Jɛrimaya 18:18 - Krio Fɔs Oli Baybul

¹⁸ Nain dɛn se, “Una kam le wi mek plan agens Jɛrimaya, bikɔs wi nɔ go shɔt ɔf man we de mek sakrifays fɔ pipul sin fɔ tich wi di lɔ, ɛn sɛnsman dɛn fɔ gi wi sɛns, ɛn prɔfɛt dɛn fɔ tɛl wi PAPA GƆD in wɔd. Dɛn se, una kam lɛ wi tek wi mɔt bit am, ɛn lɛ wi nɔ tek natin we i de se siriɔs.

Jɛrimaya 18:18 Referans Kwoze

Di Sam Dɛm 52:2

Yu de pwɛl ɔda pipul wit yu mɔt we shap lɛk pɛn nɛf ɛn ful wit soso lay ɛn koŋosa.

Malakay 2:7

PAPA GƆD Ɔlmayti se, man we de mek sakrifays fɔ pipul sin fɔ de tɔk tin we go gi pipul sɛns, ɛn pipul fɔ de go to am fɔ advays.

Jɛrimaya 11:19

Bɔt mi na bin lɛk nays ship pikin we dɛn kɛr go fɔ go kil. A nɔ bin no se na bin agens mi dɛn bin dɔn mek plɔt, we dɛn de se, “Lɛ wit pwɛl pwɛl di tik wit in frut dɛm, lɛ wi kil am, so dat dɛn nɔ go mɛmba in nem igen.”

Jɛrimaya 18:11

Fɔseka dat, tɛl di man dɛm na Juda ɛn dɛn wan dɛm we tap na Jerusɛlɛm se: “Na dis PAPA GƆD se, a de rɛdi fɔ du ivul tin agens una ɛn a de mek plan fɔ una. Lɛ ɔlman chenj kɔmɔt pan in ivul we, ɛn chenj aw una liv ɛn wetin una de du.

Di Sam Dɛm 21:11

Pan ɔl we dɛn de plan fɔ du bad, ɛn dɛn de pan ɔlkayn rikishi gem, dɛn nɔ go shek yu,

Jɛrimaya 43:2

Azaraya, we na Hoshaya in bɔypikin ɛn Joanan we na Karera in bɔypikin ɛn ɔl di fityay man dɛm tɛl Jɛrimaya se, “Yu de lay. PAPA GƆD we na wi Gɔd nɔ sɛn yu fɔ kam tɛl wi se, ‘Una nɔ go Ijipt fɔ go tap de’;

Prɔvabs 18:21

Dis mɔt, nain de mek, nain de pwɛl; aw yu yuz am, na so yu go bɛnifit.

Di Sam Dɛm 64:3

Di wɔd na dɛn mɔt shap pas nɛf, dɛn wɔd dɛn tan lɛk pɔyzin we kin kil pɔsin

Di Sam Dɛm 57:4

A de midul dɛn layɔn ya; a lidɔm usay dɛn rɛdi fɔ chɛr chɛr mi. Dɛn tit dɛn fiba spia ɛn aro fɔ tek fɛt, ɛn dɛn siti dɛn shap lɛk nɛf ɔ sɔd.

Jɛrimaya 2:8

Di man dɛm we de mek sakrifays fɔ pipul sin nɔ bin aks se, ‘We PAPA GƆD?’ Dɛn wan dɛn we de andul di lɔ nɔ bin no mi; di rula dɛn sin agens mi; di prɔfɛt dɛn bin de prɔfisay se na Beal tɛl dɛn so, ɛn dɛn bin put at pan tin dɛn we nɔ go mek dɛn bɛtɛ.

Ayzaya 32:7

Di man dɛn we nɔ de waka tret, dɛn trik dɛn kin wikɛd, i kin plan wikɛd plan dɛn fɔ lay pan poman fɔ pwɛl am, pan ɔlwe di poman kin gɛt rayt.

Job 5:13

I de mek di wan dɛn we dig ol fɔ ɔda pɔsin, fɔdɔm insay di ol; ɛn wetin dɛn plan nɔ ol wata.

1 Kiŋ 22:24

Na de Zɛdikaya, dat na Kenaanain bɔypikin go nia Maykaya ɛn gi am payn nain fes ɛn aks am se usay PAPA GƆD in spirit pas we i lɛf in go to am go tɔk to am.

2 Samiɛl 17:14

Absalɔm ɛn ɔl di Izrɛlayt se Ushay we na Akayt in advays bɛtɛ pas Aitofɛl yon bikɔs PAPA GƆD insɛf bin want fɔ mek di gud advays we Aitofɛl gi tɔn bad as na dat go lɛ Absalɔm de pan trɔbul.

