Jɛrimaya 18:16 - Krio Fɔs Oli Baybul

¹⁶ ɛn dɔn mek dɛn land ples fɔ fred, tin fɔ sɔktik pan sote go. Ɛnibɔdi we pas nia de kin fred ɛn kin shek dɛn ed.

Jɛrimaya 18:16 Referans Kwoze

Di Sam Dɛm 22:7

We dɛn ɔl si mi, dɛn de provok mi; ɛn tek mi mek rederaun dɛn de pul int pan mi ɛn shumɔ pan mi;

Jɛrimaya 25:9

biliv mi, a go sɛn fɔ ɔl di trayb dɛn we de na di nɔt, ɛn fɔ mi wokman Nɛbyukadnɛza we na kiŋ na Babilɔn, ɛn a go mek dɛn atak dis land ɛn di pipul dɛm we tap de, ɛn ɔl di neshɔn dɛm we de rawnd am; a go nyakanyaka dɛm kpatakpata ɛn mek dɛn tɔn tin fɔ fred, fɔ sɔktit ɛn pipul go shem fɔ de wit dɛm, sote go.

Jɛrimaya 19:8

Ɛn a go mek dis siti tɔn ples fɔ fred, ples we dɛn go de sɔktit pan; ɔlman we de pas nia de go fred ɛn sɔktit bikɔs ɔf ɔl di bad bad tin dɛn we dɔn mit dɛm.

Matyu 27:39

Di pipul dɛn we bin de pas klos de, shek dɛn ed pan am ɛn laf am.

Mayka 6:16

Ɔl dis go bi bikɔs una fala wetin Omri de du ɛn ɔl di bad we Eab sɛf de du; ɛn bikɔs ɔf dat, a go mek dɛn ɔda pipul dɛn sɔktit we dɛn si una bikɔs una go dɔn alaki.”

Jɛrimaya 50:13

Fɔseka di vɛks we PAPA GƆD vɛks, nɔbɔdi nɔ go tap de bɔt i go tɔn gud fɔ natin ples to di bakbon; ɔl udat pas nia Babilɔn go wɔnda ɛn sɔktit, fɔseka di we we i pwɛl.

Jɛrimaya 49:13

PAPA GƆD se, Bikɔs a dɔn swɛ to misɛf se Bozra go tɔn ples fɔ fred, fɔ provok, gud fɔ natin ɛn ples fɔ tek swɛ; ɛn ɔl in siti dɛn go tɔn gud fɔ natin ples sote got.”

1 Kiŋ 9:8

Dis os go tɔn to ɔdinari dɔti. Ɛnibɔdi we si am go sɔprayz ɛn sɔktit: dɛn go de wɔnda wetindu PAPA GƆD du dis kanaba tin to di kɔntri ɛn di os.

Mak 15:29

Di pipul dɛn we bin de pas bin de shek dɛn ed ɛn ala pan Jizɔs. Dɛn se, “A min yu bin se yu go brok Gɔd in Os, ɛn yu go tek tri de fɔ bil am bak.

Ayzaya 37:22

na dis PAPA GƆD bin se bɔt am: “ ‘I nɔ rɛspɛkt yu, i de laf yu- di vajin gyal na Zayɔn; i de de shumu pan yu- we na Jerusɛlɛm in gyal pikin.

Izikɛl 12:19

ɛn tɔk bɔt di pipul dɛn na di land se, Na so Papa Gɔd we na Gɔd se bɔt di pipul dɛn we tap na Jerusɛlɛm na Izrɛl; dɛn go it dɛn bred wit fred fred, ɛn dɛn go drink wata wit pwɛl at, bikɔs dɛn go tek klia ɔltin kɔmɔt na di kɔntri, fɔseka ɔl di fɛt fɛt we di wan dɛn we tap de, de fɛt.

Izikɛl 6:14

Ɛn a go pɔnish dɛm ɛn mek dɛn land ɛmti ɛn dray ɔl usay dɛn tap, frɔm di ɛmti land we pɔsin nɔ ebul tap, te rich Ribla. Na da tɛn dɛn go no se, na mi na PAPA GƆD.

Jɛrimaya 9:11

A go mek Jerusɛlɛm broko broko ples we ɔltin pak pantap in kɔmpin, ples we na so so Jakal tap; di siti dɛn na Juda go tɔn ɛmti ples we pɔsin nɔ go ebul tap, ples we anch sɛf nɔ de.”

Ayzaya 6:11

Nain a tɔk se, “E PAPA GƆD aw lɔŋ?” Nain I se, “sote di siti dɛn ɔl lɛf ɛmti ɛn pɔsin dɛn nɔ tap de, ɛn nɔbɔdi nɔ tap na di os dɛm, ɛn nɔbɔdi nɔ tap na di land,

Di Sam Dɛm 44:14

Yu dɔn gi pipul na ɔda kɔntri dɛn tɔk fɔ tɔk; we dɛn de pas, na shumɔ nɔmɔ dɛn de shumɔ pan wi.

