Jɛrimaya 17:26 - Krio Fɔs Oli Baybul

²⁶ En pipul dɛm go kɔmɔt na di siti dɛm na Juda ɛn dɛn ples dɛm ɔlɔbɔt na Jerusɛlɛm kam. Dɛn go kɔmɔt na Bɛnjamin, Shɛfɛla, di il kɔntri ɛn di nɛgɛb. Dɛn go de briŋ sakrifays we dɛn de bɔn na faya ɛn ɔda sakrifays, sid ɔfrin dɛm ɛn insɛns, ɛn ɔfrin fɔ tɛl tɛnki fɔ kam na PAPA GƆD in os.

Jɛrimaya 17:26 Referans Kwoze

Zɛkaraya 7:7

I se aw Jerusɛlɛm bin tan we ɔltin bin ɔrayt fɔ am, we pipul bin tap ɔlsay ɛn biznɛs bin fayn, na wetin i bin dɔn mek di prɔfɛt dɛn tɔk.

Jɛrimaya 33:13

PAPA GƆD se, Na di il kɔntri, na di siti dɛm na di Shɛfɛla, di siti dɛm na Nɛgɛb, di Land ɔf Bɛnjamin, di ples dɛn we de rawnd Jerusɛlɛm, ɛn di siti dɛm na Juda, ship dɛn go pas ɔnda di wan we de kɔnt dɛn in an.

Jɛrimaya 32:44

Dɛn go bay land wit mɔni, ɛn dɛn go sayn ɛn witnɛs kɔnveans dɛm, na di land ɔf Bɛnjamin, na di ples rawnd Jerusɛlɛm, ɛn na di siti dɛn na Juda, di siti dɛn na di il kɔntri, di Shɛfɛla dɛn siti dɛn, ɛn na di siti dɛn we de na di Nɛgɛb; bikɔs a go gi dɛm dɛn jɛntri bak. Na so PAPA GƆD se.”

Di Sam Dɛm 107:22

Lɛ dɛn mek sakrifays fɔ tɛl PAPA GƆD tɛnk, gladi ɛn siŋ fɔ tɔk bɔt wetin i de du.

Jɛrimaya 33:11

pipul dɛn de ɛnjɔy ɛn gladi gladi; ɔkɔ ɛn yawo go gladi gladi, yu go yɛri dɛn wan dɛm we de siŋ dɛn vɔys, we dɛn de briŋ tɛl Gɔd tɛnki ɔfrin dɛm kam na PAPA GƆD in os: ‘Tɛl PAPA GƆD Ɔlmayti tɛnki, bikɔs PAPA GƆD gud, bikɔs in lɔv we nɔ de chenj go de sote go!’ Bikɔs a go gi di land in jɛntri bak lɛk aw i bin de fɔstɛm. Na so PAPA GƆD se.

Di Sam Dɛm 116:17

A go pul sakrifays fɔ tɛl yu tɛnki ɛn prez ɛn wɔship yu.

Rɛvɛleshɔn 1:5

mek Jizɔs Krays insɛf, we wi kin trɔs, ɛn we de tɛl pipul wetin tru ɔltɛm, sho una aw i gud ɛn gi una kol at. Nain fɔs Gɔd mek rayz frɔm di grev. Ɔl dɛn wan we de rul na dis wɔl de ɔnda am. I lɛk wi ɛn i day fɔseka wi so dat i kin lus wi kɔmɔt pan di tay we wi sin tay wi,

Pita In Fɔs Lɛta 2:5

Una fɔ tan lɛkɛ ston we gɛt layf ɛn una fɔ mek Gɔd tek una bil di os we in Spirit de bil, na de una go mek sakrifays to Gɔd. Una go de du Gɔd in wok nɔmɔ, dat na fɔ de mek dɛn sakrifays we Gɔd in Spirit tɛl una fɔ mek, we go mek Gɔd satisfay fɔseka di wok we Jizɔs Krays dɔn du.

Di Ibru Pipul Dɛn 13:15

Na dat mek wi fɔ prez Gɔd ɔltɛm; di prez we wi de prez Gɔd tru Jizɔs, wɛn wi de tɔk ɔltɛm se in na wi Masta, na di sakrifays we wi de mek to Gɔd.

Ɛzra 3:11

Dɛn prez PAPA GƆD ɛn tɛl am tɛnki wit dis siŋ yaso: “PAPA GƆD gud, in lɔv fɔ Izrɛl go las sote go!” Ɔl di pipul dɛn ala lawd wande prez PAPA GƆD bikɔs na dɛn dɔn le di fawndeshɔn fɔ bil PAPA GƆD in os.

Di Sam Dɛm 66:13

A go mek sakrifays we a go bɔn na yu os ɛn a go du ɔl wetin a bin tɔk se a go du,

Jɛrimaya 30:19

Nainsay dɛm, tɛl PAPA GƆD tɛnki siŋ, dɛn go kɔmɔt, ɛn dɛn wan dɛm vɔys we gladi. A go mek dɛn plɛnti, ɛn dɛn nɔ go bi tu tri nɔmɔ; A go mek dɛm gɛt rɛspɛkt, ɛn dɛn nɔ go smɔl.

Ayzaya 58:13

If yu rɛspɛkt di de fɔ blo ɛn rɛst de ɛn nɔ du wetin yu lɛk fɔ du na mi oli de, ɛn kɔl di de fɔ blo ɛn rɛst we, de we yu gladi fɔ, ɛn kɔl di de fɔ blo ɛn rɛst, tɛn we una gladi fɔ ɛn PAPA GƆD in oli de, de we fɔ ɔna; if yu ɔna am, ɛn nɔ du wetin yu want fɔ du, ɔl fala yu yon ɛnjɔymɛnt, ɔ de tɔk aydul tɔk;