Jɛrimaya 17:13 - Krio Fɔs Oli Baybul

¹³ E PAPA GƆD we Izrɛl abop pan, ɔl udat fɔsek yu go shem; dɛn wan dɛm we tɔn bak pan yu, dɛn go rayt bɔt dɛm na wɔl, bikɔs dɛn fɔsek PAPA GƆD we na di fawnten we de gi wata we de gi layf.

Jɛrimaya 17:13 Referans Kwoze

Rɛvɛleshɔn 7:17

bikɔs di Ship we de na di ples we di ay chia we kiŋ kin sidɔm, de, insɛf go de gyad dɛn lɛkɛ pɔsin we de mɛn ship. Nain go kɛr dɛn go na di say we da wata we de bɔs na grɔn we de gi layf, de. Gɔd go mek dɛn nɔ kray igen.”

Rɛvɛleshɔn 22:1

Di enjɛl tek mi igen go sho mi di riva we di wata we de gi layf bin de rɔn, i bin de shayn lɛkɛ glas. I bɔs kɔmɔt na di chia we Gɔd ɛn di Ship we de rul, kin sidɔm.

Jɔn 4:14

bɔt ɛnibɔdi we drink di wata we a go gi am nɔ go tɔsti igen. Di wata we a go gi di pɔsin go tan lɛkɛ wata we bɔs na grɔn, i go gi am layf we go de sote go.”

Jɔn 4:10

Jizɔs se, “If yu bin no wetin Gɔd de gi pipul, ɛn if yu no udat de aks yu fɔ gi am wata fɔ drink, yu bin fɔ aks am ɛn i bin fɔ gi yu da wata we de mek pipul gɛt layf.”

Rɛvɛleshɔn 21:6

I tɔk igen se, “Ɔl dɛn tin ya dɔn bi. Mi na Alfa, dat na di wan we bigin ɔltin, ɛn Omɛga, dat na di wan we go dɔn ɔltin. If ɛnibɔdi tɔsti, mek i kam to mi, a go gi am pan di wata we de bɔs plɛnti plɛnti we de gi layf; ɛn we fri.

Ayzaya 1:28

Bɔt dɛn go nyakanyaka di rebɛl ɛn di sina dɛn togɛda, ɛn i go kil dɛn wan we tɔn dɛn bak pan Gɔd.

Lyuk 10:20

Una nɔ fɔ gladi bikɔs dɛn dɛbul du wetin una tɛl dɛn fɔ du, bɔt una fɔ gladi bikɔs una nem dɔn rayt na ɛvin.”

Jɛrimaya 14:8

E ya, yu we na yu Izrɛl abop pan, yu we kin sev am we i gɛt trɔbul, wetin mek yu fɔ tan lɛkɛ trenja na di land, lɛkɛ pɔsin we de travul we kan beg fɔ slip fɔ di nɛt?

Rɛvɛleshɔn 20:15

Ɛnibɔdi we in nem nɔ bin rayt insay di buk we dɛn rayt dɛn pipul we gɛt layf sote go dɛn nem, dɛn trowe am insay di wata we faya de kech.

Ayzaya 66:5

Una yɛri PAPA GƆD in wɔd yu we de trimbul we yu yɛri in wɔd: ‘Yu brɔda dɛn we et yu ɛn trowe yu na do fɔseka mi nem dɔn se, “Lɛ PAPA GƆD tek glori so dat wi go si se yu gladi’; bɔt na dɛn go shem.

Di Sam Dɛm 73:27

Dɛn wan we nɔ bisin bɔt yu go alaki; yu go mek ɔl udat nɔ lɛk yu biznɛs, alaki.

Jɛrimaya 2:13

bikɔs mi pipul dɛn dɔn du tu bad bad tin; dɛn dɔn fɔsek mi, we na di say we wata we de gi layf de kɔmɔt, ɛn dɛn dɔn dig wɛl dɛm fɔ dɛnsɛf, wɛl dɛn we broko broko we nɔ de ol wata.

Joɛl 3:16

PAPA GƆD mek nɔys lɛkɛ layɔn na Mawnt Zayɔn. In vɔys lɛk tɛnda na Jerusɛlɛm; ɛn ɛvin ɛn ath go trimbul. Bɔt PAPA GƆD go bi di sikyɔriti fɔ in pipul, di kɔtintri fɔ di Izrɛlayt dɛn.

Jɛrimaya 2:17

Nɔto unasɛf dɔn mek dis apin to una, we una fɔsek PAPA GƆD, we na una Gɔd, we i de bifo una na rod?

Rɛvɛleshɔn 22:17

Gɔd in Spirit ɛn di Ship in yawo se, “Kam!” Mek ɛnibɔdi we yɛri dɛn wɔd ya, insɛf se, “Kam!” Mek ɛnibɔdi we tɔsti, we want drink da wata we de gi layf, kam ɛn drink fri.

