Jɛrimaya 17:10 - Krio Fɔs Oli Baybul

¹⁰ “Mi PAPA GƆD, sach mɔtalman maynd ɛn tɛst mɔtalman at, fɔ pe ɔlman bay wetin i du, di pe we i fɔ gɛt fɔ di kayn wok we i wok.”

Jɛrimaya 17:10 Referans Kwoze

1 Samiɛl 16:7

Bɔt PAPA GƆD tɛl Samiɛl se mek i nɔ luk in fayn ɔ in ayt bikɔs i nɔ pik am sins nɔto so PAPA GƆD in de wok. I se mɔtalman de luk wetin in de si bɔt PAPA GƆD in de luk insay pɔsin in at.

Lɛta Fɔ Rom 8:27

Gɔd, we no wetin mɔtalman want nain at, no wetin di Spirit min, bikɔs di Spirit de beg Gɔd fɔ in pipul dɛn ɛn i de tɔk wetin Gɔd insɛf want.

Rɛvɛleshɔn 2:23

A go mek ɔl dɛn wan we de fala am sik ɛn day. Dat go mek ɔl dɛn Kristiɛn ɔlɔbɔt no se a no wetin ɔlman na wɔl de tink ɛn a de si insay dɛn at. A go mek ɔlman gɛt di pe fɔ wetin i du.

Jɛrimaya 11:20

Bɔt, duya PAPA GƆD Ɔlmayti, yu we de jɔj rayt, yu we de tɛst di at ɛn di maynd, rivɛnj fɔ mi, bikɔs na to yu a lɛf mi kes.

Jɛrimaya 32:19

we sabi plan wit sɛns ɛn kin du wɔndaful tin: I de si ɔl mɔtalman in we, ɛn de pe ɔlman bay in we ɛn bay wetin dɛn mek bi.

Jɛrimaya 20:12

E PAPA GƆD Ɔlmayti, we de tray dɛn wan dɛm we de waka tret na yu yay, yu we de si pipul dɛn at ɛn dɛn maynd, rivɛnj pan dɛm, bikɔs na to yu a lɛf mi kes.

1 Kronikuls 28:9

“Ɛn yu, Sɔlɔmɔn mi bɔypikin, sabi yu Papa in Gɔd, ɛn sav am wit ɔl yu at ɛn sol; bikɔs PAPA GƆD de luk ɔl man at ɛn i no ɔlman plan ɛn wetin i de tink bɔt. If yu luk fɔ am, yu go ebul fɛn am; bɔt if yu tɔn yu bak pan am, i go trowe yu sote go.

Rɛvɛleshɔn 22:12

Jizɔs se, “Lisin, di tɛm we a go kam nɔ fa igen. A go kam fɔ gi ɔlman di pe we dɛn wok fɔ.

Matyu 16:27

Mɔtalman Pikin go kam wit Gɔd in enjɛl dɛn ɛn i go kam wit in Papa in wɔndaful pawa; i go gi ɔlman dɛn pe fɔ wetin dɛn du.

Di Sam Dɛm 62:12

In lɔv fɔ wi nɔ go ɛva chenj. PAPA GƆD yu go mɔs gi ɔlman di pe we i fɔ gɛt.

Prɔvabs 17:3

Lɛkɛ aw dɛn de yuz faya fɔ tɛst gold ɛn silva if dɛn piɔ, na so PAPA GƆD de tɛst pɔsin in at.

Rɛvɛleshɔn 20:12

Dɛn a si dɛn pipul we bin dɔn day, dɛn bigman ɛn dɛn ɔdinari pipul, dɛn ɔl tinap bifo di chia. Sɔmbɔdi opin sɔm buk dɛn, dɔn i opin wan ɔda buk we dɛn pipul we gɛt layf sote go dɛn nem bin rayt. Ɔl wetin dɛn pipul we bin dɔn day bin du bifo dɛn day, bin rayt insay di fɔs buk dɛn, ɛn nain Gɔd tek jɔj dɛn.

2 Kronikuls 6:30

duya ansa dɛn prea na yu os na ɛvin. Fɔgiv dɛn ɛn ɛp dɛn. Na yu waŋren nɔmɔ no wetin de na mɔtalman at. Dil wit ɔlman akɔdin to

Jɔn 2:25

Nid nɔ bin de fɔ mek pipul tɛl Jizɔs wetin de na dɛn at, bikɔs Jizɔs insɛf sɛf bin no wetin de na dɛn at.

