Jɛrimaya 17:9 - Krio Fɔs Oli Baybul

⁹ Mɔtalman at disitful pas ɔltin, ɛn i kɔrɔpt in kayn nɔ de; udat go ebul ɔndastand am?

Jɛrimaya 17:9 Referans Kwoze

Matyu 15:19

Nainsay di at pɔsin de mekɔp fɔ du bad tin, fɔ kil; fɔ kip ɔda uman wɛn i dɔn mared, ɔ, if na uman, fɔ kip ɔda man, wɛn i dɔn mared; fɔ slip wit uman wɛn i nɔ mared yet, ɔ if na uman, fɔ slip wit man wɛn i nɔ mared yet; ɔ fɔ tif; fɔ lay pan pipul wɛn in na witnɛs, ɛn fɔ tɔk bad bɔt ɔda pipul.

Ɛkliziastis 9:3

Wan bad bad tin de bi na di wɔl; dat na we na di sem kayn tin de apin to ɔlman. Wetin bad mɔ, na dat na so so bad bad tin de na dɛn at; na kres kres tin kin de na dɛn at we dɛn de na wɔl. Afta ɔl dat, dɛn kin day go.

Prɔvabs 28:26

Udat biliv pan in yon sɛns nɔmɔ na fulman, bɔt udat liv in layf bay wetin dɛn sɛnsman tich nɔ de gɛt prɔblɛm.

Di Ibru Pipul Dɛn 3:12

Mi Kristiɛn brɔda dɛn, una fɔ tek tɛm, so dat nɔn pan una nɔ go gɛt bad at ɛn so nɔ biliv pan Gɔd dat i go tɔn in bak pan Gɔd we gɛt layf sote go.

Jɛnɛsis 6:5

We PAPA GƆD si se mɔtalman in wikɛdnɛs dɔn pasmak, ɛn na bad nɔmɔ i de mɛmba ɔltɛm,

Jɛnɛsis 8:21

We di sakrifays bin de bɔn, in sɛnt bin so fayn dat i mek PAPA GƆD in at gladi, nain i tɔk nain at se, “A nɔ go swɛ di wɔl igen fɔseka wetin mɔtalman de du; a no se frɔm we i smɔl na soso bad tin i de tink bɔt. A nɔ go ɛva pwɛl ɔltin we gɛt layf na dis wɔl, lɛkɛ aw a jɛs du.

Matyu 13:15

bikɔs dɛn nɔ de tink, ɛn dɛn dɔn dɛf dɛn yes, ɛn blɛn dɛn yay. If dɛn nɔ bin du dat, dɛn bin fɔ de si, dɛn bin fɔ de yɛri, dɛn bin fɔ de ɔndastand. Dɛn bin fɔ tɔn to mi ɛn a bin fɔ mɛn dɛn.’

Jɛrimaya 16:12

ɛn bikɔs una dɔn du wɔs pas una fɔstɛmpapa dɛm, bikɔs a si se una ɔl de fala inyon stɔbɔn ɛn ivul we, ɛn nɔ gri fɔ lisin to mi;

Di Sam Dɛm 51:5

Frɔm we mi mama gɛt mi bɛlɛ sɛf, mi na sina ɛn na so i bɔn mi.

Mak 2:17

Wɛn Jizɔs yɛri wetin dɛn de tɔk, i se, “Nɔto dɛn pipul we wɛl gɛt fɔ go to dɔkta, na dɛn wan we sik. A nɔ kam fɔ tɛl dɛn pipul we de du wetin di Lɔ we Gɔd gi Mozis se, fɔ chenj dɛn layf, a kam fɔ tɛl dɛn wan we de pan sin fɔ mek dɛn chenj dɛn layf.”

Lɛta Fɔ Rom 1:21

Dɛn no Gɔd, bɔt dɛn nɔ de gri fɔ gi am di rɛspɛkt we i fɔ gɛt, ɛn dɛn nɔ de tɛl am tɛnki fɔ ɛnitin we i du. Dɛn ed dɔn miks ɔp ɔltogɛda, dɛn nɔ ebul ɔndastand, so dɛn nɔ no wetin rayt.

Lɛta Fɔ Rom 7:11

Di lɔ mek sin gɛt chans fɔ mek mi ful, ɛn na di lɔ sin tek kil mi.

Lɛta Fɔ Ɛfisɔs 4:22

Una fɔ lɛf fɔ liv di bad layf we una bin liv, da layf de bin de pwɛl una ɛn mek una ful.

2 Samiɛl 11:15

Insay di lɛta i se: “Put Yuraya frɔnt usay di fɛt wam. Lɛf am de mek dɛn kil am.”

Ayzaya 1:5

Wetindu una stil wan lɛ dɛn pɔnish una, we una fasin fɔ traŋayes? Di wanol ed sik ɛn di wanol at wik.

Ayzaya 1:6

Frɔm bɔtɔm di fut te rich di ed, nɔn say nɔ de we bɛtɛ, pas so so brus brus ɛn sofut ɛn wund dɛn we de blid; dɛn nɔ kwis di tɔf kɔmɔt ɛn dɛn nɔ tay dɛn, ɔ ivin put mɛrɛsin de.

Ayzaya 6:10

Mek dɛn pipul ya dɛn at traŋa, ɛn dɛn yes dɛf, ɛn dɛn yay blɛn; ɔ nɔ so dɛn go si wit dɛn yay ɛn yɛri wit dɛn yes ɛn ɔndastand wit dɛn at, ɛn tɔn lɛ a go mɛn dɛn.”

Di Sam Dɛm 64:7

Bɔt PAPA GƆD go kɔmɔt biɛn dɛn ɛn dɔnawe wit dɛn, wɛn dɛn nɔ mekɔp.

Jɛrimaya 7:24

Bɔt dɛn nɔ obe mi ɛn nɔ ivin pe atɛnshɔn to mi, bɔt dɛn bin de du wetin dɛn maynd tɛl dɛm ɛn wetin dɛn stɔbɔn at dɛn se, ɛn bin jɛs de go biɛn; dɛn nɔ go bifo wan stich.