Jɛrimaya 17:21 - Krio Fɔs Oli Baybul

²¹ Na dis PAPA GƆD se: Una tek tɛm fɔseka una layf, ɛn nɔtot lod de fɔ blo ɛn rɛst de pas na di get dɛn na Jerusɛlɛm briŋ dɛn kam insay.

Jɛrimaya 17:21 Referans Kwoze

Ditarɔnɔmi 11:16

Mozis wɔn dɛn lɛ dɛn tek tɛm lɛ dɛn at nɔ lay gi dɛn fɔ lɛ dɛn kɔmɔt biɛn PAPA GƆD go wok fɔ ɛn wɔship ɔda gɔd dɛn,

Ditarɔnɔmi 4:23

so dɛn fɔ mek shɔ se dɛn nɔ fɔgɛt di Kɔvinant we dɛn bin dɔn mek wit PAPA GƆD we na dɛn PAPA GƆD ɛn go mek ɛnitin we fiba mɔtalman ɔ animal fɔ wɔship, bikɔs PAPA GƆD we na dɛn PAPA GƆD nɔ want dɛn fɔ du da kayn tin de.

Ditarɔnɔmi 4:15

Mozis bin advays di Izrɛlayt dɛn se lɛ dɛn nɔ se bikɔs dɛn nɔ si PAPA GƆD we i bin de tɔk to dɛn insay da faya na Mawnt Saynay,

Ditarɔnɔmi 4:9

Bɔt wan impɔtant tin we Mozis tɔk na dat di Izrɛlayt dɛn fɔ mek shɔ se dɛn nɔ fɔgɛt ɔl wetin dɛn dɔn si, yɛri ɛn lan, sote dɛn day. I se dɛn fɔ mek shɔ se dɛn lan dɛn pikin ɛn granpikin dɛn ɔl di tin dɛn we i dɔn tɛl dɛn se PAPA GƆD se dɛn fɔ du ɛn nɔ fɔ du, ɛn ɔl di tin dɛn we bin apin.

Lyuk 8:18

“Una tek tɛm lisin. Ɛnibɔdi we gɛt sɔntin, Gɔd go gi am mɔ; bɔt pɔsin we nɔ gɛt, di lili bit sɛf we i tink se in gɛt, Gɔd go tek am.”

Mak 4:24

Jizɔs se, “Una lisin mi gud; di lɔ we una de tek jɔj una kɔmpin mɔtalman, na di sem lɔ Gɔd go tek jɔj una. Gɔd go jɔj una traŋa pas aw una de jɔj una kɔmpin mɔtalman.

Prɔvabs 4:23

Tek tɛm aw yu de tink; bikɔs aw yu de tink na so yu de biev.

Jɔshwa 23:11

I se di big tin na fɔ lɛ dɛn lɛk PAPA GƆD we na dɛn PAPA GƆD,

Apɔsul Dɛn Wok 20:28

Una tek tɛm aw una liv ɛn una kia fɔ Gɔd In pipul dɛn na di chɔch lɛkɛ aw pipul we de mɛn ship kin kia fɔ dɛn ship, bikɔs Gɔd in Pikin day fɔ mek dɛn bi Gɔd yon pipul.

Ayzaya 56:2

Di man we de du dis go gɛt blɛsin, ɛn di mɔtalman we ol am tayt, dat na di wan we de kip di de fɔ blo ɛn rɛst, ɛn nɔ de bamfa am, ɛn nɔ put an pan ɛni bad tin.”

Ayzaya 58:13

If yu rɛspɛkt di de fɔ blo ɛn rɛst de ɛn nɔ du wetin yu lɛk fɔ du na mi oli de, ɛn kɔl di de fɔ blo ɛn rɛst we, de we yu gladi fɔ, ɛn kɔl di de fɔ blo ɛn rɛst, tɛn we una gladi fɔ ɛn PAPA GƆD in oli de, de we fɔ ɔna; if yu ɔna am, ɛn nɔ du wetin yu want fɔ du, ɔl fala yu yon ɛnjɔymɛnt, ɔ de tɔk aydul tɔk;

Ɛksodɔs 20:8

“Una mɛmba di de fɔ pre ɛn blo ɛn kip am oli.