Jɛrimaya 18:15 - Krio Fɔs Oli Baybul

¹⁵ Bɔt mi pipul dɛm dɔn fɔgɛt bɔt mi, dɛn de bɔn insɛns fɔ dɛn lay lay gɔd; dɛn dɔn bɔk fut na di rod dɛn we dɛn de fala we na di ol rod dɛm, ɛn dɛn dɔn lɛf di men rod, go waka na dɛn yad rod,

Jɛrimaya 18:15 Referans Kwoze

Jɛrimaya 6:16

Na dis PAPA GƆD se, “Una go tinap na forod ɛn wach, una aks fɔ dɛn ol rod, usay di gud rod de; ɛn una waka de, ɛn fɛn kolat fɔ una sol. Bɔt dɛn se, ‘we nɔ go waka de.’

Ozie 11:2

I se, di mɔ we i de drɔ dɛn to insɛf, na di mɔ dɛn de rɔn kɔmɔt frɔm am; dɛn de fɔ de mek sakrifays to di Beal dɛn; ɛn bɔn insɛns to di gɔd dɛn we dɛn mek.

Jɛrimaya 2:32

Uman we nɔ mared yet go fɔgɛt in riŋ chen ɛn baŋuls dɛn, ɔ yawo go fɔgɛt in mared klos? Bɔt mi pipul dɛn dɔn fɔgɛt bɔt mi lɔlɔntɛm.

Ayzaya 57:14

Ɛn dɛn go se, “Bil am, yɛs, bil am, rɛdi di rod, pul ɔltin we de blɔk dɛm kɔmɔt usay mi pipul dɛn fɔ pas.”

Malakay 2:8

I se bɔt di man dɛn we de mek sakrifays fɔ pipul sin, dɔn lɛf wetin dɛn fɔ du, dɛn dɔn lɛ pipul dɛn rɔŋ PAPA GƆD wit dɛn advays, ɛn dɔn nɔnsɛns di Kɔvinant we Livay bin mek.

Jɛrimaya 2:13

bikɔs mi pipul dɛn dɔn du tu bad bad tin; dɛn dɔn fɔsek mi, we na di say we wata we de gi layf de kɔmɔt, ɛn dɛn dɔn dig wɛl dɛm fɔ dɛnsɛf, wɛl dɛn we broko broko we nɔ de ol wata.

Jɛrimaya 17:13

E PAPA GƆD we Izrɛl abop pan, ɔl udat fɔsek yu go shem; dɛn wan dɛm we tɔn bak pan yu, dɛn go rayt bɔt dɛm na wɔl, bikɔs dɛn fɔsek PAPA GƆD we na di fawnten we de gi wata we de gi layf.

Jɛrimaya 10:15

Dɛn yuslɛs, ɛn na imajin dɛn imajin da kayn tin de; di tɛm we dɛn go gɛt dɛn pɔnishmɛnt, dɛn go day.

Ayzaya 41:29

A de tɛl yu, dɛn ɔl na laylay; dɛn nɔ ebul du natin; dɛn laylay gɔd dɛm na lɛk ɛmti briz.

Matyu 15:6

una se da pɔsin de nɔ bawn fɔ gi in papa di tin fɔ ɛp am. Dat sho se una dɔn lɛf fɔ du wetin Gɔd se, una jɛs de du wetin una grampapa papa dɛn lan una.

Ozie 2:13

A go mek i sɔfa fɔ dɛn tɛm we i de mek gladi-gladi fɔ Beal we kin mek i bɔn insɛns to am ɛn drɛs wit riŋ ɛn ɔda aŋins ɛn shekins, go mit in man dɛn ɛn fɔgɛt bɔt mi. Na so PAPA GƆD se.

Jɛrimaya 16:19

E PAPA GƆD, we de gi mi trɛnk ɛn we de protɛkt mi, yu we de kɔba mi we a gɛt trɔbul, na to yu di neshɔn dɛn go kam we go kɔmɔt ɔlsay kan tɔk se: “Dɛn nɔ lɛf natin gi wi fɔstɛmpapa dɛm pas lay lay, wɔtlɛs tin dɛm we nɔ go min natin to dɛm.

Jɛrimaya 13:25

PAPA GƆD se na so i fɔ bi to una, dis na una pɔshɔn we a dɔn mɛnshɔ fɔ una, bikɔs yu dɔn fɔgɛt bɔt mi, ɛn de biliv pan lay lay.

Jɛrimaya 3:21

Yu yɛri wan vɔys na ɛmti il, we Izrɛl in bɔypikin dɛn de kray ɛn beg, bikɔs dɛn kɔrɔpt, dɛn dɔn fɔgɛt PAPA GƆD we na dɛn Gɔd.

Lɛta Fɔ Rom 14:21

Di rayt tin we una fɔ du, nain dis: una nɔ fɔ it bif, ɔ drink wayn, ɔ du ɛni ɔda tin we go mek una kɔmpin Kristiɛn sin.

Jɛrimaya 44:25

Na dis PAPA GƆD Ɔlmayti we na Izrɛl dɛn Gɔd se: Una ɛn una wɛf dɛm dɔn tɔk wit una yon mɔt dɛn, ɛn una dɔn du am wit una yon an dɛm we una se, ‘Wi go du ɔl wetin wi dɔn swɛ se wi go du, dat na fɔ bɔn insɛns to di Kwin na ɛvin ɛn fɔ tamisilɛ to am.’ So una kip to una prɔmis ɛn du wetin una prɔmis!

