Jɛrimaya 18:11 - Krio Fɔs Oli Baybul

¹¹ Fɔseka dat, tɛl di man dɛm na Juda ɛn dɛn wan dɛm we tap na Jerusɛlɛm se: “Na dis PAPA GƆD se, a de rɛdi fɔ du ivul tin agens una ɛn a de mek plan fɔ una. Lɛ ɔlman chenj kɔmɔt pan in ivul we, ɛn chenj aw una liv ɛn wetin una de du.

Jɛrimaya 18:11 Referans Kwoze

2 Kiŋ 17:13

PAPA GƆD tɛl in prɔfɛt dɛn fɔ wɔn Izrɛl ɛn Juda fɔ lɛf dɛn bad trik ɛn fɔ du wetin PAPA GƆD in lɔ we i gi dɛn fɔstɛm-papa dɛn ɛn ɔl di lɔ dɛn we i gi di prɔfɛt dɛn fɔ de tɛl dɛn.

Jɛrimaya 35:15

A dɔn sɛn ɔl mi wokman dɛm we na di prɔfɛt dɛn to una ɛn a de sɛn dɛm ɔltɛm se, ‘Ɔlman fɔ lɛf in ivul we ɛn lɛf wetin una de du, ɛn nɔ de biɛn ɔda gɔd dɛm de sav dɛm, datɛnde una go tap na di land we a gi una ɛn una fɔstɛmpapa dɛm.’ Bɔt una nɔ ivin put una yes lisin to mi.

Jɛrimaya 7:3

Na dis PAPA GƆD Ɔlmayti we na Izrɛl dɛn Gɔd se, “Una chenj di we we una de biev ɛn di tin dɛn we una de du, ɛn a go mek una tap na dis ples.

Jɛrimaya 25:5

se, “Una chenj, una ɔl lɛf dɛn una ivul we dɛm ɛn una lɛf di tin dɛn we una de du we nɔ rayt, ɛn tap na di land we PAPA GƆD dɔn gi una ɛn una fɔstɛmpapa dɛm lɔntɛm, ɛn fɔ sote go;

Jems 5:1

Una we jɛntri, una lisin wetin a de tɛl una naw. Una kray bita wan ɛn sɔri fɔ di waala dɛn we de kam mit una.

Apɔsul Dɛn Wok 26:20

Fɔs a go tɛl dɛn pipul na Damaskɔs, Jerusɛlɛm, ɛn ɔlɔbɔt na Judia, bɔt Gɔd; dɔn a tɛl dɛn pipul we nɔto Ju bɔt Gɔd. A tɛl dɛn fɔ lɛf fɔ du dɛn bad tin we dɛn de du ɛn kam to Gɔd, ɛn fɔ de du dɛn tin we sho se dɛn dɔn kam to Gɔd.

Zɛkaraya 1:3

PAPA GƆD se fɔ tɛl di pipul dɛn se, in we na PAPA GƆD Ɔlmayti se dɛn fɔ tɔn bak to am dɔn in we na PAPA GƆD Ɔlmayti go tɔn bak to dɛn.

Mayka 2:3

PAPA GƆD se fɔseka dis, i go pɔnish dɛn kayn man dɛn de dɛn famili; i go gi dɛn lod we dɛn nɔ go ebul tot dɔn nɔbɔdi nɔ go ɛp dɛn. Da tɛm de dɛn go lɛf fɔ kak bikɔs tin go bad fɔ dɛn.

Ayzaya 5:5

Ɛn naw a go tɛl una wetin a go du to mi greps fam. A go pul di fɛnch we de rawnd am, datɛnde, dɛn go pwɛl pwɛl am; A go brok in wɔl dɛn kam dɔŋ ɛn dɛn go mas mas am.

Jems 4:13

Una lisin wetin a de kam tɛl una, una we de tɔk se, “Tide ɔ tumara wi go go na da tɔŋ yanda ɛn tap de fɔ wan ia. Wi go tredin, ɛn mek plɛnti mɔni.”

