di bigman dɛn na na Izrɛl ɛn di kiŋ put dɛnsɛf dɔŋ “PAPA GƆD raychɔs.”

Ditarɔnɔmi 32:36

PAPA GƆD go sev in pipul dɛn ɛn sɔri fɔ in wokman dɛm, we i si se dɛn pawa dɔn dɔn, ɛn nɔn pan di fribɔn ɔ slev nɔ de igen

Ɛksodɔs 32:12

I se if i nɔ du so di Ijipshian dɛn go se na bad nɔmɔ i bin mekɔp fɔ du dɛn we i pul dɛn kɔmɔt na Ijipt, i mekɔp fɔ kil dɛn ɛn lɛ wan pan dɛn nɔ lɛf na di wɔl. I beg PAPA GƆD se duya lɛ i kol in at ɛn chenj in maynd, lɛ i nɔ mek in pipul dɛn sɔfa.

Jona 4:2

I tɛl PAPA GƆD se i bin no se na dat PAPA GƆD go du so na dat bin mek in rɔnawe fɔ go Tashish. I se in no se PAPA GƆD gɛt sɔri-at bad, i nɔ de vɛks so, ɛn in lɔv nɔ de ɛva chenj ɛn so i nɔ lɛk fɔ du bad.

Izikɛl 33:13

Ivin do a se to di wan we de waka tret, dat i go liv fɔ tru tru, stil if i ɛng pan in tret we i de waka, dɔn i go du bad bad wikɛdnɛs, dɛn nɔ go mɛmba nɔn pan in gud dɛn, we i bin de waka tret; bɔt i go day pan di bad bad wikɛdnɛs we i dɔn du.

Izikɛl 33:11

Tɛl dɛn se, as a de livin, PAPA GƆD se, a nɔ de gladi wɛn di wikɛd day, bɔt a go gladi if di wikɛd chenj pan in we ɛn so i go liv; una tɔn bak, tɔn bak frɔm una ivil we dɛm; fɔ wetin fɔ mek una day, O Izrɛl pipul?

Jɛrimaya 42:10

I se: If una go kɔntinyu fɔ de na dis land, dat go mek a es una ɔp ɛn nɔ put una dɔŋ; a go plant una ɛn nɔ rut una; bikɔs a dɔn sɔri ɛn nɔ go du di bad bad tin we a bin wan du una, igen.

Jɛrimaya 36:3

Sɔntɛm Juda dɛn go yɛri bɔt ɔl di bad bad plan we a gɛt fɔ dɛm, so dat ɔlman go lɛf fɔ du ivul, ɛn a go fɔgiv dɛm fɔ dɛn wikɛdnɛs ɛn dɛn sin.”

Jɛrimaya 26:19

Ɛzikaya we na bin kiŋ na Juda ɛn ɔl di pipul dɛm na Juda bin kil am? I nɔ bin fred PAPA GƆD, ɛn beg PAPA GƆD fɔ sɔri fɔ am, ɛn PAPA GƆD nɔ bin rigrɛt ɛn nɔ du wetin i bin dɔn se i go du dɛm? Bɔt wi de rɛdi fɔ briŋ big big wuala pan wisɛf.”

Jɛrimaya 15:6

PAPA GƆD se, yu bin dɔn tɔn yu bak pan mi, ɛn yu bin jɛs de go biɛn; so a tek akshɔn agens yu ɛn nyakanyaka yu; – A nɔ go ebul sɔri fɔ una igen

Jɛrimaya 12:16

Dɔn, if dɛn go tek tɛm lan fɔ liv di we we mi pipul dɛn liv, fɔ tek mi nem swɛ se, ‘Wans PAPA GƆD de,’ lɛk aw dɛn bin lan mi pipul dɛm fɔ swɛ wit Beal in nem, na da tɛm de dɛn go ebul mek ɔp dɛnsɛf we dɛn de wit mi pipul dɛm.

Izikɛl 33:14

Efen, ivin do a se to di wikɛd, ‘yu go day fɔ tru tru’ stil if i chenj pan in wikɛdnɛs ɛn du wetin rayt ɛn wetin di lɔ se,

Ɛksodɔs 32:14

PAPA GƆD chenj in maynd ɛn nɔ pɔnish di pipul dɛn igen lɛkɛ aw i bin se.

Izikɛl 33:12

Ɛn yu, mɔtalman, tɔk to yu pipul se, di wan we de waka tret, in tret we i de waka nɔ go sev am wɛn i du bad; ɛn as fɔ di wikɛdnɛs we di wikɛd de du, i nɔ go fɔdɔm fɔseka di wikɛdnɛs, wɛn i go dɔn chenj pan am; ɛn di wan we de waka tret nɔ go ebul fɔ liv fɔseka aw i bin de waka tret fɔs tɛm, bifo i du wikɛdnɛs dɛm.

Emɔs 5:15

Una lɛf fɔ du bad, una du gud; una mek fia ple na kot, sɔntɛm da tɛm de PAPA GƆD, PAPA GƆD Ɔlmayti go sɔri fɔ di wan dɛn we lɛf pan di Izrɛlayt dɛn.