Ditarɔnɔmi 29:23

we sɔlfa ɛn sɔl go mek di ples dɛn we dɛn fɔ plant nɔ gud fɔ plant. I go tan lɛkɛ Sɔdɔm ɛn Gɔmɔra, ɛn lɛkɛ Adma ɛn Zɛboli we PAPA GƆD bin bɔn we i bin vɛks bad bad wan.

Ditarɔnɔmi 28:59

PAPA GƆD go mek bad bad siknɛs dɛn we nɔ de mɛn kech dɛn ɛn dɛn pikin dɛn we nɔ bɔn yet.

Lɛvitikɔs 26:43

Bɔt di pipul go gɛt fɔ lɛf di land mek i blo di blo we dɛn bin fɔ mek i blo di sɛvin ia we i bin fɔ blo bikɔs PAPA GƆD go dɔn pwɛl am kpatakpata; ɛn dɛn go aksɛpt di pɔnishmɛnt fɔ dɛn sin dɛn we na bikɔs dɛn nɔ bin bisin bɔt in lɔ dɛn.

Lɛvitikɔs 26:32

I se in go so nyamanyama di land dat dɛn ɛnimi dɛn we bin dɔn go tap de bay fos go wɔnda.

Di Sam Dɛm 109:25

Ɔl mi ɛnimi dɛn de shumɔ pan mi; we dɛn de si mi, dɛn de pini.

Jɛrimaya 42:18

“Bikɔs na dis PAPA GƆD Ɔlmayti we na Izrɛl dɛn Gɔd, se: lɛkɛ aw A kin mi put mi vɛksteshɔn ɛn mi wam at pan di wan dɛm we tap na Jerusɛlɛm, na semweso a go pul mi wan at pan una we una go na Ijipt. Dɛn go et una bad bad wan. Dɛn go fred, swɛ, kɔs ɛn provok una. Una nɔ go si dis ples igen.

Jɛrimaya 44:12

A go kech di balans wan dɛm we lɛf na Juda we dɛnsɛf de mekɔp fɔ go Ijipt, ɛn dɛn ɔl go day; na Ijipt dɛn go day; dɛn go day na wa ɔ wit bad bad aŋri; frɔm di las wan to di wan we gɛt pawa pas dɛn ɔl, go day na wa ɛn wit bad bad aŋri; dɛn go tɔn tin we at fɔ luk, pipul dɛn go trit dɛn lɛk dɔg ɛn go tek dɛn nem fɔ swɛ ɛn go provok dɛm.

Jɛrimaya 48:27

Izrɛl nɔto bin ridikul to yu? Dɛn bin kech am wit tifman dɛm we mek ɛnitɛm una de tɔk bɔt am, una de shek una ed?

Jɛrimaya 49:17

“Idɔm go tɔn ples fɔ fred; ɔlman we go pas go fred, ɛn dɛn go sɔktit fɔseka di kayn dizasta we mit dɛm.

Lamɛnteshɔn 1:12

“I nɔ min natin to una, una dɛn pipul dɛn we de pas? Luk mi ɛn si if yu dɔn si pɔsin sɔfa so wande lɛk di kayn sɔfa we dɛn mek a de sɔfa, we PAPA GƆD put pan mi di de we i bin vɛks bad bad wan.

Izikɛl 27:36

Di makit man dɛm, pan di pipul, de sɔktit pan yu; yu ɛndin dɔn kan bin wan we de mek yu fred bad bad ɛn yu nɔ go de igen igen fɔrɛva ɛn ɛva.

Izikɛl 36:3

fɔseka dis, prɔfisay ɛn se, na dis PAPA GƆD se: bikɔs, yɛs, bikɔs dɛn mek una ɛmti, natin ɛn nɔbɔdi nɔ de de, ɛn so kwis una ɔlsay dat una blant di balans neshɔn dɛm, ɛn una kam bi udat dɛn de tɔk bɔt ɛn di ivul kongosa we di pipul de kongosa;

2 Kronikuls 29:8

Fɔseka dat, PAPA GƆD in vɛksteshɔn mit Juda ɛn Jerusɛlɛm ɛn i dɔn mek dɛn tin fɔ fred, tin fɔ shɔk pɔsin we yu si am, ɛn fɔ sɔktit, as unasɛf dɔn si wit una yon yay.

Jɛrimaya 29:18

A go mek wa, bad bad aŋri ɛn siknɛs de biɛn dɛm, ɛn a go mek dɛn pipul fɔ fred na ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go,

Jɛrimaya 51:37

ɛn Babilɔn go tɔn ruin payl, we dɛn Jakal dɛn go de ɔltɛm, ples we pipul go fred ɛn de sɔktit, ɛn we nɔbɔdi nɔ tap.

Jɛrimaya 51:43

Wetin apin to in siti dɛm de mek pipul fred, ɛn i dɔn tɔn land we wata nɔ de, ɛn ɛmti ples we pɔsin nɔ go ebul tap, ples we nɔn mɔtalman nɔ de pas.