Jɛrimaya 17:7 - Krio Fɔs Oli Baybul

⁷ “Di man we abop pan PAPA GƆD go gɛt blɛsin, we na PAPA GƆD nɔmɔ i abop pan.

Jɛrimaya 17:7 Referans Kwoze

Di Sam Dɛm 34:8

Kam si fɔ yusɛf se PAPA GƆD na gud PAPA GƆD; I fayn fɔ di man, we de aks am fɔ kɔba am.

Di Sam Dɛm 40:4

PAPA GƆD go blɛs di pɔsin we de trɔs am; i nɔ de si udat de mek se i bɛtɛ pas am, ɛn i nɔ de wɔship lay lay gɔd lɛk ɔda pɔsin.

Di Sam Dɛm 125:1

Udat abop pan PAPA GƆD go tinap deŋ lɛk Mawnt Zayɔn, we kant kɔmɔt usay i de, bɔt go de sote go.

Ayzaya 30:18

Fɔseka dat, PAPA GƆD de wet fɔ sho una gres, fɔseka dat, i es insɛf ɔp fɔ sho una masi. Bikɔs PAPA GƆD na Gɔd we de jɔj rayt; ɛnibɔdi we wet fɔ am, go gɛt blɛsin.

Prɔvabs 16:20

Bɛtɛ go fala udat tek wetin dɛn tich am na layf, ɛn i go fayn fɔ am mɔ if i trɔs PAPA GƆD.

Di Sam Dɛm 84:12

PAPA GƆD, PAPA GƆD Ɔlmayti, pɔsin we put in trɔs pan yu gladi ɛn gɛt blɛsin.

Di Sam Dɛm 146:5

Di pɔsin, we gɛt di PAPA GƆD we Jekɔb bin de wɔship fɔ ɛp am gɛt blɛsin, i de abop pan PAPA GƆD, di waŋren PAPA GƆD, we nain i de wɔship,

Di Sam Dɛm 2:12

Put yusɛf dɔŋ bifo PAPA GƆD in bɔypikin mek i nɔ vɛks ɛn dɔnawe wit yu, bikɔs i kin vɛks ɛnitɛm. I go fayn fɔ ɔl udat de go to am fɔ mek i kɔba dɛn.

Lɛta Fɔ Ɛfisɔs 1:12

Na dat mek wi we fɔs dɔn abop pan Krays fɔ prez Gɔd fɔ in pawa.

Di Sam Dɛm 71:5

Mi Masta, yu we na PAPA GƆD Ɔlmayti, na yu dɔn de gi mi op, na yu PAPA GƆD a dɔn put mi at traŋa wan pan frɔm we a smɔl.

Ayzaya 61:3

fɔ gi dɛn wan dɛn na Zayɔn we dɛn at de blid– fɔ gi dɛn galans instɛd ɔf ashis, gladi gladi ɔyl, instɛd ɔf at we de blid, Prez ova kot instɛd ɔf taya bɔdi; so dat dɛn go kɔl dɛn di kɔtintri fɔ waka tret na PAPA GƆD in yay, di tin we PAPA GƆD plant, mek I go gɛt glori.

Jɛrimaya 39:18

Bikɔs a go mɔs sev yu ɛn yu nɔ go day na wa; bɔt yu go gɛt yu layf as di prayz na di wa, bikɔs yu dɔn put yu at to mi. Na so PAPA GƆD se.’”

Daniɛl 3:28

Nain Nɛbyukadnɛza se, “Lɛ blɛsin de pan Shedrak, Mishak ɛn Abɛdnigo dɛn Gɔd we sɛn in eŋɛl ɛn fri in wokman dɛm we biliv am; dɛn na di man dɛm we nɔ bin obe di kiŋ in wɔd, ɛn bin rɛdi fɔ day bifo dɛn go wok fɔ ɛn wɔship ɛni ɔda gɔd, we nɔto dɛn yon Gɔd.

Di Sam Dɛm 20:8

Dɛn wan we abop pan wetin dɛn gɛt, go fɔdɔm bup; bɔt wi we abop pan PAPA GƆD go tinap, deŋ!

Zɛfinaya 3:12

I se di pipul dɛn we go de da tɛm de go bi pipul we nɔ go de kak. Dɛn go de go to in di, PAPA GƆD fɔ ɛp dɛn.