Izikɛl 18:23

PAPA GƆD aks se, ‘una tink se a kin gladi we wikɛd pɔsin kin day? Nɔ to fɔ lɛ i chenj frɔm aw i bin de ɛn liv?

Izikɛl 13:22

Bikɔs una bin dɔn mek di wan we de waka tret, dɛn at pwɛl, ivindo mi nɔ pwɛl in at, ɛn una dɔn ɛnkɔrej di wikɛd pipul, so dat i nɔ go chenj fɔ ebul sev in layf;

Jɛrimaya 51:11

“Una shap di aro dɛm! Una tek di big shild dɛm! PAPA GƆD dɔn mek di kiŋ dɛn na Mɛdia dɛn at wam, bikɔs wetin i mekɔp fɔ Babilɔn, na fɔ nyakanyaka am, bikɔs na da we de PAPA GƆD de rivɛnj, rivɛnj fɔ in tɛmpul.

Jɛrimaya 36:7

Sɔntɛm dɛn pre lɛ PAPA GƆD fɔgiv dɛm we go mek ɔlman lɛf fɔ du bad, bikɔs di tin we PAPA GƆD dɔn anawns se in go du, nɔ gud fɔ tɔk.”

Jɛrimaya 36:3

Sɔntɛm Juda dɛn go yɛri bɔt ɔl di bad bad plan we a gɛt fɔ dɛm, so dat ɔlman go lɛf fɔ du ivul, ɛn a go fɔgiv dɛm fɔ dɛn wikɛdnɛs ɛn dɛn sin.”

Jɛrimaya 26:13

So fɔseka dat, una chenj una we ɛn di tin dɛn we una de du, ɛn du wetin PAPA GƆD we na una Gɔd se, dɔn PAPA GƆD nɔ go du di bad tin dɛn we i dɔn tɔk se i go du una.

Jɛrimaya 26:3

Sɔntɛm dɛn go lisin, ɛn ɔlman go lɛf dɛn ivul tin dɛn we dɛn de du, so dat a nɔ go du di bad bad tin we a bin dɔn plan fɔ du dɛm, fɔseka di ivul tin dɛn we dɛn de du.

Jɛrimaya 18:18

Nain dɛn se, “Una kam le wi mek plan agens Jɛrimaya, bikɔs wi nɔ go shɔt ɔf man we de mek sakrifays fɔ pipul sin fɔ tich wi di lɔ, ɛn sɛnsman dɛn fɔ gi wi sɛns, ɛn prɔfɛt dɛn fɔ tɛl wi PAPA GƆD in wɔd. Dɛn se, una kam lɛ wi tek wi mɔt bit am, ɛn lɛ wi nɔ tek natin we i de se siriɔs.

Jɛrimaya 11:19

Bɔt mi na bin lɛk nays ship pikin we dɛn kɛr go fɔ go kil. A nɔ bin no se na bin agens mi dɛn bin dɔn mek plɔt, we dɛn de se, “Lɛ wit pwɛl pwɛl di tik wit in frut dɛm, lɛ wi kil am, so dat dɛn nɔ go mɛmba in nem igen.”

Jɛrimaya 4:23

A luk di dunia, eya, i bin ɛmti ɛn yuslɛs; ɛn we a luk di klawd dɛm, dɛn nɔ bin gɛt nɔn layt.

Jɛrimaya 4:6

Una put put sayn post dɛn we de sho rod fɔ go Zayɔn, una rɔn fɔ una layf, nɔ westɛm bikɔs a de briŋ bad bad tin kɔmɔt na di nɔt, wit wan big big nyakanyaka.

Jɛrimaya 3:22

“Una kam bak to mi, una dɛn bɔypikin dɛn we nɔ gɛt feth, a go mɛn una mek una go gɛt feth.” “Luk, we dɔn kam to yu; bikɔs yu na PAPA GƆD we na wi Gɔd.

