Jɛrimaya 18:12 - Krio Fɔs Oli Baybul

¹² “Bɔt dɛn se, ‘Dat na fɔ natin! Wi go du wetin wi dɔn plan ɛn ɔlman go du wetin in traŋayes ɛn ivul at se.

Jɛrimaya 18:12 Referans Kwoze

Jɛrimaya 2:25

Una nɔ de mas grɔn wit una ɛmti fut ɛn una nɔ de gri mek tɔsti mek yu trot dray. Bɔt una se; ‘Na fɔ natin, bikɔs a dɔn lɛk trenja dɛn, ɛn na dɛn a de wit.

Ditarɔnɔmi 29:19

ɔ lɛk pɔsin we, pan ɔl we i no ɔl wetin di Kɔvinant se i fɔ de du, i stil de tɔk nain at se, natin bad nɔ go apin to am, i lɛk we i de traŋayes ɛn de du wetin in want. Mozis tɛl di Izrɛlayt dɛn se, dat go mek di pɔsin we de obe ɛn di wan we traŋayes, sɔfa togɛda.

Jɛrimaya 16:12

ɛn bikɔs una dɔn du wɔs pas una fɔstɛmpapa dɛm, bikɔs a si se una ɔl de fala inyon stɔbɔn ɛn ivul we, ɛn nɔ gri fɔ lisin to mi;

Jɛrimaya 7:24

Bɔt dɛn nɔ obe mi ɛn nɔ ivin pe atɛnshɔn to mi, bɔt dɛn bin de du wetin dɛn maynd tɛl dɛm ɛn wetin dɛn stɔbɔn at dɛn se, ɛn bin jɛs de go biɛn; dɛn nɔ go bifo wan stich.

Ayzaya 57:10

Yu bin taya wit di laŋa we di rod lɔŋa bɔt yu nɔ bin se, “Dis oplɛs”; yu bin fɛn nyu layf fɔ yu trɛnk ɛn so yu nɔ bin taya.

Lyuk 1:51

I dɔn sho se in gɛt pawa, i dɔn kɔnfyus dɛn wan we prawd ɛn mek dɛn rɔnawe ɛn pwɛl ɔl wetin dɛn bin mekɔp fɔ du.

Jɛrimaya 3:17

Da tɛm de, dɛn go kɔl Jerusɛlɛm, PAPA GƆD in tron, ɛn ɔl di difrɛn neshɔn gɛda de fɔ wɔship PAPA GƆD na Jerusɛlɛm, ɛn dɛn nɔ go stɔbɔn de du wetin dɛn ivul at dɛn se.

Jɛnɛsis 8:21

We di sakrifays bin de bɔn, in sɛnt bin so fayn dat i mek PAPA GƆD in at gladi, nain i tɔk nain at se, “A nɔ go swɛ di wɔl igen fɔseka wetin mɔtalman de du; a no se frɔm we i smɔl na soso bad tin i de tink bɔt. A nɔ go ɛva pwɛl ɔltin we gɛt layf na dis wɔl, lɛkɛ aw a jɛs du.

Izikɛl 37:11

Dɛn PAPA GƆD se to mi, “Mɔtalman, dɛn bon ya, na di wanol Izrɛl. Una lisin, dɛn se, ‘wi bon dɛn dɔn dray, ɛn wi nɔ abop igen; wi nɔ gɛt nɔn link na di wɔl igen.’

Jɛrimaya 44:17

Bɔt wi go du ɔl wetin wi dɔn swɛ se wi go du, dat na fɔ bɔn insɛns to di Kwin na ɛvin ɛn fɔ tamisilɛ to am, lɛkɛ aw wi bin dɔn de du, wi ɛn wi fɔstɛmpapa dɛm, wi kiŋ dɛm ɛn wi bigman dɛm, na di siti dɛn na Juda ɛn na di trit dɛm na Jerusɛlɛm; bikɔs dɛn tɛm dɛn de, wi bin gɛt plɛnti it, ɛn bɛtɛ bin de fala wi ɛn nɔn bad tin nɔ bin de apin to wi.

Jɛrimaya 23:17

Dɛn de tɛl dɛn wan dɛm we nɔ biliv PAPA GƆD in wɔd ɔltɛm se, “Ɔltin go fayn fɔ yu’; ɛn kin tɛl dɛn wan dɛn we nɔ de gri du wetin PAPA GƆD se, bɔt de fala dɛn yon at, se, ‘Nɔn bad tin nɔ go mit una.’”

Jɛrimaya 11:8

Stil dɛn nɔ du am ɔ ivin lisin, bɔt dɛn ɔl du di traŋayes tin we dɛn ivul at tɛl dɛn fɔ du. Na dat mek a dɔn tɛl dɛn di kayn pɔnishmɛnt we di Kɔvinant we a bin kɔmand dɛn fɔ obe, bɔt dɛn nɔ bin obe, se dɛn fɔ gɛt

2 Kiŋ 6:33

Ilaɛlsha nɔ tɔk dɔn nain di mɛsenja rich de. Di kiŋ tɛl Ilaɛlsha se di dombolo we dɔn mit dɛn so na PAPA GƆD sɛn am, so nid nɔ de fɔ wet igen

Jɛnɛsis 6:5

We PAPA GƆD si se mɔtalman in wikɛdnɛs dɔn pasmak, ɛn na bad nɔmɔ i de mɛmba ɔltɛm,

Malakay 3:14

PAPA GƆD sɛf mɛmba dɛn se, dɛn dɛn tɔk se dɛn de westɛm fɔ du wetin PAPA GƆD want. Dɛn nɔ gɛt natin fɔ bɛnifit if dɛn de sho PAPA GƆD Ɔlmayti se dɛn sɔri.

Ayzaya 65:2

Ol de, a de opin mi an to pipul dɛn we dɔn tɔn dɛn bak pan mi, pipul dɛn we de du di tin dɛn we gud, bɔt de fala wetin dɛn at tɛl dɛm;

Jɛrimaya 6:17

A put pɔsin fɔ de wach una, ɛn tɛl una se, ‘Una lisin fɔ di trɔmpɛt!’ Bɔt dɛn se, ‘wi nɔ go lisin.’