Jɛrimaya 17:11 - Krio Fɔs Oli Baybul

¹¹ Di pɔsin we de gɛt mɔni di rɔŋ we tan lɛk bush fɔl we de ach eg we i nɔ le, tɛm go kam we dɛn go lɛf am go, ɛn i go kan tɔn fulman in di ɛnd.

Jɛrimaya 17:11 Referans Kwoze

Prɔvabs 28:20

Ɔnɛs pɔsin go gɛt blɛsin, bɔt udat de kapu-kapu fɔ gɛda jɛntri nɔ go bɛtɛ.

Prɔvabs 21:6

If na lay ɛn koŋosa yu abop pan fɔ jɛntri, ɔltin go lɔs pan yu lɛkɛ smok, ɛn na so yu go day.

Jɛrimaya 22:17

Bɔt yu gɛt yay ɛn at fɔ rog pipul dɛn nɔmɔ, fɔ shɛd inosɛnt blɔd, ɛn fɔ sɔprɛs ɛn fɛt pipul.”

Jɛrimaya 22:13

“Swɛ go mit di wan we bil in wan flat os bay we i nɔ waka tret na PAPA GƆD in yay, ɛn bil garɛt os bay we i nɔ de trit pipul dɛn ikwali; in we mek in neba wok fɔ am fɔ natin, ɛn nɔ gi am in pe;

Prɔvabs 28:8

Udat gɛt in jɛntri bay aw i de tek sɔplɔs mɔni frɔm ɔda pipul de gɛda fɔ di pɔsin we de gi poman.

Prɔvabs 15:27

Ɛnibɔdi we bigyay ɛn de kapu-kapu de put in famili pan trɔbul, bɔt udat et fɔ tek brayb de gɛt lɔŋ layf.

Pita In Sɛkɛn Lɛta 2:14

Pan ɔl we dɛn dɔn mared, dɛn yay de na trit, dɛn nɔ de taya fɔ fala dɛn at fɔ liv fri layf. Dɛn de drɔ dɛn pipul we nɔ gɛt dɛn yon maynd fɔ fala dɛn fɔ du bad. Dɛn jɛs want nɔmɔ fɔ gɛt ɔltin fɔ dɛnsɛf, Gɔd dɔn kɔndɛm dɛn, bɛtɛ nɔ go fala dɛn.

Taytɔs 1:11

Yu fɔ mek dɛn pipul ya tap fɔ tɛl pipul dɛn tin we dɛn de tɔk, bikɔs dɛn de skata mami, dadi, ɛn pikin, we dɛn de lan dɛn tin we dɛn nɔ fɔ lan dɛn. Dɛn de du dat fɔ mek mɔni nɔmɔ, ɛn dat na tin we fɔ mek dɛn shem.

Zɛfinaya 1:9

Da sem de de, i go pɔnish ɔl udat jomp go insay pipul yad ɛn we de ful dɛn bɔs dɛn os wit tif tin we dɛn buli pipul fɔ gɛt.

Prɔvabs 28:22

Na krabit man kin de rɔnata jɛntri ɛn nɔ de mɛmba sɛf se i kin po ɛnitɛm.

Prɔvabs 13:11

Jɛntri we yu nɔ wok fɔ de go lɛk briz, bɔt di wan we yu lebɔ fɔ de sidɔm na yu an.

Di Sam Dɛm 55:23

Bɔt yu, PAPA GƆD, go dil wit mi ɛnimi dɛn ɛn yu go mek dɛn day ɛn go ɛl; bikɔs dɛn de kil wit dɛn an ɛn dɛn mɔt dɛn go day bifo dɛn tɛm. Bɔt, as fɔ mi a go de abop pan yu.

Lyuk 12:20

Gɔd tɛl di jɛntri man se, ‘Yu fulman! Dis nɛt ya, a go tek yu layf. Udat go gɛt ɔl dɛn tin ya we yu dɔn gɛda?’”