Jɛrimaya 3:1

PAPA GƆD se, “If man dayvɔs in wɛf ɛn in wɛf kɔmɔt to am ɛn go mared to ɔda pɔsin, di man go go bak to di uman? Dat nɔ go mek di land dɔti na PAPA GƆD in yay? Yu dɔn bi rare gyal wit bɔku lɔva dɛm, dɔn yu wan kam bak to mi?

2 Kiŋ 22:13

lɛ dɛn go fɛnɔt to PAPA GƆD fɔ in ɛn di pipul dɛn ɛn ɔlman na Juda bɔt wetin rayt na di buk we dɛn fɛn. I se PAPA GƆD dɔn vɛks bad bad wan pan dɛn bikɔs dɛn fɔstɛm-papa dɛn nɔ du wetin di buk se; i se dɛn nɔ de du wetin di buk se dɛn fɔ du.

2 Kiŋ 5:5

Di kiŋ gi am pamishɔn fɔ go ɛn gi am lɛta fɔ di kiŋ na Izrɛl. Neman ol rod fɔ go ɛn i kɛr bɔt sɔm tri ɔndrɛd ɛn fɔti kilo silva, sɛvinti kilo gold ɛn tɛn sɛt fayn klos.

Jɛnɛsis 11:7

Lɛ wi go dɔŋ go miksɔp dɛn laŋwej so dat dɛn nɔ go ebul fɔ ɔndastand dɛnsɛf.”

Ayzaya 57:1

Pɔsin we de waka tret na PAPA GƆD in yay kin day, ɛn nɔbɔdi nɔ de put am nain at; oli pipul dɛn we de sav Gɔd de go, we nɔbɔdi nɔ de ɔndastand. Bikɔs dɛn kin pul di man we de waka tret na PAPA GƆD in yay, kɔmɔt pan waala,

Jɛrimaya 4:1

PAPA GƆD se, “E Izrɛl, If una tɔmbak kam, na mi una fɔ tɔmbak kam to. If una lɛf fɔ du ɔl dɛn bad bad tin dɛn we a nɔ lɛk, ɛn una nɔ dawt,

Jɛrimaya 11:11

Fɔseka dat, na dis PAPA GƆD se, A de briŋ ivul tin pan dɛm we dɛn nɔ go ebul pul dɛn ed kɔmɔt; ɔl we dɛn go kray to mi, A nɔ go lisin dɛm.

Jɛrimaya 25:2

we Jɛrimaya we na prɔfɛt tɛl ɔl di pipul dɛn na Juda ɛn ɔl dɛn wan we tap na Jerusɛlɛm:

Jona 3:8

bɔt dɛn ɔl fɔ wɛr munin klos ɛn dɛn fɔ beg PAPA GƆD gud, ɛn di mɔtalman dɛn fɔ lɛf fɔ du bad ɛn lɛf fɔ fɛt ɛn wund ɛn chuk pɔsin.

1 Kiŋ 22:23

Maykaya tɛl am se na PAPA GƆD insɛf sɛf put laylay spirit na di prɔfɛt dɛn mɔt, ɛn i dɔn tɔk se i nɔ gɛt fɔ ɛnd fayn.

Jɛrimaya 4:14

E Jerusɛlɛm, una was wikɛdnɛs kɔmɔt na una at, so dat una go sev. Aw lɔŋ una ivul plan dɛn go de na una at?

Jɛrimaya 19:3

Yu fɔ se, ‘Yɛri wetin PAPA GƆD se, una di kiŋ dɛn na Juda ɛn dɛn wan dɛm we tap na Jerusɛlɛm. Na dis PAPA GƆD Ɔlmayti, we na di Gɔd na Izrɛl se, Biliv mi, a go so mek bad bad tin mit una dat ɛnibɔdi we yɛri bɔt dat, in yes go trimbul.

Jɛrimaya 19:15

“Na dis PAPA GƆD Ɔlmayti we na Izrɛl dɛn Gɔd se, A de briŋ ɔl di bad bad tin dɛn we a bin dɔn se go apin, pan dis siti ɛn ɔl in tɔŋ dɛm, bikɔs dɛn dɔn traŋayes bad bad wan ɛn nɔ gri yɛri mi wɔd.”