Jɛrimaya 17:2 - Krio Fɔs Oli Baybul

² wɛn dɛn pikin dɛn de mɛmba dɛn ɔlta dɛm ɛn dɛn Asherim, we liŋ pan ɔl dɛn grin tik, ɛn de pantap di ay il dɛm,

Jɛrimaya 17:2 Referans Kwoze

2 Kronikuls 24:18

Dɛn tɔn dɛn bak pan PAPA GƆD in os, PAPA GƆD we na dɛn fɔstɛmpapa dɛn Gɔd, ɛn dɛn sav Ashɛrim ɛn lay lay gɔd dɛm. So PAPA GƆD in vɛksteshɔn fɔdɔm pan Juda ɛn Jerusɛlɛm fɔ dis kayn tin we dɔn gilti fɔ.

Jɛrimaya 2:20

“Bikɔs una dɔn lɛf fɔ wok fɔ mi lɔlɔntɛm ɛn nɔ de du wetin a se una fɔ de du igen, ɛn una se, “A nɔ go sav yu igen” Yɛs, na pantap ɔl dɛn ay il ɛn ɔnda ɔl dɛn grin tik una de butu to dɛn lay lay gɔd dɛn lɛk rare gyal.

Ayzaya 17:8

dɛn nɔ go rɛspɛkt dɛn ɔlta dɛn, we dɛn bil wit dɛn yon an, ɛn dɛn nɔ go abop pan wetin dɛn mek wit dɛn yon finga, lɛk di Ashirim ɔ di ɔlta dɛn fɔ bɔn insɛns.

Ayzaya 1:29

Una go shem bikɔs una bin de gladi fɔ go na dɛn kɔtintri de; dɛn gadin we una bin pik go mek una ayd una fes.

2 Kronikuls 33:3

Bikɔs i bil bak di ay ples dɛm we in papa Ɛzikaya bin brok dɔŋ ɛn i bil ɔlta dɛm to de Beal dɛm, ɛn mek Ashere tik dɛm ɛn wɔship ɔl di sta dɛn na ɛvin ɛn sav dɛm.

Di Jɔj Dɛm 3:7

Di Izrɛlayt dɛn fɔgɛt bɔt PAPA GƆD ɛn du bad bad tin dɛn nain yay, ɛn bin de wɔship dɛn tin dɛn we dɛn mek wit tik ɛn ston, we dɛn kɔl Baalath ɛn Ashɛra.

Izikɛl 20:28

Bikɔs we a bin dɔn briŋ dɛm kam na di land we a bin dɔn swɛ se a go gi dɛm, ɛnisay we dɛn si ay il ɔ tik we gɛt bɔku lif, na de dɛn kin go mek dɛn sakrifays dɛn, ɛn kin gi wetin go mek mi at wam. Na de dɛn swit sɛnt kin kɔmɔt kam ɔp, ɛn na de dɛn kin tɔn dɛn drink ɔfrin dɛm.

Jɛrimaya 7:18

Di pikin dɛm de gɛda wud, di papa dɛn de layt faya, ɛn di uman dɛn de miks flawa mek do, fɔ mek kek fɔ di kwin ɔf ɛvin, ɛn de tɔn drink na grɔn de mek sakrifays to ɔda gɔd dɛm, fɔ provok mi mek a a go vɛks.

Di Sam Dɛm 78:58

Dɛn mek ples dɛn na il fɔ wɔship pegan gɔd, ɛn PAPA GƆD vɛks pan dat as na jɛlɔs PAPA GƆD.

2 Kronikuls 33:19

Ɛn in prea ɛn aw PAPA GƆD tek in bey ɛn ɔl in sin ɛn in ɔnfetful we in ɔnfetful to Gɔd, di say dɛm we i bil ay ples ɛn fiks Asherim tik dɛm ɛn di lay lay gɔd dɛm bifo i ɔmbul insɛf luk am dɛn de na di prɔfɛt dɛn rɛkɔd.

Ɛksodɔs 34:13

Una fɔ brok dɛn ɔlta ɛn skata dɛn pila dɛn. Una fɔ pwɛl ɔl dɛn tin dɛn we dɛn de tek wɔship dɛn gɔd Ashɛra.

Jɛrimaya 3:6

PAPA GƆD tɛl mi dyurin di tɛm we Josaya na bin kiŋ, se, “Yu dɔn si wetin i du, dawande we nɔ gɛt feth, we nem Izrɛl, aw i bin go ɔp ɔl dɛn ay il ɛn ɔnda ɔl dɛn grin tik, de biev lɛk rare gyal?

Jɛrimaya 3:23

Fɔ tru, di tin dɛn we de apin na di il dɛn de mek pɔsin tink tin we nɔ bi, dat na di kayn wɔship we de na di mawnten dɛm. Fɔ tru, na PAPA GƆD we na wi Gɔd nɔmɔ go sev Izrɛl.

Ditarɔnɔmi 12:2

I tɛl di Izrɛlayt dɛn se we dɛn go na di land, dɛn fɔ brok brok ɔl usay di pipul dɛn we bin de de bin de wɔship dɛn gɔd dɛn; i lɛk na ɔp mawnten, dɔŋ vali ɔ ɔnda tik dɛn de,