Jɛrimaya 17:14 - Krio Fɔs Oli Baybul

¹⁴ Mɛn mi, duya PAPA GƆD ɛn a go wɛl; sev mi ɛn a go sev; bikɔs na yu a de prez

Jɛrimaya 17:14 Referans Kwoze

Di Sam Dɛm 6:2

Sɔri fɔ mi bikɔs a nɔ gɛt trɛnk igen; PAPA GƆD ɛp mi, mek a wɛl bikɔs mi bon dɛn ɔl de at.

Ditarɔnɔmi 32:39

Una dɔn si naw se na Mi, yɛs Mi, na im, ɛn nɔn ɔda gɔd nɔ de apat frɔm mi; A de kil ɛn mek pipul dɛn gɛt layf; a de wund ɛn a de mɛn; ɛn nɔbɔdi nɔ de we ebul sev una kɔmɔt na mi an.

Di Sam Dɛm 106:47

E PAPA GƆD wi PAPA GƆD, kɛr wi go bak usay wi fɔ de so dat we go tɛl yu tɛnki ɛn blɔf we wi de prez yu oli nem.

Lyuk 4:18

“Gɔd in Spirit de wit mi, bikɔs Gɔd dɔn pik mi fɔ mek a tɛl dɛn po pipul di Gud Nyuz. I sɛn mi fɔ mek a tɛl dɛn slev se dɛn go fri ɛn dɛn blɛnyay pipul se dɛn go si. I sɛn mi fɔ fri dɛn wan we de lɛkɛ slev,

Ditarɔnɔmi 10:21

I se na PAPA GƆD fɔ prez; nain na dɛn PAPA GƆD we dɔn du plɛnti tin dɛn we mek dɛn wɔnda.

Di Sam Dɛm 109:1

PAPA GƆD, di PAPA GƆD we a de prez; nɔ dɛf yu yes pan mi, ansa mi,

Di Sam Dɛm 6:4

PAPA GƆD, duya nɔ fɔgɛt mi; fɔseka di lɔv we yu gɛt fɔ mi, nɔ mek a day.

Jɛrimaya 15:20

Ɛn a go mek yu tan lɛk traŋa traŋa brɔnz wɔl to dɛn pipul dɛn ya; dɛn go fɛt yu, bɔt dɛn nɔ go ebul yu, bikɔs a de wit yu fɔ sev yu ɛn pul yu kɔmɔt na dɛn an. Na so PAPA GƆD se.

Matyu 14:30

Bɔt Pita fred wɛn i fil di trɔŋ briz, nain i bigin sink na di wata. I ala se, “Masta, sev mi!”

Jɛrimaya 31:18

A dɔn yɛri Ifrem in kɔmplen, we i de se, ‘Yu dɔn disiplin mi, ɛn yu disiplin mi lɛk kaw pikin we nɔ gɛt trenin; briŋ mi kam bak so dat a go de lɛk aw a bin de, bikɔs na yu na PAPA GƆD we na mi Gɔd.

Ayzaya 6:10

Mek dɛn pipul ya dɛn at traŋa, ɛn dɛn yes dɛf, ɛn dɛn yay blɛn; ɔ nɔ so dɛn go si wit dɛn yay ɛn yɛri wit dɛn yes ɛn ɔndastand wit dɛn at, ɛn tɔn lɛ a go mɛn dɛn.”

Matyu 8:25

Di lanin bɔy dɛn go wek am ɛn se, “Masta, sev wi, na day wi de day so!”

Di Sam Dɛm 148:14

I dɔn mek in pipul mɔt traŋa, we mek dɛn de prez am, dɛn pipul de na di Izrɛlayt dɛn we de klos to in at. Lɛ wi prez PAPA GƆD!

Di Sam Dɛm 60:5

Yuz yu mayti pawa fɔ sev ɛn ɛp wi, so dat i go bi se yu pul udat yu lɛk pan trɔbul.

Di Sam Dɛm 12:4

Ɔl dɛn wan we de blɔf se na dɛn sabi tɔk de mek dɛn gɛt wetin dɛn want; dɛn se nɔbɔdi nɔ fɔ tɛl dɛn wetin fɔ du.

Di Nɔmba Dɛm 12:13

So Mozis insɛf beg PAPA GƆD lɛ i mek Miriam wɛl.

Di Sam Dɛm 54:1

PAPA GƆD, yuz yu pawa fɔ sev mi, bikɔs yu nem big, tɔk mi kes fɔ mi.

Jɛrimaya 3:23

Fɔ tru, di tin dɛn we de apin na di il dɛn de mek pɔsin tink tin we nɔ bi, dat na di kayn wɔship we de na di mawnten dɛm. Fɔ tru, na PAPA GƆD we na wi Gɔd nɔmɔ go sev Izrɛl.

Jɛrimaya 30:17

PAPA GƆD se, Bikɔs a go gi una, una wɛlbɔdi bak ɛn a go mɛn una wund dɛm, bikɔs dɛn dɔn kɔl yu awtkast: ‘Na Zayɔn, we nɔbɔdi nɔ bisin bɔt!’

Jɛrimaya 33:6

A de tɛl yu, a go briŋ wɛlbɔdi ɛn mɛrɛsin, ɛn a go mɛn dɛm ɛn gi dɛm plɛnti plɛnti jɛntri ɛn sikiɔriti.

Di Sam Dɛm 6:3

Mi sol sɛf de fil wik. PAPA GƆD aw lɔŋ a gɛt fɔ de pan dis nambara?

Di Sam Dɛm 119:94

Pul mi ɛnimi dɛn kɔmɔt biɛn mi, mi na yu yon; na yu lɔ dɛn a de obe.