Jɛrimaya 21:14

PAPA GƆD se, A go pɔnish una bay wetin una du; A go layt faya insay in fɔrɛst, ɛn i go bɔn ɔl wetin de rawnd am.”

Di Sam Dɛm 7:9

E PAPA GƆD we de du tin tret wan, yu we no wetin de na wi at ɛn aw wi de fil. Tap bad pipul fɔ kɛriɔn dɛn wikɛdnɛs ɛn mek bɛtɛ fala udat de du gud.

Lɛta Fɔ Rom 6:21

Wetin una bin gen wɛn una bin de du dɛn tin we una de shem fɔ du naw? Na day dɛn kayn tin de, de briŋ.

1 Kronikuls 29:17

Mi Gɔd, a no se yu de tɛst mɔtalman maynd kin gladi wit udat de waka tret; na wit klin at a dɔn gi yu ɔl dɛn tin ya, wit ɔl mi at ɛn wit gladi.

Mayka 7:13

Bɔt di land go dray so bikɔs ɔf di bad we di pipul dɛn we de de dɔn du.

Matyu 6:4

Da tɛm de di ɛp we una ɛp go lɛf to una tu nɔmɔ, ɛn una Papa we si wetin una du sikrit wan, go gi una di pe.

Apɔsul Dɛn Wok 1:24

Dɛn pre se, “Masta, yu we sabi ɔlman at, duya, sho wi pan dɛn tu man ya, di pɔsin we yu dɔn pik

1 Kiŋ 8:39

duya ansa dɛn prea na yu os na ɛvin. Fɔgiv dɛn ɛn ɛp dɛn. Na yu waŋren nɔmɔ no wetin de na mɔtalman at. Dil wit ɔlman akɔdin to

Di Sam Dɛm 44:21

PAPA GƆD bin fɔ no. I no wetin de na wi at.

Ɛkliziastis 9:3

Wan bad bad tin de bi na di wɔl; dat na we na di sem kayn tin de apin to ɔlman. Wetin bad mɔ, na dat na so so bad bad tin de na dɛn at; na kres kres tin kin de na dɛn at we dɛn de na wɔl. Afta ɔl dat, dɛn kin day go.

Ayzaya 59:18

Na akɔdin to wetin dɛn du, i go pe dɛn bak, vɛksteshɔn fɔ di wan dɛn we de agens am, ɛn i go sho lɔv to in ɛnimi dɛn; i go sho lɔv to di kɔntri dɛn we de nia di si.

Jɛrimaya 12:13

Dɛn dɔn plant wit, ɛn dɛn avɛst chuk chuk, dɛn dɔn yagba dɛnsɛf te dɛn dɔn taya, bɔt nɔ prɔfit natin. Dɛn go shem fɔseka dɛn avɛst fɔseka PAPA GƆD in bad bad vɛksteshɔn.”

Izikɛl 11:5

Nain PAPA GƆD in Spirit kam pan mi, ɛn tɛl mi se, “Tɛl dɛn se: na dis PAPA GƆD se; na dis una de tink, una di pipul dɛn na Izrɛl; bikɔs a no di tin dɛm we de kam insay una maynd.

Izikɛl 14:5

so a go ebul fɔ gɛt Izrɛl dɛn at, ɔl dɛn wan we dɔn tɔn dɛn bak pan mi fɔseka dɛn lay lay gɔd dɛn we dɛn de wɔship.

Job 34:11

Bikɔs na bay di wok we mɔtalman du PAPA GƆD de pe am, ɛn na bay mɔtalman in we, PAPA GƆD go trit am.

Di Sam Dɛm 7:10

Na PAPA GƆD Ɔlmayti de kɔba mi, in na PAPA GƆD we de sev udat de du gud

Di Sam Dɛm 44:22

Bikɔs wi nɔ kɔmɔt biɛn yu, na dat mek dɛn de kil wi so; wi fiba ship dɛn we dɛn dɔn kɛr go fɔ kil.

Prɔvabs 12:14

Lɛkɛ aw man de bɛnifit frɔm di gud wɔd we de kɔmɔt nain mɔt, na so udat wok traŋa wan go gɛt di pe.

Jɛrimaya 23:2

Fɔseka dat, na dis PAPA GƆD we na Izrɛl dɛn Gɔd se bɔt dɛn shɛpad dɛm we de kia fɔ mi pipul dɛm: “Una dɔn skata mi ship dɛm, ɛn una dɔn drɛb dɛm go, ɛn una nɔ atɛnd to dɛm. A de tɛl una, a go atɛnd to una fɔ di ivul tin dɛn we una du, na so PAPA GƆD se.