Pita In Sɛkɛn Lɛta 2:3

Dɛn ticha ya go de lay gi una bikɔs dɛn want una mɔni; bɔt frɔm tɛm nain Gɔd dɔn kɔndɛm dɛn ɛn i go mɔs tek dɛn layf.

Fɔs Lɛta To Timoti 6:9

Bɔt dɛn wan we want jɛntri go want du bad, ɛn dɛn fulish tin we dɛn want we nɔ gud fɔ dɛn, na trap we de mek dɛn layf pwɛl ɔltogɛda.

Matyu 23:13

“I go bad fɔ una dɛn Faresi ɛn dɛn Ju Lɔ ticha; una na ipokrit! Una de baŋ do pan pipul fes mek dɛn nɔ go insay di say we Gɔd de rul, unasɛf nɔ de go insay, ɛn una nɔ de gri mek dɛn pipul we want go insay, go de. [

Malakay 3:5

I se na da tɛm de in go pas in jɔjmɛnt pan ɔl dɛn wan we de lukgrɔn fɔ pipul, dɛn man we de kip pipul wɛf dɛn, dɛn wan we de fɔ lay pan pipul, dɛn wan we nɔ de gri pe wokman aw dɛn fɔ pe am, dɛn uman we dɛn man dɔn day ɛn dɛn pikin we nɔ gɛt papa; i go ivin jɔj dɛn wan dɛn we de buli fɔrina ɛn dɛn nɔ de fred in we na PAPA GƆD Ɔlmayti.

Zɛkaraya 5:4

PAPA GƆD se aw i de flay so, na so in de sɛn am fɔ go insay di tifman in os ɛn insay pɔsin we de lay ɛn swɛ in os; i go de insay di os dɔn nain go pwɛl di os kpatakpata wɛda na stonos ɔ na simɛnt os.

Mayka 7:3

If na fɔ bad, dɛn sabi aw fɔ du am we i nɔ go pwɛl. Ɔl di bigman dɛn de tek brayb ivin di jɔj dɛn. In ɛn di wan we gɛt pawa de du wetin dɛn lɛk ɛn natin nɔ de kɔmɔt biɛn dat.

Mayka 2:9

Dɛn de drɛb di uman dɛn kɔmɔt na dɛn os dɔn dɛn nɔ de mek di pikin dɛn ɛnjɔy wetin PAPA GƆD gɛt fɔ dɛn.

Emɔs 3:10

PAPA GƆD se, dɛn nɔ no aw fɔ du natin di rayt we. Dat na dɛn wan dɛn we de kip dɛn bad bad ɛn tif tif tin dɛn na dɛn os

Prɔvabs 28:16

Ɛni rula we nɔ gɛt sɛns de mek di pipul sɔfa, bɔt udat nɔ miks pan kapu kapu ɛn awn awn de gɛt lɔŋ layf.

Prɔvabs 23:5

bikɔs, sɔntɛm we yu dɔn gɛt am dɔn, ɔl kin flay lɛkɛ briz, dɔn yu lɔs ɔltin.

Di Sam Dɛm 49:13

Na so ɔl udat abop pan in jɛntri gɛt fɔ ɛnd, ɛn ivin udat de fala ɛn du wetin dɛn se.

Jɛrimaya 6:13

Bikɔs, frɔm di smɔl wan to di wan we big pas dɛn ɔl, dɛn ɔl want fɔ mek tif tif prɔfit; ɛn, frɔm prɔfɛt to man we de mek sakrifays fɔ pipul sin, dɛn ɔl de ple yuki yuki gem.

Jɛrimaya 8:10

Fɔseka dat, a go gi dɛn wɛf dɛm to ɔda man dɛn ɛn dɛn fam dɛm to di wan dɛn we go win dɛm, bikɔs, frɔm di lili wan to di big wan, ɔlman awn awn fɔ tif tif prɔpati; frɔm di prɔfɛt to di man we de mek sakrifays fɔ pipul sin, ɔlman de pan rikishi.

Job 20:21

I awaŋɔt, so in jɛntri nɔ go las.