Jɛrimaya 17:12 - Krio Fɔs Oli Baybul

¹² Wan gloriɔs tron we de pantap mawnten frɔm di biginin, na di ples we wi fɔ pre to PAPA GƆD.

Jɛrimaya 17:12 Referans Kwoze

Di Sam Dɛm 96:6

We yu luk PAPA GƆD, yu no se na Kiŋ da wande as yu si di tin dɛn nɔmɔ nain os, yu no se i gɛt trɛnk ɛn i fayn fɔ luk.

Izikɛl 43:7

ɛn i tɛl mi se, “Mɔtalman, na ya mi tron de, ɛn na di ples we mi ɔndafut dɛn de, usay a go tap midul di Izrɛl pipul so te go. Ɛn di Izrɛl pipul nɔ go dɔti mi oli nem igen igen; dɛm o, dɛn kiŋ dɛm o, dɛn rare layf o, ɛn dɛn kiŋ dɛn dedebɔdi dɛm o, nɔ go dɔti mi nem igen

Jɛrimaya 3:17

Da tɛm de, dɛn go kɔl Jerusɛlɛm, PAPA GƆD in tron, ɛn ɔl di difrɛn neshɔn gɛda de fɔ wɔship PAPA GƆD na Jerusɛlɛm, ɛn dɛn nɔ go stɔbɔn de du wetin dɛn ivul at dɛn se.

Izikɛl 1:26

Ɔp na di klawd oba dɛn ed, sɔntin bin de de lɛk tron we fiba dayamɔn, ɛn sɔntin we tan lɛk mɔtalman bin sidɔm na di tin we tan lɛk tron.

Jɛrimaya 14:21

Nɔ luk usay yu nem de bad yay, nɔ disɔna yu tron we ɔlman de prez; duya, mɛmba o ɛn nɔ brok di Kɔvinant we yu mek wit wi.

Rɛvɛleshɔn 3:21

Ɛnibɔdi we go stil tinap traŋa afta Setan dɔn tray am, a go mek i sidɔm wit mi na di say we a sidɔm fɔ rul jɛs lɛkɛ aw misɛf bin stil tinap traŋa afta Gɔd dɔn tray mi ɛn a kam sidɔm wit mi Papa na di say we i sidɔm de rul.

Di Ibru Pipul Dɛn 12:2

Una lɛ wi luk ɔp to Jizɔs ɔltɛm bikɔs nain de mek wi biliv Gɔd, ɛn ɛp wi fɔ biliv am sote go. I bin dɔn gri lɔntɛm fɔ day na di krɔs, i nɔ tek di shem mek natin, fɔseka di jɔy we Gɔd kip fɔ am. So, i sidɔm naw na Gɔd in raytan, klos di chia we Gɔd sidɔm de rul.

Di Ibru Pipul Dɛn 4:16

Fɔseka dat, wi nɔ fɔ fred. Lɛ wi kam bifo Gɔd we go sho wi aw i lɛk wi, ɛn we go sɔri fɔ wi, ɛn ɛp wi di rayt tɛm.

Ayzaya 6:1

Di ia we kiŋ Uzaya day, a si PAPA GƆD sidɔm na tron, ay wan ɛn i bin de pantap ɔltin; di lɔŋ pat pan in klos we de drɛg biɛn, fulɔp di wanol tɛmpul.

Matyu 25:31

“Di tɛm we Mɔtalman Pikin go kam lɛkɛ Kiŋ wit ɔl Gɔd in enjɛl dɛn, i go sidɔm nain wɔndaful chia fɔ jɔj ɔlman.

Ayzaya 66:1

Na dis PAPA GƆD se: “Ɛvin na mi tron ɛn di ath na mi fut rɛst: uskayn os una go bil fɔ mi, ɛn uskayn ples a go tap?

Di Sam Dɛm 103:19

PAPA GƆD dɔn mek in ay chia usay kiŋ kin sidɔm de na ɛvin, ɛn na de i de de fɔ rul di wanol wɔl.