Fɔs Lɛta To Timoti 1:1

Mi, Pɔl, na Jizɔs Krays in apɔsul. Na Gɔd we dɔn sev wi ɛn Masta Jizɔs Krays insɛf, we wi abop pan, tɛl mi fɔ bi in apɔsul.

Apɔsul Dɛn Wok 28:20

A kɔl una fɔ si una ɛn tɛl una se dɛn chen mi fɔseka di pɔsin we di Izrɛl pipul dɛn abop pan.”

Daniɛl 12:2

Bɔku pan di wan dɛn we dɔn day go wek. Sɔm go gɛt layf sote go ɛn sɔm go gɛt shem ɛn disgres sote go.

Izikɛl 36:32

Bɔt nɔto fɔ una sek a go akt, PAPA GƆD se; ɛn mek una no dat O Izrɛl pipul, una fɔ shem ɛn wɔri bɔt una bievyɔ dɛn.

Izikɛl 16:63

so dat una go mɛmba ɛn kɔle, ɛn nɔ ɛva ebul se natin igen, bikɔs una go shem, we a go fɔgiv una fɔ ɔl wetin una bin dɔn du, na so Papa Gɔd we na Gɔd se.”

Jɛrimaya 17:17

Nɔ mek a fred yu; Na yu a fɔ go ayd to we a gɛt trɔbul.

Jɛrimaya 17:5

Na dis PAPA GƆD se: “Swɛ go mit, di pɔsin we abop pan mɔtalman, we pul in at kɔmɔt to PAPA GƆD ɛn put in at to mɔtalman.

Prɔvabs 14:14

Udat bad go kɔlik wit di pe fɔ in bad, ɛn yu gud, semweso go gɛt in yon pe.

Prɔvabs 10:7

Ɔltɛm dɛn go de mɛmba di wan we raychɔs in gud nem, bɔt bad pɔsin in nem go rɔtin.

Di Sam Dɛm 97:7

Ɔl udat de wɔship dɛn ɔda gɔd dɛn, go shem dɛn we de kak, bikɔs dɛn min se dɛn na sɔntin go shem as di ɔda gɔd dɛn go butu ɛn wɔship PAPA GƆD.

Di Sam Dɛm 22:4

Na yu wi fɔstɛm-papa dɛn bin biliv pan; dɛn trɔs yu ɛn yu pul dɛn pan trɔbul.

Di Sam Dɛm 71:5

Mi Masta, yu we na PAPA GƆD Ɔlmayti, na yu dɔn de gi mi op, na yu PAPA GƆD a dɔn put mi at traŋa wan pan frɔm we a smɔl.

Jɛrimaya 17:18

Le dɛn wan dɛm we du mi bad, shem, bɔt nɔ mek a shem; le dɛn kɔnfyus; bɔt nɔ mek a kɔnfyus; lɛ di de fɔ ivul kam pan dɛm; ɛn nyakanyaka dɛn dɔbul!

Jɛrimaya 19:4

Bikɔs di pipul dɛn dɔn fɔsek mi ɛn bamfa dis ples we dɛn de bɔn insɛns de to ɔda gɔd dɛm we dɛm ɛn dɛn fɔstɛmpapa dɛm, ɛn dɛn kiŋ dɛn na Juda nɔ no wande; ɛn bikɔs dɛn dɔn ful dis ples wit inosɛnt pipul dɛn blɔd,

Jɛrimaya 50:7

Ɔl di wan dɛn we si dɛm, de atak dɛm, ɛn dɛn ɛnimi dɛm se,. “Wi nɔ gilti, bikɔs dɛn dɔn kɔmit sin to PAPA GƆD we gɛt dɛm, PAPA GƆD we dɛn fɔstɛmpapa dɛn bin abop pan.’

Izikɛl 13:9

A go rɛdi fɔ dil wit dɛn prɔfɛt we de si laylay vishɔn ɛn we de gi laylay prɔfisi; dɛn nɔ go de na mi pipul dɛn kansul, ɛn dɛn nem nɔ go de na di rɛjista na Izrɛl, ɛn dɛn nɔ go go insay Izrɛl; ɛn una go no se na mi na Papa Gɔd we na Gɔd.

Zɛkaraya 9:12

I se, dɛn fɔ gɛt op ɛn go bak to di ples we dɛn go sef. I se, da de de, in wan mek dɛn no se i go gi dɔbul wan fɔ ɔl wetin dɛn dɔn lɔs.

Zɛkaraya 13:1

Da de de, wan fawnten go de we di pipul na Devid in os ɛn di pipul dɛn we tap na Jerusɛlɛm go go so dat dɛn go mek dɛnsɛf klin na PAPA GƆD yay ɛn dɛn sin go kɔmɔt.

Di Sam Dɛm 69:29

A de pan pen ɛn mi at nɔ swit; PAPA GƆD, duya sev mi, kɔba mi.