Jɛrimaya 17:1 - Krio Fɔs Oli Baybul

¹ “Dɛn rayt Juda in sin wit ayɛn pɛn; na wit pɛn we gɛt dayamɔn mɔt dɛn tek dig rayt am pan di tablɛt na dɛn at, ɛn pan di ɔn dɛm na dɛn ɔlta dɛm,

Jɛrimaya 17:1 Referans Kwoze

Prɔvabs 3:3

Nɔ miks pan kalokalo ɛn bɛnbɛn; bɔt mek lɔv ɛn tret biznɛs nɔ kɔmɔt nia yu; lɛ dɛn tan lɛk chen na yu nɛk, ɛn lɛ dɛn de na yu at ɔltɛm.

2 Kɔrint 3:3

Una dɔn sho plen wan se na una na di lɛta we Krays rayt, we wi dɔn briŋ. Nɔto ink wi tek rayt am pan ston slab, na Gɔd we gɛt layf sote go, in Spirit rayt am na wi at.

Prɔvabs 7:3

Lɛ ɔl wetin a dɔn tɛl yu de wit yu ɔltɛm, lɛ i de na yu at.

Lɛvitikɔs 4:25

Dɛn di man we de mek sakrifays fɔ pipul sin we de dyuti go tek sɔm pan di blɔd pan di sin ɔfrin wit in fiŋa ɛn put am na di ɔn dɛn na di bɔn ɔfrin in ɔlta ɛn tɔn di blɔd we lɛf bɔtɔm di ɔlta usay fɔ mek bɔn ɔfrin.

Ozie 12:11

I se if di pipul na Giliad de pan sin, dɛn go pe dia wan fɔ dat; if dɛn de mek sakrifays to ɔda gɔd dɛn na Giliad, i se, i go nyamanyama dɛn ɔlta dɛn we de na dɛn fil dɛn we dɛn dɔn mek fayn.

Ayzaya 49:16

A de tɛl yu, a dɔn kav yu na mi an dɛn; yu wɔl dɛn de bifo mi ɔltɛm.

Jɛrimaya 2:22

PAPA GƆD Ɔlmayti se, ɔl we una was unasɛf wit sop, ɛn una yuz bɔku bɔku sop, di gilt stil de sho na una fes.

Jɛrimaya 4:14

E Jerusɛlɛm, una was wikɛdnɛs kɔmɔt na una at, so dat una go sev. Aw lɔŋ una ivul plan dɛn go de na una at?

Ozie 7:2

Dɛn nɔ bin fil se i de mɛmba ɔl di bad we dɛn dɔn du. Naw na soso dɛn bad i de si.

Zɛkaraya 7:12

Dɛn traŋa dɛn at fɔ mek dɛn nɔ yɛri PAPA GƆD Ɔlmayti in wɔd we i bin dɔn mek in Spirit we bin de insay dɛn fɔstɛm prɔfɛt tɔk. Dat mek PAPA GƆD Ɔlmayti vɛks bad fɔ wetin dɛn de du.

Jɛrimaya 11:13

Bikɔs una gɔd dɛm dɔn bɔku lɛkɛ aw una siti dɛm dɛn bɔku, Yu Juda; ɛn lɛkɛ aw di trit dɛm bɔku na Jerusɛlɛm, na semweso di ɔlta dɛm we una dɔn bil we shemful, dɛnsɛf bɔku; ɔlta dɛn fɔ bɔn insɛns to Beal.

Jɛrimaya 31:33

PAPA GƆD se, ‘Bɔt na di kayn Kɔvinant dis we a go mek wit Izrɛl dɛn tɛm dɛn de: A go put mi lɔ insay dɛm ɛn a go rayt am na dɛn at; ɛn a go bi dɛm Gɔd, ɛn dɛn go bi mi pipul.

Ozie 8:11

Bikɔs Izrɛl kin sin we dɛn de mek sakrifays, aw dɛn de mek mɔ ɔlta, na so dɛn de sin mɔ.