Jɛrimaya 18:21 - Krio Fɔs Oli Baybul

²¹ Fɔseka dat, gi yu pikin dɛm to bad bad aŋri; mek dɛn kil dɛm na wa, le dɛn wɛf dɛm tɔn uman dɛn we nɔ gɛt pikin, ɛn uman dɛn we dɛn man dɛn dɔn day, mek dɛn man dɛn mit day bay siknɛs, ɛn mek dɛn kil ɔl dɛn yɔŋ bɔbɔ dɛn na wa.

Jɛrimaya 18:21 Referans Kwoze

Emɔs 4:10

“A sɛn bɔku bɔku waala pan una lɛk aw a bin du na Ijipt. A mek una yɔŋman dɛn day na wa ɛn mek dɛn kapchɔ una ɔs dɛn. Dɔn a mek una kamp dɛn de smɛl wit soso dedebɔdi. Pan ɔl dat, una nɔ klɔk mi.

Lamɛnteshɔn 5:3

Wi dɔn bi pikin dɛn we nɔ gɛt mami ɛn dadi, wi nɔ gɛt papa; wi mama dɛn dɔn tɔn uman dɛn we dɛn man dɛn dɔn day.

Jɛrimaya 15:8

A dɔn mek di uman dɛn we dɛn man dɔn day dɔn plɛnti pas di sansan na si; a dɔn briŋ kilman kam sansantɛm kam kil kombra dɛn bɔypikin dɛn; A dɔn mek pen ɛn fred kam pan dɛm wantɛm wantɛm.

Jɛrimaya 9:21

Bikɔs, day dɔn pas na wi winda dɛm, kam insay wi kiŋ os dɛm, i dɔn mek wi pikin nɔ de go na trit ɛn mek di yɔŋbɔy dɛm nɔ de go midul tɔŋ igen

Ditarɔnɔmi 32:25

Wa go mek dɛn kil dɛn plɛnti, bad bad pipul dɛn go atak dɛn na dɛn os dɛn. Yɔŋ man ɛn uman dɛn go day yɔŋ bebi dɛn ɛn ol pipul dɛnsɛf go day.

Ɛksodɔs 22:24

mi at go wam, dɔn a go mek una day na wa. A go mek unasɛf yon wɛf dɛn man dɛn day, dɔn una pikin dɛnsɛf nɔ go gɛt papa.

Sɛkɛn Lɛta To Timoti 4:14

Alɛgzanda we na blaksmit du mi bad bad tin. Gɔd go pe am fɔ wetin i du.

Jɛrimaya 12:3

E PAPA GƆD, yu no mi; yu de si mi, ɛn yu kin tɛst fɔ no di kayn maynd we a gɛt fɔ yu. Pul dɛm kɔmɔt na do lɛk ship we dɛn de go kil, ɛn put dɛm wansay fɔ di de we dɛn kin kil dɛm.

2 Kronikuls 36:17

Fɔ seka dat i mek di Babilonian dɛn kiŋ kam fɛt dɛm. I kil dɛn yɔŋman dɛm wit sɔd insay dɛn oli ples. Ɛn i nɔ gɛt sɔri pan yɔŋ wan, ɔ vajin olpa i put dɛn ɔl nain an.

1 Samiɛl 15:33

Bɔt Samiɛl tɛl am se lɛk aw i dɔn kil bɔku pipul dɛn we mek dɛn mami nɔ gɛt pikin igen, na so insɛf yon mama nɔ go gɛt pikin igen ɛn Samiɛl kil Egag frɔnt PAPA GƆD na Gilgal.

Di Sam Dɛm 63:10

Dɛn go day na wa ɛn wayl animal go it dɛn bif.

Ayzaya 9:17

Na dat mek PAPA GƆD nɔ de gladi fɔ dɛn yɔŋ bɔy dɛn, ɛn i nɔ de sɔri fɔ di pikin dɛn we dɛn papa dɔn day ɛn di uman dɛn we dɛn man dɔn day; bikɔs dɛn ɔl nɔ sabi Gɔd ɛn na so so bad dɛn de du, ɛn na soso rɔbish dɛn de tɔk. Fɔseka ɔl dɛn tin ya, in at stil nɔ kol ɛn i stil de pɔnish dɛn.

Ayzaya 13:18

Dɛn bo dɛn go kil di yɔŋnam dɛm; dɛn nɔ go ivin sɔri sɛf fɔ di bebi we de nain mama bɛlɛ; dɛn nɔ go sɔri fɔ pikin sɛf.

Jɛrimaya 14:16

Ɛn dɛn go trowe di pipul dɛm we dɛn de prɔfisay to, midul trit na Jerusɛlɛm. Na aŋri ɛn wa go kil dɛm ɛn nɔbɔdi nɔ go bɛr dɛm– nɔbɔdi nɔ go de fɔ bɛr dɛm – dɛm, dɛn wɛf dɛm, dɛn bɔypikin dɛm ɛn dɛn gyal pikin dɛm. Bikɔs a go gi dɛn di pe fɔ dɛn wikɛdnɛs.

Jɛrimaya 15:7

A dɔn shifta dɛm wit shifta fɔk na di get na di land dɛm; A dɔn mek dɛn gɛt bɛrin, ɛn a dɔn nyakanyaka mi pipul dɛn; nɔ dɛn nɔ chenj.

Jɛrimaya 50:30

PAPA GƆD se, “Fɔseka dat, in yɔŋman dɛm go day na di opin ples dɛm, ɛn dɛn go kil ɔl in sojaman dɛm da de de.

Lamɛnteshɔn 1:15

PAPA GƆD nɔ tek ɔl mi ebi ebi sojaman dɛn mek natin, man dɛn we de wit mi; i gɛda man dɛn agens mi fɔ kil mi yɔŋman dɛn; PAPA GƆD dɔn nyakanyaka di vajingyal dɛn na Juda lɛk we dɛn kin mas mas greps usay dɛn de mek wayn.

Izikɛl 16:38

Ɛn a jɔj una lɛk aw dɛn kin jɔj uman dɛn we pwɛl mared, ɛn di wan we kil pɔsin, ɛn a go briŋ vɛksteshɔn ɛn jɛlɔs blɔd kan pan una.

Izikɛl 22:25

Di bigman na di kɔntri, tan lɛk we layɔn de ala we i de chɛr chɛr wetin i kech fɔ it; dɛn pwɛl mɔtalman dɛn layf; dɛn dɔn tek dɛn jɛntri ɛn dia dia tin dɛm; dɛn dɔn mek bɔku uman tɔn, dɛn we dɛn man dɛn dɔn day, insay de.

Di Sam Dɛm 63:11

Bɔt di kiŋ go gladi fɔ wetin PAPA GƆD du fɔ am; ɔl udat tek PAPA GƆD as witnɛs we i de mek prɔmis go prez PAPA GƆD; bɔt PAPA GƆD go lɔk ɔl dɛn bɛla dɛn mɔt.

Ayzaya 9:16

bikɔs di wan dɛn we de lid di pipul de lid dɛn astre, ɛn di wan dɛn we de fala dɛn kin kɔnfyus.