Jɛrimaya 18:17 - Krio Fɔs Oli Baybul

¹⁷ A go skata dɛm lɛkɛ di briz we de blo kɔmɔt na di ist bifo dɛn ɛnimi dɛn. A go sho dɛm mi bak, nɔto mi fes, da de we dɛn kalamiti go mit dɛm.”

Jɛrimaya 18:17 Referans Kwoze

Jɛrimaya 13:24

A go skata una lɛk chaf chaf we briz we kɔmɔt na ɛmti ples we pɔsin nɔ go ebul tap, de blo.

Jɛrimaya 2:27

we de tɔk to tik se, ‘Yu na mi papa,’ ɛn to ston se, ‘Na yu mek a de bɔn.’ Bikɔs dɛn dɔn tɔn dɛm bak pan mi, nɔto dɛn fes. Bɔt we dɛn kin gɛt trɔbul, dɛn kin de se, ‘Duya sev wi!’

Ozie 13:15

I se pan ɔl we nain go kɔmɔt fayn pan ɔl in brɔda dɛn, PAPA GƆD go mek briz kɔmɔt Ist na di ɛmti land we pɔsin nɔ go ebul tap ɛn di briz go dray ɔl dɛn de gɛda wata ɛn dɛn ol we wata kin bɔs, i go ivin mek ɔl wetin i bin dɔn gɛda dɔn.

Di Sam Dɛm 48:7

Yu nyakanyaka dɛn lɛkɛ aw dɛn traŋa briz kin ambɔg dɛn big ship.

Job 27:21

Da briz we de kɔmɔt na di ist go tot am ɛn i dɔn go; i swip am kɔmɔt nain os.

Jɛrimaya 46:21

Ivin in soja dɛm we dɛn aya we de wit am, na lɛk fat fat kaw pikin; bɔt usay, dɛn dɔn tɔn ɛn rɔnawe togɛda, dɛn nɔ tinap; bikɔs di de ɔf kalamiti, dɔn kam pan dɛm, di tɛm fɔ dɛn pɔnishmɛnt.

Jɛrimaya 32:33

Dɛn nɔ tɔn dɛn fes to mi, na dɛn bak dɛn tɔn to mi; ɛn ɔlwe a de tich dɛm a nɔ de taya, dɛn nɔ lisin fɔ mek dɛn lan.

Ditarɔnɔmi 32:35

Na mi gɛt rivɛnj ɛn na mi de pe pipul fɔ dɛn gud wok, fɔ di tɛm we dɛn go sket fɔdɔm; bikɔs di tɛm fɔ dɛn waala dɔn de rich, ɛn dɛn alaki wande kam lɛk briz.

Ditarɔnɔmi 31:17

PAPA GƆD tɛl am se, in go vɛks pan dɛn ɛn go nyakanyaka dɛn; bad bad tin dɛn go so mit dɛn, dat dɛn go aks dɛnsɛf se, if nɔto bikɔs PAPA GƆD nɔ de wit dɛn igen mek dɛn kayn bad tin dɛn de de mit dɛn.

Ditarɔnɔmi 28:64

I tɛl dɛn se PAPA GƆD go skata dɛn ɔlsay na di wɔl, ɛn na de dɛn go wɔship dɛn tik ɛn ston gɔd dɛn, we dɛn ɛn dɛn fɔstɛm-papa dɛn nɔ ɛva no.

Ditarɔnɔmi 28:25

PAPA GƆD go mek dɛn ɛnimi dɛn bit dɛn bad bad wan ɛnitɛm we dɛn atak dɛn. We dɛn go na batul fil, na rɔnawe dɛn go de rɔnawe ɛn skata ɔlɔbɔt. Di wanol wɔl go fred we dɛn go si wetin de apin to dɛn.

Prɔvabs 24:16

i lɛk ɔmɔs tɛm pɔsin we de waka tret na PAPA GƆD in yay fɔdɔm i de grap bak, bɔt wɛn bad pɔsin fɔdɔm, i nɔ de ɛva grap.

Izikɛl 7:22

A go tɔn mi bak pan dɛn so dat dɛn go mek mi prɛshɔs ples nɔ gɛt rɛspɛkt igen; tifman dɛn go go insay de ɛn mek i lɔs rɛspɛkt,

Izikɛl 27:26

Yu padulman dɛm dɔn briŋ kam midul midul di si. Di briz we de kɔmɔt na di ist dɔn rɛk yu midul midul di si.