Jɛrimaya 16:9 - Krio Fɔs Oli Baybul

⁹ Bikɔs na dis PAPA GƆD Ɔlmayti we na Izrɛl dɛn Gɔd se; A de tɛl una, a go mek gladi gladi tap na ya, bifo una yay ɛn nainsay una yon tɛm. Laf laf ɛn gladi gladi go tap; ɔkɔ in vɔys ɛn yawo in vɔys go tap na di ples.

Jɛrimaya 16:9 Referans Kwoze

Ozie 2:11

Na so a go tek tɛm tap ɔl in ladida we i kin mek fɔ di ful mun fɛstival dɛn, di sɛvin de we na fɔ pre ɛn blo ɛn ɔl dɛn ɔda ɔlide dɛn.

Izikɛl 26:13

ɛn a go tap di myuzik we una siŋ dɛn gɛt, ɛn dɔn nɔ go yɛri igen igen di sawnd we una laya dɛn de mek.

Jɛrimaya 7:34

Ɛn a go mek gladi gladi ɛn ɛnjɔymɛnt, ɛn ɔkɔ ɛn yawo vɔys, lɔs na di siti dɛn na Juda ɛn di trit dɛm na Jerusɛlɛm, bikɔs di land nɔ go gud fɔ natin.

Jɛrimaya 25:10

Pantap dat, a go mek ɛnjɔymɛnt ɛn gladi gladi nɔ de na dɛn layf. Dɛn nɔ go gɛt fɔ yɛri ɔkɔ ɛn yawo vɔys, dɛn nɔ go yɛri di grenin ston in sawnd ɛn na dak dɛn go de.

Di Sam Dɛm 78:63

Di yɔŋbɔy dɛn day na wa so bɔku. Man dɛn nɔ bin de fɔ mared dɛn yɔŋgyal dɛn.

Izikɛl 12:25

Bɔt mi we na PAPA GƆD go tɔk di wɔd we a go tɔk, ɛn i go bi. PAPA GƆD se, ‘i nɔ go te igen, bɔt na una tɛm, una dɛn pipul dɛn we nɔ de gri yɛri wɔd, a go tɔk di wɔd ɛn du am.’