Jɛrimaya 19:5

ɛn dɛn dɔn bil Beal ɔlta dɛm fɔ bɔn dɛn bɔypikin dɛm insay di faya as sakrifays we dɛn de bɔn na faya, to Beal, we a nɔ kɔmand dɛm ɔ ɔda dɛm fɔ du, ɛn i nɔ bin ivin krɔs mi maynd;

Ayzaya 62:10

Pas go, pas na di get go, rɛdi di rod fɔ di pipul dɛn; una bil di men rod, una bil am, klia di ston ston dɛm kɔmɔt pan am, es bana ɔp oba di pipul dɛm.

Ayzaya 9:16

bikɔs di wan dɛn we de lid di pipul de lid dɛn astre, ɛn di wan dɛn we de fala dɛn kin kɔnfyus.

Ayzaya 3:12

Mi pipul dɛn na pikin dɛn de mek mi pipul dɛn sɔfa so, ɛn na uman dɛn de rul dɛm. E mi pipul dɛm, na una lida dɛn de mislid una ɛn miks ɔp di rod we una fɔ pas na layf.

Jɛrimaya 2:19

PAPA GƆD Ɔlmayti se, una wikɛdnɛs go pɔnish una, ɛn di fɔsek we una fɔsek mi go jɔj una. Una no ɛn si se na bad bad ɛn bita tin fɔ una fɔ fɔsek PAPA GƆD we na una Gɔd; una nɔ rɛspɛkt mi wan.

Ayzaya 65:7

dɛn sin ɛn dɛn papa dɛn sin togɛda, bikɔs dɛn bɔn insɛns na dɛn mawnten ɛn fityay mi na dɛn il, A go mɛnshɔ di pe fɔ di tin dɛn we dɛn bin dɔn du put na dɛn buzɔm. Na so PAPA GƆD se.

Jɛrimaya 7:9

Una go tif, kil pɔsin, kɔmit adɔltri, swɛ fɔ natin, bɔn insɛns to Beal, ɛn wɔship ɔda gɔd dɛm we una nɔ bin no,

Jɛrimaya 18:14

Di sno na Libanɔn, de lɛf di stip rɔf rɔk dɛm we de na Siriɔn? Di watasay dɛn na dɛn mawnten dɛn de dray dɛn kol watasay dɛm we de rɔn?

Jɛrimaya 51:18

Dɛn nɔ min natin, ɛn dɛn na lay lay; dɛn go nyakanyaka dɛm we di tɛm kam fɔ pɔnish di pipul dɛm.

Izikɛl 21:15

so dat dɛn at dɛn go pwɛl, ɛn bɔku go day na ɔl dɛn get dɛm. A dɔn gi di sɔd we de shayn; o ya, dɛn dɔn mek am lɛk laytin, dɛn dɔn pɔlish am fɔ kil.

Izikɛl 36:15

ɛn a nɔ go mek una yɛri igen igen di neshɔn dɛn kɔmplen, kɔmplen; ɛn una nɔ go bia di pipul dɛn disgres igen igen, ɛn nɔ mek una neshɔn bɔk in fut igen igen, PAPA GƆD tɔk se.

Ozie 2:6

So naw, a go de wach am, a go lɔk am na os ɛn put babwaya na di fɛnch, so dat i nɔ go ebul kɔmɔt na do.

Ditarɔnɔmi 32:21

Dɛn mek PAPA GƆD vɛks bikɔs dɛn de wɔship lay lay gɔd, dɛn mek i jɛlɔs bikɔs dɛn gɔd dɛn nɔto gɔd dɛn. So i go drɔ ɔda pipul dɛn we nɔ bɛtɛ kam nia am so dat Izrɛl go vɛks, dɛn go jɛlɔs.

Nɛimaya 9:17

Dɛn nɔ gri fɔ yɛri wɔd, dɛn fɔgɛt bɔt di mirekul dɛn we yu ple fɔ dɛn. Dɛn bin so traŋayes dat dɛn fɛn rebɛl lida fɔ kɛr dɛn go bak go bi slev usay dɛn kɔmɔt. Bɔt yu na PAPA GƆD we gɛt sɔri at; Yu gud ɛn rɛdi fɔ fɔgiv. Yu nɔ gɛt shɔtat ɛn di lɛk we yu kin lɛk pɔsin kin tumɔs. Dat mek yu nɔ jɛs lɛf dɛn to dɛnsɛf.

Jɛrimaya 1:16

Ɛn a go pas mi jɔjmɛnt agens dɛm, fɔ ɔl dɛn wikɛdnɛs we dɛn fɔseka mi; dɛn dɔn bɔn insɛns to dɛn ɔda gɔd dɛm, ɛn wɔship di tin dɛn we dɛn mek wit dɛn yon an.

Jɛrimaya 11:12

Da tɛm de, di siti dɛm na Juda ɛn di wan dɛm we tap na Jerusɛlɛm, go go ɛn kray to di gɔd dɛm we dɛn bin de bɔn insɛns to, bɔt dɛn nɔ go ebul sev dɛm we trɔbul mit dɛm.

Jɛrimaya 11:13

Bikɔs una gɔd dɛm dɔn bɔku lɛkɛ aw una siti dɛm dɛn bɔku, Yu Juda; ɛn lɛkɛ aw di trit dɛm bɔku na Jerusɛlɛm, na semweso di ɔlta dɛm we una dɔn bil we shemful, dɛnsɛf bɔku; ɔlta dɛn fɔ bɔn insɛns to Beal.

Jɛrimaya 11:17

PAPA GƆD Ɔlmayti, we bin plant una, dɔn swɛ una, fɔseka di ivul tin we Izrɛl ɛn Juda dɔn du, we dɛn provok mi te a vɛks, we dɛn de bɔn insɛns to Beal.”