Jɛrimaya 17:18 - Krio Fɔs Oli Baybul

¹⁸ Le dɛn wan dɛm we du mi bad, shem, bɔt nɔ mek a shem; le dɛn kɔnfyus; bɔt nɔ mek a kɔnfyus; lɛ di de fɔ ivul kam pan dɛm; ɛn nyakanyaka dɛn dɔbul!

Jɛrimaya 17:18 Referans Kwoze

Di Sam Dɛm 35:4

Lɛ shem ɛn disgres mit ɔl dɛn wan we de biɛn mi; nɔ mek dɛn wan we de plan fɔ kil mi si dɛn we klia. Lɛ dɛn kɔnfyus pan wetin dɛn de du.

Jɛrimaya 20:11

Bɔt PAPA GƆD de wit mi, ɛn na sojaman we dɛn de fred bad bad wan; so di wan dɛn we de aras mi go bɔk dɛn fut, dɛn nɔ go ovakɔm mi. Dɛn go shem bad bad wan, bikɔs dɛn nɔ go sɔksid. Dɛn nɔ go fɔgɛt dɛn ɛvalastin disgres.

Jɛrimaya 11:20

Bɔt, duya PAPA GƆD Ɔlmayti, yu we de jɔj rayt, yu we de tɛst di at ɛn di maynd, rivɛnj fɔ mi, bikɔs na to yu a lɛf mi kes.

Di Sam Dɛm 40:14

Lɛ ɔl udat nɔ want fɔ si mi, kɔnfyus ɛn lɛ dɛn shem pan dɛnsɛf; lɛ dɛn wan we nɔ want fɔ si mi bɛtɛ wan disgres.

Di Sam Dɛm 35:8

mek wetin dɛn bin tink bɔt lɛ di trap we dɛn bin dɔn sɛt, ol dɛn ɛn lɛ dɛn fɔdɔm insay di ol we dɛn bin dɔn dig.

Rɛvɛleshɔn 18:6

Lɛ di bad we i dɔn du tɔn pan am. Mek i sɔfa tu tɛm pas di sɔfa we i mek ɔda pipul sɔfa; da kɔp we i kin tek gi pipul in wayn fɔ drink, ful am wit wayn we trɔŋ pas in yon wayn, ɛn gi am mek i drink.

Jɛrimaya 17:16

A fos yu fɔ sɛn ivil ɛn a nɔ want di de fɔ dizasta fɔ kam, yu no; wetin kɔmɔt na mi mɔt na bifo yu a tɔk am.

Jɛrimaya 16:18

Ɛn a go pe dɛm dɔbul fɔ di bad tin dɛn we dɛn de du ɛn fɔ dɛn sin, bikɔs dɛn dɔn dɔti mi land na mi yay wit dɛn lay lay gɔd dɛm we a et bad bad wan, ɛn dɔn fulɔp di land wit di bad bad tin dɛn we a nɔ lɛk.”

Di Sam Dɛm 71:1

PAPA GƆD, na to yu nɔmɔ a go go to fɔ mek yu kɔba mi nɔ mek a shem pan mi ɛnimi dɛn.

Di Sam Dɛm 70:2

Lɛ ɔl udat nɔ want fɔ si mi kɔnfyus ɛn shem pan dɛnsɛf; dɛn wan we nɔ want si mi bɛtɛ wan mek dɛn disgres.

Job 16:14

I wund wund mi bɔdi; I atak mi lɛk sojaman we dɔn vɛks pan in ɛnimi.

Jɛrimaya 14:17

“Yu go tɛl dɛm se: ‘Lɛ wata rɔn mi yay de ɛn nɛt, ɛn lɛ dɛn nɔ tap, bikɔs dɛn dɔn wund mi pipul dɛn gyal pikin we na vajin bad bad wan we dɛn wap am at at wan.

Jɛrimaya 1:17

Bɔt yu, tay yu trɔsis tayt, grap go tɛl dɛn ɔltin we a dɔn tɛl yu traŋa wan se yu fɔ du. Nɔ mek dɛn pwɛl yu at o. If nɔto so, a go pwɛl yu at bifo dɛm.

Jɛrimaya 12:3

E PAPA GƆD, yu no mi; yu de si mi, ɛn yu kin tɛst fɔ no di kayn maynd we a gɛt fɔ yu. Pul dɛm kɔmɔt na do lɛk ship we dɛn de go kil, ɛn put dɛm wansay fɔ di de we dɛn kin kil dɛm.

Jɛrimaya 17:13

E PAPA GƆD we Izrɛl abop pan, ɔl udat fɔsek yu go shem; dɛn wan dɛm we tɔn bak pan yu, dɛn go rayt bɔt dɛm na wɔl, bikɔs dɛn fɔsek PAPA GƆD we na di fawnten we de gi wata we de gi layf.

Jɛrimaya 17:19

PAPA GƆD tɛl mi se, “Go tinap na Bɛnjamin Get we na de ɔl dɛn kiŋ dɛm na Juda de pas go insay ɛn kan na do, ɛn na ɔl di get dɛn na Jerusɛlɛm,

Ditarɔnɔmi 33:11

Mek di Livayt fambul dɛn jɛntri; ɛn gladi wit di wok we dɛn de du. Nyakanyaka ɔl dɛn ɛnimi dɛn so dat dɛn nɔ go ebul grap fɔ fɛt dɛn igen.