2 Samiɛl 15:31

Devid bin dɔn yɛri se Aitofɛl jɔyn Absalɔm pan di kuskas so i pre mek PAPA GƆD mek i gi Absalɔm fulish advays.

Lɛvitikɔs 10:11

i se dɛn fɔ ebul tich di Izrɛlayt dɛn ɔl di lɔ dɛn we PAPA GƆD dɔn gi Mozis fɔ tɛl dɛn.

Jɔn 9:40

Wɛn sɔm pan di Faresi dɛn we bin lib de yɛri we Jizɔs de tɔk dɛn wɔd ya, dɛn se, “Yuwant tɛl wi se wisɛf blɛn?”

Jɛrimaya 26:11

Nain di man dɛn we de mek sakrifays fɔ pipul sin ɛn di prɔfɛt dɛm tɛl di bigman dɛm ɛn ɔl di pipul dɛn se, “Dis man sɔpoz fɔ gɛt dɛt sɛntɛns, bikɔs i dɔn prɔfisay agens dis siti, as una bin dɔn yɛri wit una yon yes.”

Lyuk 11:45

Wan pan di Ju Lɔ ticha dɛn ansa Jizɔs se, “Masta, we yu tɔk so, yu dɔn blem wisɛf!”

Jɛrimaya 44:17

Bɔt wi go du ɔl wetin wi dɔn swɛ se wi go du, dat na fɔ bɔn insɛns to di Kwin na ɛvin ɛn fɔ tamisilɛ to am, lɛkɛ aw wi bin dɔn de du, wi ɛn wi fɔstɛmpapa dɛm, wi kiŋ dɛm ɛn wi bigman dɛm, na di siti dɛn na Juda ɛn na di trit dɛm na Jerusɛlɛm; bikɔs dɛn tɛm dɛn de, wi bin gɛt plɛnti it, ɛn bɛtɛ bin de fala wi ɛn nɔn bad tin nɔ bin de apin to wi.

Jɛrimaya 8:8

‘Aw una go se, ‘wi gɛt sɛns, ɛn PAPA GƆD in lɔ de to wi?’ A de tɛl una, dɛn sɛktri dɛn lay lay pɛn dɛn dɔn mek i dɔn tɔn to lay lay.

Jɛrimaya 18:19

Lisin to mi, duya PAPA GƆD, ɛn yɛri di beg we a de beg yu.

Jɛrimaya 20:10

Bikɔs a de yɛri bɔku bɔku sumu sumu. Fred fred de ɔlɔbɔt! “Pul am kɔmɔt na yu at! Lɛ wi pul am kɔmɔt na yu at! Na so ɔl mi tayt padi dɛn de se, de wach fɔ mi dawnfɔl. ‘Sɔntɛnde, wi go ebul disiv am, datɛnde, wi go gɛt am to wetin wi want, ɛn rivɛnj pan am.”

Jɛrimaya 37:13

Wɛn i rich na Bɛnjamin Get, di bigman pan di sikyɔriti we nam Irija we na Shɛlɛmaya in bɔypikin ɛn Ananaya in grampikin, arɛst Jɛrimaya we na prɔfɛt, se, “Yu de rɔnawe fɔ go oba to di Babilonian dɛm,”

Izikɛl 7:26

Bad bad trɔbul ɛn sɔfrin pan bad bad trɔbul ɛn sɔfrin, dɛn se, go fala dɛn se; dɛn de aks di prɔfɛt fɔ vishɔn, bɔt di lɔ day bikɔs di man we de mek sakrifays fɔ pipul sin, nɔ de tich di pipul dɛn, ɛn di bigman dɛn nɔ de advays.

2 Kronikuls 24:21

Bɔt dɛn tay bagin fɔ am, ɛn di kiŋ gi kɔmand fɔ lɛ dɛn ston am insay di yad na PAPA GƆD in os.

Jɛrimaya 1:19

PAPA GƆD se, dɛn go fɛt yu; bɔt dɛn nɔ go ebul yu, bikɔs a de wit yu fɔ fɛt fɔ yu.

Jɛrimaya 44:16

“As fɔ wetin yu dɔn tɛl wi se PAPA GƆD se fɔ tɛl wi, wi nɔ go lisin to yu.

Lamɛnteshɔn 3:62

Ol de, na mi di wan dɛn we wan kil mi de tɔk bɔt ɛn plan fɔ.

Mayka 3:6

PAPA GƆD se fɔseka dat, dɛn dɔn rich dɛn Watalo bikɔs dɛn nɔ go si ɛni vishɔn we go mek dɛn lay gi pipul

Mayka 3:7

ɛn PAPA GƆD nɔ go ansa natin we dɛn aks fɔ.